Árdís - 01.01.1953, Page 16
14
ÁRDÍ S
Kvenfélagið Freyja i Geysis-bygð
1895—1953
Árið 1895 var þetta félag stofnað, frumkvöðlar að því voru
tvær konur, þær Ólína Th. Erlendson og Jóhanna Sveinsson. Lög
félagsins voru samin, samkvæmt ósk kvennanna, af Jóhanni Magnúsi
Bjarnasyni, sem þá var skólakennari í því héraði. Tilgangur félags-
ins var talinn að vera: „Að efla eining og félagsskap kvenna í
bygðinni.“ Fjórtán konur tilheyrðu félaginu í byrjun: Sigríður
Hafliðason, Hofi; Þórunn Borgfjörð, Melstað; Guðrún Borgfjörð,
Hvanneyri; Þórey Oddleifsson, Haga; Guðlaug Einarsson, Öxará;
Þórlaug Jóhannesson, Grænanesi; Jónanna Pálsson, Geysir; Jónína
Gunnarsson, Grund; Þóranna Einarsson, Eyjólfsstöðum; Sigríður
Friðriksson, Hauksstöðum; Guðrún Skúlason, Fögruhlíð; Jóhanna
Sveinsson, Þingvöllum, Ólína Erlendsson, Hálandi. Var sú síðast-
nefnda forseti félagsins í fjölda mörg ár, og Guðrún Skúlason
íéhirðir í fjórtán ár. Nú eru á lífi aðeins þrjár af þessum stofnkonum,
þær Þórunn og Guðrún Borgfjörð og Þóranna Einarsson; aðeins ein
af dætrum stofnkvenna tilheyra félaginu nú, er það Miss Kristín L.
Skúlason.
Hina fyrstu samkomu sína hélt félagið í litlu skólahúsi fyrir
norðan Kjarna, er var hið fyrsta skólahús, sem byggt var í Geysis-
skólahéraði. Þeirri samkomu stjórnaði Margrét Benediktsson, sem
þá átti heima í Selkirk, en var að ferðast um bygðina til að fá
áskrifendur fyrir kvennablaðið Freyju, sem hún var útgefandi að.
Gat hún þess þar, að félaginu hefði verið gefið nafnið „Freyja.“
Um þetta atvik getur Ólína Erlendsson í bréfi til félagsins, skrifað
frá Gimli 1941. í því bréfi er einnig þessi fagra setning, að konurnar
hafi haldið áfram að starfa í öll þessi ár vegna þess að þær hafi
„ávalt séð ljósið framundan.“
Á hinum fyrstu samkomum félagsins var vandað vel til
skemtana, enda voru þær vel sóttar, þó ekki væri um mikið húspláss
að ræða, veigraði fólkið sér ekki við að sýna smáleiki, suma af þeim
frumsamda af bygðarmönnum, enda voru þær svo lánsamar að
hafa aðra eins gáfumenn eins og Jóhann M. Bjarnason og Mr.
Anderson, sem síðar varð fylkisstjóri Saskatchewan (Premier) og