Árdís - 01.01.1953, Page 19
Ársrit Bandalags lúterskra kvenna
17
finnsson; Valgerður Sigurðsson; Ethel Þorsteinsson; Hólmfríður
Kristinsson; Anna Jónasson. — Heiðursmeðlimir: Brynhildur
Skúalson og Sigrún Gíslason.
Það hefir fallið í minn hlut sem skrifara félagsins að senda
Árdísi þetta ágrip af starfsferli þess. Ég tók það að mér með hálfum
huga, fullviss þess að ég var ekki verkinu vaxin. Ég þakka félags-
systrum mínum fyrir traustið, sem þær sýndu mér, og bið þær að
taka viljan fyrir verkið.
Helga Jacobson
íslenzkar frumherjakonur
Eftirfylgjandi kafli er helgaður minningu íslenzkra frumherja-
kvenna vestanhafs, er með fórnarlund sinni, atorku og kristilegu
hugarfari höfðu djúp áhrif á samfélag sitt.
HALLDÖRA pÓRUNN AÐALBJÖRG RÓSA
SYSTURNAR FRÁ STÓRADAL
Margar ágætar konur hafa flutt frá íslandi til Ameríku, konur,
sem hafa afkastað hér aðdáanlegu dagsverki þrátt fyrir erfiðleika
og torfærur, sem oft virtust óyfirstíganlegar og ósigrandi. Á meðal
þeirra voru systurnar frá Stóradal í Eyjafirði á íslandi, dætur
Jóhannesar Bjarnasonar og Lilju Daníelsdóttur, er lengi bjuggu í
Stóradal og fluttu vestur um haf til Canada árið 1883.
Allar voru þessar systur ungar og glæsilegar, er hin mikla
breyting á lífsaðstöðu þeirra varð. Þær höfðu það í fasi og fram-
komu, sem menn ósjálfrátt báru virðingu fyrir.