Árdís - 01.01.1953, Page 29

Ársrit Bandalags lúterskra kvenna
27
Var hann, sem kunnugt er, um langt skeið einn helzti forvígis-
maður í hljómlist og söngmennt meðal íslendinga í Winnipeg, og
bar heimili þeirra jafnan sérstakan rausnar- og menningarblæ.
Sambúð þeirra hjóna var mjög farsæl og blessuð efnilegum börnum.
Eru þau: Pearl, (Mrs. L. G. Johnson), um langt skeið í fremstu röð
einsöngvara meðal íslendinga vestan hafs; Halldóra Furbína, fyrrum
hjúkrunarkona (Mrs. Walter G. Allison) og Frank, hljómlistar-
fræðingur.
Mrs. Thorolfson átti um langt skeið við heilsuleysi að stríða hin
síðari ár. En jafnvel ellin og hrumleikinn fengu ekki afmáð aðals-
merkið í hjarta hennar og yfirbragði. Það var bjart yfir henni til
hinztu stundar. Hún sáði kærleika og góðvild um langa ævi, hver sem
í hlut átti, og hún uppskar á sama hátt, hjá ástvinum sínum og öðru
samferðafólki.
Kirkjan, sem hún ávalt tilheyrði, og sem hún og fjölskylda
hennar veittu margháttaða þjónustu frá fyrstu tíð, kvaddi hana
hinztu kveðju við fjölmenna og virðulega athöfn 2. marz 1953.
Það mun ávalt verða bjart yfir minningu þessarar góðu konu,
og blessun fylgja nafni og niðjum þessarar fyrstu og einu dóttur
hinna fyrstu íslenzku frumherja í Winnipeg.
V. J. E.
Veit mér náð að vaka og stríða,
vinna trúarsigurinn,
þínum vilja helgum hlýða,
hreinan geyma lærdóm þinn,
unz ég lít þitt auglit hlíða
í Guðs ríki, Jesú minn.
—G. G. S.