Tímarit Tónlistarfélagsins - 01.04.1941, Page 7

Tímarit T ó n 1 i s t a r f é 1 a g s in s
H áskól ahl j óml ei kar
Visindi og listir eru oft nefnd i sömu andránni og höfum
við einnig tileinkað okkur þá venju, þótt áhuga og virkum
stuðningi hafi verið mjög áfátt hvaö listirnar snertir. Þær
hafa ekki verið álitnar þýðingarmikill liður í menntunar-
og uppeldiskerfi þjóðarinnar, en þetta álit þarf að breytast
og ýms atriði gefa vonir um, að svo kunni að verða, þótt
fá séu, en stórfelldra breytinga er ekki að vænta meðan
mestu hindrunum er ekki rutt úr vegi, er sumar stafa bein-
línis af þröngsýni.
Með hinum nýju og veglegu húsakynnum og auknu fjár-
magni hefir starfsemi Háskólans færst mjög í aukana og
bera ýmsar ráðagerðir forráðamanna hans þess vitni, að
hugur fylgi máli. Er gott til þess að vita að starfi í þágu
listanna hefir ekki verið gleymt. Fræðsla í tónlistarsögu og
myndlistarsögu og þeim lögmálum, sem þessar listgreinar
byggjast á, er líka beinlínis innan vébanda æðstu mennta-
stofnunar okkar.
Háskólinn hefir nú í vetur gengist fyrir nokkrum hljóm-
leikum í hátíðasalnum og fengið til þess beztu tónlistar-
menn okkar, þá Björn Ólafsson fiðluleikara og Árna Krist-
jánsson píanóleikara. Hljómleikar þessir, hafa verið mjög
vel sóttir og fengið ágæta dóma, enda hafa þeir félagar
vandað mjög til efnisvals. Með tillit til þess hve vel þessu
nýmæli hefir verið tekið, má vænta þess að framhald verði
á, því góð tónlist er ekki um of á boðstólum í höfuðstaðnum.
Þess má einnig geta að Háskólinn hefir fengið Hallgrím
Helgason til að flytja nokkra fyrirlestra um tónlist á þess-
um vetri, en um þau fræði munu ekki hafa verið fluttir
fyrirlestrar síðan próf. Erik Abrahamsen kom hingað fyrir
mörgum árum. Má nú búast við því, að slík fræðsla verði
flutt á hverjum vetri úr þessu og fari vaxandi.
K. S.
7