Árdís - 01.01.1953, Page 33
Ársrit Bandalags lúterskra kvenna
31
og óx að virðingu og tiltrú við hvert þeirra — fyrst með Jóni
bróður sínum í Þingvallanýlendunni; annað einsömul með dóttur
sinni Láru við Silver Bay við Manitobavatn og hið þriðja nálægt
bænum Gimli í Nýja-íslandi. Hún gat tekið orf og ljá og slegið,
þegar þess þurfti með. Hún gat setið og rætt við hvern sem að
garði bar með skýrleik og festu um hvaða vandamál sem á góma
bar og fór þá aldrei dult með meiningu sína né skoðanir.
Nú er þessi glæsilega kona til grafar gengin, eins og svo margar
aðrar landnáms- og frumbýlingskonur vorar. Hún lézt að Gimli
25. nóvember 1932. 1 minningarljóði, sem Dr. Sigurður Júlíus Jó-
hannesson orti um þessa merku konu, sem að hann þekti flestum
betur, kemst hann réttilega þannig að orði:
„Ef í framtíð eignumst við
einhver söfn, er hlutlaust geyma
okkar hezta landnámslið:
lundþétt, trútt og fórngefið,
innra heitt með ytri frið,
Elín Scheving þar á heima.“
J. J. B.
Hrœðumst aldrei haust né vetur,
hræðumst enga furðuströnd,
aldrei kemur sólar setur
sannleikans við himinrönd;
Ijóssins son því lítils metur
líkams þó að trosni bönd,
ávalt séð hinn góði getur,
Guðs hin dýru sumarlönd.
—M. J.