Árdís - 01.01.1953, Blaðsíða 8
Heimsókn til Hólakirkju
Eftir LILJU M. GUTTORMSSON
Aldrei hafði mig dreymt um það að ég mundi nokkurn tíma
heimsækja Noreg og dvelja í höfuðborginni, Osló, í nokkur ár. En
þó kom það á daginn, að ég var á leiðinni þangað með einu stærsta
og hraðskreiðasta skipi Canada, sem helzt mætti líkja við fljótandi
kastala útbúnum öllum nýjustu þægindum, sem í bili var heimur
út af fyrir sig og virtist vera óháður umheiminum. En svo áður en
varði var maður kominn á land í hinum „gamla heimi“, í höfuð-
setri Bretaveldis, Englandi. Eftir örstutta dvöl í höfuðborginni,
London, hélt ég áleiðis til Osló í Noregi, landi víkinganna, forfeðra
flestra íslendinga og að öllum líkindum forfeðra minna.
Stundum hafði mig dreymt um það, að ég mundi ef til vill
heimsækja ísland einhverntíma, að minsta kosti fann ég oft löngun
hjá mér til þess að líta land forfeðranna, það land, sem ég hafði
heyrt svo mikið um, og sem á upptökin að Nýja-íslandi í Manitoba-
fylki í Canada, þar sem ég var fædd og uppalin. Og sá draumur
rættist, þó með öðrum hætti, en ég hafði gert mér í hugarlund, að
því leyti að Noregur varð fyrsti áfanginn, en ísland annar. f þetta
skipti ferðaðist ég í skýjunum og var það í fyrsta sinn að ég hafði