Morgunn - 01.12.1974, Page 36

114
MORGUNN
kom sambýliskona Þ. C. frú Ragnhildur Gottskálksdóttir i
einhverjum erindagjörðum við hana. Þ. C. kynnti okkur, því
við höfðum ekki áður sést, að því búnu kveður frúin og fer.
En að nokkrum mínútum liðnum kemur hún aftur, ávarpar
mig og spyr, hvort ég hafi átt útlenda konu, ég hvað svo vera.
Hún kvaðst ekki vera viss um, hvort hún hafi verið norsk eða
dönsk en hyggi þó heldur norsk. „Það brá fyrir mig mjög
fögru umhverfi, miklum skóglendum og blómagróðri“, segir
hún, „og fannst mér bregða fyrir ilmi af skógi og jurtum,"
siðar lýsir hún landslagi, sem ég kannast mjög vel við. Svo
segir hún, að sér hafi heyrst nefnt orðið dalur í sambandi
við þessa sýn. Þetta tel ég alveg rétta lýsingu, því að bærinn,
sem konan min var frá heitir Moldi og stendur við mynni
hins forna þekkta Raumsdalsfjarðar og heyrir því til Róms-
dalsamtinu og oft nefndur blómsturbærinn Moldi fyrir feg-
urð sina.
Því næst segir frúin. „Þið hafið eignast níu börn,“ (en þá
verður frú Þ. C. fyrr til svars og segist ekki hafa tekið á
móti nema átta) en ég hvað það rétt, því eitt eignuðumst við
i Noregi. Því næst segir hún: „Þið hafið misst ungt barn“.
Það var rétt, við misstum fyrsta barnið okkar, sem fæddist
í Noregi og andaðist tveggja nátta. Svo heldur frúin lýsing-
unum áfram á þessa lund:
„Þegar ég kem út á ganginn, kemur á móts við mig ung
kona og heldur á nýfaaddu barni,“ og lýsir hún svo útliti henn-
ar, vexti og klæðnaði, uppsetningu á hári og lit, svo rétt og
glöggt, sem bezt gat verið, eftir útliti hennar og klæðnaði, á
þeim tíma. Hún fylgist með henni inn í íbúð hennar, en frúin
ætlar ekki frekar að sinna þessu, því hún er vön að sjá svona
sýnir, en fer að sinna húsverkum sínum, þá tekur hin unga
kona hana undir ann, gefur henni áður téða lýsingu af
fæðingarbæ sínum og biður hana jafnframt mjög innilega
að koma upp aftur og segja manni sínum, sem sé staddur þar,
af komu sinni hingað, því það sé svo langt síðan, að hún hafði
getað náð sambandi við hann.
„Nú er hún komin hér meðal okkar og tekur sér stöðu við