Prentarinn - 01.05.1968, Blaðsíða 11
næst 5 titlar um trúarbrögð og sömuleiðis 5
titlar í bókaflokknum ævisögur og ættfræði.
Frá árinu 1888 til síðustu aldamóta eru útgáfu-
titlarnir að meðaltali þessi 12 ár, um 60 ár-
lega, flestir aldamótaárið 1900, 78 talsins, en
áberandi fáir árið 1894, aðeins 35 útgáfu-
titlar. Þegar þessi bókaskýrsla er skoðuð nán-
ar, sést, að bækur um trúarbrögð eru flestar
öll þessi 12 ár fyrir síðustu aldamót.
Eins og áður segir, voru íslenzkar útgáfu-
bækur 75 að tölu árið 1900. Þeim fjölgar hægt
og bítandi, enda þótt bakslag sé öðru hverju,
og þannig eru þær orðnar 248 árið 1936. Upp
úr því verður hraðari fjölgun titla á ári, t. d.
árið 1940 eru þeir 318, fjórum árum síðar,
lýðveldisárið 1944, eru titlarnir orðnir 417, og
næstu tvö árin heldur þessi þróun áfram, því
að árið 1945 eru þeir 540 og árið eftir, 1946,
eru útgáfutitlar íslenzkra bóka 603, sem er há-
mark allra tíma. Tók síðan að fækka næstu
árin og náðu lágmarki árið 1953, en þá voru
aðeins gefnir út 427 titlar. Síðan hefur út-
gáfutitlum að vísu fjölgað, en ég tel, að full-
yrða megi, að þar muni mest um fjölgun tíma-
rita, bæklinga, árbóka og skýrslna.
Ef litið er nokkru nánar á fjölda titla í
helztu bókaflokkum á undangengnum áratug-
um, kemur þetta m. a. í ljós: Þótt bókaflokk-
urinn þýddar skáldsögur sé fyrirferðamestur,
reyndar tvöfallt stærri en sá sem næst kemur,
hefur sú breyting á orðið, að þegar hvað flest
erlend skáldrit eru þýdd á íslenzku árið 1948,
eða 124 titlar, fækkar slíkum næstu 15 árin
jafnt og þétt, þannig, að svo er komið árið
1962, að þýdd skáldrit eru aðeins 46. A sama
tímabili fjölgar aftur á móti hókum og bækl-
ingum um landafræði, náttúrufræði, stjórn-
mál, uppeldis- og skólamál, þýddum barna- og
unglingabókum, svo og frumsömdum skáld-
ritum. Frumsamin ljóð og barnabækur halda
einnig velli á fyrrgreindu 15 ára tímabili 1948
til 1962.
Ef við viljum glöggva okkur á því hvaða
bókaflokkar séu fyrirferðamestir í íslenzkri
bókaútgáfu, eru til skýrslur yfir 75 ára tíma-
bilið frá 1888 til 1962. Á þessu tímabili voru
gefin út hér á landi 17.642 titlar, en helztu
bókaflokkarnir eru þessir:
Þýdd skáldrit........................... 2.155 titlar
Ljóð, frumsamin......................... 1.156 —
Uppeldis- og skólamál .................. 1.026 —
PRENTARINN
57