Tímarit Tónlistarfélagsins - 01.11.1938, Blaðsíða 9

Tímarit Tónlistarfélagsins
íslenzk þjóðlög
í raddfærslu Karls Ó. Runólfssonar
Meðal viðfangsefna á hljómleik þeim, sem Tónlistarfé-
lagið ráðgerir aö halda í desember, verða þrjú íslenzk
þjóðlög (eöa máske fleiri), sem Kai’l Ó. Runólfsson hefir
raddsett fyrir hljómsveit. Þjóðlög þessi voru flutt á tón-
listarhátiðinni í Kaupmannahöfn í september og fengu
ágætar viðtökur. Ummæli blaðanna voru lofsamleg og fara
nokkur þeirra hér á eftir í lauslegri þýðingu:
„Nationaltidende“: í nokkrum íslenzkum þjóðlögum fyrir
hljómsveit, eftir Karl Runólfsson, hlustuðu áheyrendur með
ánægju á tóna með sérstæðum þrótti.
„Dagens Nyheter“: Það, sem óefað vakti mesta athygli,
voru þjóðlögin þrjú eftir Kai'l Runólfsson, sem enn er
ókunnur á Norðurlöndum, utan ættlands síns.... þessir
tónar komu áheyrendum til að hlusta með sérstakri
athygli.
Það hafa verið geröar margar tilraunir til að raddsetja
íslenzk þjóðlög og dansa, en fáar hafa tekizt vel og viður-
kenna íslendingar það sjálfir. Svo rnikið er víst, að þessi
gömlu, einkennilegu, en um leið sérlega hrífandi lög,
missa mikils af sérkennum sínum við það, að klæðast
búningi af sniði Hartmann’s og Gade, sem eldri islenzkum
tónskáldum hættir við aö gripa til, vegna eðlilegra sam-
banda sinna við danska tónlist 19. aldarinnar. Kai’l Run-
ólfsson hefir farið aðra leið, notað raddfærslu á konti’a-
punkts-gi’undvelli, án of áberandi sætleika í hljómum.
„Tidens Tegn“: Þrjú þjóðlög eftir Karl Runólfsson voru
leikin. K. R. er maður, sem áreiðanlega á eftir að láta til
sín taka í hinni nýju tónlistaframþróun á íslandi.
„Svenska Dagbladet": Það sem ánægjulegast var í síð-
ari hluta hljómleiksins, var raddsetning K. R. á þremur
íslenzkum þjóðlögum. Með þeim var þó eitthvað sagt á
því noi-ræna máli, er gjarnan hefði mátt heyrast meira
af við þetta tækifæri.
57