Morgunblaðið - 02.02.2009, Síða 1

M Á N U D A G U R 2. F E B R Ú A R 2 0 0 9
STOFNAÐ 1913
31. tölublað
97. árgangur
Landsprent ehf.
MBL.IS
Morgunblaðið
hvar sem er
hvenær sem er
95
ára
mbl.is
SPÉSPEGILL BAGGALÚTANNA
FINNST ÞEIR SJÁLFIR
SJÚKLEGA FYNDNIR
ÍÞRÓTTIR
Allir með í Ákamóti
og enginn sigurvegari
Þrátt fyrir að vera andstæðingar í stjórnmálum fór vel á með
Jóhönnu Sigurðardóttur og Þorgerði Katrínu Gunnarsdóttur,
sem var starfandi forsætisráðherra í fjarveru Geirs H. Haarde.
Jóhanna bað fyrir góðar kveðjur til Geirs í baráttu hans við
krabbamein og Þorgerður skilaði einnig kveðju frá Geir.
Stjórn Jóhönnu tekin við
 Jóhanna Sigurðardóttir er nýr
forsætisráðherra þjóðarinnar
Morgunblaðið/Árni Sæberg
RÍKISSTJÓRN Jóhönnu Sigurðardóttur, fyrstu
konunnar til að setjast í stól forsætisráðherra,
tók formlega við völdum í landinu í gær.
Ráðherrar í ríkisstjórninni fengu lykla að
ráðuneytunum afhenta frá forverum sínum, ráð-
herrum í ríkisstjórn Sjálfstæðisflokks og Sam-
fylkingarinnar undir forsæti Geirs H. Haarde.
Jóhanna tók við lyklunum úr hendi Þorgerðar
Katrínar Gunnarsdóttur sem var staðgengill
Geirs í fjarveru hans. Hann flaug í gær til Hol-
lands í aðgerð vegna illkynja æxlis í vélinda.
Jóhanna sagði við lyklaskiptin að sér þætti
vænt um Geir og óskaði honum alls hins besta.
Hann væri maður með marga mannkosti. Hún
þakkaði einnig Þorgerði fyrir samstarfið í fyrri
ríkisstjórn. Hún sagði það hafa verið ánægjulegt
þó upp úr hefði slitnað. Ríkisstjórnin kynnti
verkefnaskrá sína í gær og sagði Jóhanna á
blaðamannafundi á Hótel Borg, að þessi stjórn
„ætlaði að láta verkin tala“.
Ríkisstjórnin var mynduð eftir snarpar við-
ræður forystumanna Vinstri grænna og Sam-
fylkingarinnar. Einblínt er á efnahagsmál og
verður sérstök áhersla lögð á að fá nýju bankana
til þess að virka betur samkvæmt verkefnaskrá
nýrrar stjórnar. Framsóknarflokkurinn ver
stjórnina vantrausti. Flokkurinn setti fram boð
þess efnis 21. janúar síðastliðinn, daginn eftir að
þing kom saman eftir hlé. Stjórnin mun starfa í
stuttan tíma, eða fram að kosningum 25. apríl.
Morgunblaðið/Ómar
Segjast ætla að láta verkin tala
Eftir Þórð Snæ Júlíusson
og Magnús Halldórsson
SKIPT verður um yfirstjórn Seðla-
bankans, eftirlaunalögin verða af-
numin, þrjár breytingar verða gerð-
ar á stjórnarskránni og fjölmörg
frumvörp verða lögð fram í þessum
mánuði til að létta greiðslubyrði
heimilanna í landinu. Þetta er meðal
þess sem kemur fram í verkefnaskrá
ríkisstjórnar Samfylkingar og
Vinstri grænna sem kynnt var í gær.
Verkefnaskráin, sem er í sjö lið-
um, telur til bæði aðgerðir sem þeg-
ar hefur verið ákveðið að ráðast í og
fjöldamörg verkefni sem stefnt er á
að koma í gang. Þrátt fyrir að verk-
efnaskráin sé mjög viðamikil eru þó
ekki tilgreindar leiðir sem á að fara
til að ná þeim markmiðum sem koma
fram í henni.
Framsókn í lykilaðstöðu
Framsóknarflokkurinn mun verja
nýju ríkisstjórnina vantrausti en
hvorki lofa þátttöku í aðgerðaáætlun
hennar né tryggja henni hlutleysi í
þeim málum sem hún ætlar að koma
fram. Því þurfa stjórnarflokkarnir
að semja við Framsóknarflokkinn á
vikulegum fundum um öll þau frum-
vörp sem stjórnin vill fá brautar-
gengi fyrir til að meirihluti verði fyr-
ir þeim á Alþingi. Framsóknarflokk-
urinn er því í lykilstöðu í ríkis-
stjórninni án þess að eiga beina aðild
að henni.
Í skjóli
Fram-
sóknar
Ný ríkisstjórn með
áætlun í sjö liðum
 Ný ríkisstjórn | 2,4, 8-9.
Björgvin G. Sigurðsson viðskiptaráðherra hafði sagt sig frá
embættinu áður en upp úr samstarfi Samfylkingar og Sjálf-
stæðisflokks slitnaði. Við starfi hans tekur Gylfi Magnússon,
dósent í hagfræði við Háskóla Íslands. Lyklaskiptin fóru fram
á skrifstofu viðskiptaráðherra í gærkvöldi.
 Gylfi Magnússon dósent tekur
við embætti viðskiptaráðherra
Ljósmynd/Þorfinnur Ómarsson
Ragna Árnadóttir, sem verið hefur skrifstofustjóri í forsæt-
isráðuneytinu síðustu vikurnar og þar áður yfir lagaskrif-
stofu dómsmálaráðuneytisins, tekur við lyklunum í ráðuneyt-
inu í gærkvöldi af Birni Bjarnasyni, fráfarandi dóms- og
kirkjumálaráðherra. Ragna er lögfræðingur að mennt.
 Ragna Árnadóttir er nýr
dóms- og kirkjumálaráðherra
Ljósmynd/Þórir Hrafnsson