Morgunblaðið - 02.02.2009, Side 18

18 Umræðan
MORGUNBLAÐIÐ MÁNUDAGUR 2. FEBRÚAR 2009
AnnarhfRekstrarverkfræðistofan
Suðurlandsbr. 46 • Sími 568 1020 • Annar.is
a Eignaskiptayfirlýsingar
atvinnu- og íbúðahúsnæði
fyrir
Þeim sem áhuga hafa er bent á að
hafa samband við skrifstofu félagsins
milli kl. 9-15, eða senda tölvupóst.
Akurgerði í Vogum
Til endurúthlutunar er búseturéttur í nýlegum eins herbergja íbúðum í
raðhúsalengju sem tengist þjónustumiðstöð fyrir eldri borgara í Vog-
um. Um er að ræða um 46 fm og 53 fm íbúðir. Einnig er til endurút-
hlutunar tveggja herbergja íbúð um 67 fm. Íbúðirnar geta verið til af-
hendingar fljótlega.
Hvammsgata í Vogum
Til endurúthlutunar er búseturéttur í nýlegur parhúsi. Íbúðin er 3ja her-
bergja ásamt bílskúr. Íbúðin er um 90 fm og bílskúrinn um 25 fm.
Íbúðin getur verið til afhendingar fljótlega.
Kríuland í Garði
Til endurúthlutunar er búseturéttur í nýlegum parhúsum. Um er að
ræða 3ja og 4ra herbergja íbúðir um 90 og 105 fm. Um 35 fm bílskúr-
ar fylgja báðum íbúðum. Íbúðirnar geta verið til afhendingar fljótlega.
Miðnestorg í Sandgerði
Til endurúthlutunar er búseturéttur í 2ja herbergja íbúð. Íbúðin er um
74 fm á þriðju hæð í þriggja hæða lyftuhúsi. Íbúðin getur verið til af-
hendingar strax.
Víðigerði í Grindavík
Til sölu er búseturéttur í 2ja herbergja íbúð í parhúsi. Íbúðinni fylgir
garðskáli og bílskúr. Íbúð og garðskáli er um 91 fm og bílskúr um 28
fm. Íbúðin getur verið til afhendingar fljótlega.
Umsóknarfrestur er til 9. febrúar nk.
Búmenn hsf
Húsnæðisfélag
Kletthálsi 1
110 Reykjavík
Sími 552 5644
Fax 552 5944
bumenn@bumenn.is
www.bumenn.is
AUGLÝSA ÍBÚÐIR
Búseturéttur á
markaðsverði
Þeim sem áhuga hafa er bent á að
hafa samband við skrifstofu félagsins
að Kletthálsi 1 í síma 552-5644
milli 9-15, eða senda tölvupóst
á netfangið: bumenn@bumenn.is
Víðigerði 19,
Grindavík
Til sölu er búseturéttur í 2ja her-
bergja íbúð ásamt garðskála og
bílskúr. Íbúð og garðskáli eru rúmir
91 fm og bílskúrinn rúmlega 28 fm.
Ásett verð er 5.5 millj. og mánaðar-
gjöldin eru um kr. 122.000.- Í mánaðargjaldinu er allt nema rafmagn og
hiti samkvæmt mæli. Þeir sem áhuga hafa á að skoða íbúðina og taka
þátt í að gefa tilboð þurfa að panta tíma á skrifstofu Búmanna í síðasta
lagi 10. febrúar n.k. Tilboðsfrestur er til 22. febrúar n.k.
Bæði félagsmenn og utanfélagsmenn geta gefið tilboð í búseturéttinn.
Réttur til kaupa miðast við 50 ára og eldri.
Búmenn hsf
Húsnæðisfélag
Kletthálsi 1
110 Reykjavík
Sími 552 5644
Fax 552 5944
bumenn@bumenn.is
www.bumenn.is
ÉG VIL lýsa
ánægju minni með þá
ákvörðun sjáv-
arútvegsráðherra að
veita heimild til veiða
á langreyði og hrefnu
til ársins 2013.
Við þessa ákvörðun
munu á þriðja hundr-
að manns til sjós og
lands fá vinnu nú þeg-
ar atvinnuleysi herjar á landið. Í dag
eru um 300 Akurnesingar á atvinnu-
leysisskrá. Sú ákvörðun að heimila
hvalveiðar yrði gríðalega jákvæð
innspýting í atvinnulífið á þessu
svæði. Það liggur fyrir að hrefnu-
veiðimenn og Hvalur hf. hafa í
hyggju að vera með starfsstöð sína
að stórum hluta á Akranesi.
Það liggur einnig fyrir að fjöldi
hagsmunaaðila í sjávarútvegi, svo
sem LÍÚ og Samtök
fiskvinnslustöðva hafa
lýst yfir fullum stuðn-
ingi við þessa ákvörðun
og með þeirri stuðn-
ingsyfirlýsingu eru þeir
einnig að segja að þeir
óttist ekki að hval-
veiðar skaði markaði
erlendis.
Það er einnig rétt að
rifja það upp að þegar
hvalveiðar voru stund-
aðar hér á árum áður
kom fjöldinn allur af er-
lendum ferðamönnum í
skoðunarferðir upp í hvalstöðina í
Hvalfirði til að sjá hvalskurð og þá
vinnu sem þar fór fram.
Árið 2006 lögðust Hvalaskoð-
unarsamtök Íslands hart gegn
hrefnuveiðum, ásamt Samtökum
ferðaþjónustunnar og töldu það
eyðileggja allt það uppbygging-
arstarf sem hefði verið unnið í
hvalaskoðun. Sama er upp á ten-
ingnum nú. Engu að síður segja
staðreyndir okkur að frá því hrefnu-
veiðar hófust hefur ferðamönnum í
hvalaskoðunarferðir fjölgað mjög
frá ári til árs. Það er slæmt ef ferða-
þjónustan gengur gegn sjálfri sér
með því að úthrópa hættur fyrir
greinina ef hvalveiðar ná fram að
ganga. Það fær alþjóðlega athygli og
grefur undan þeirra eigin starfsemi.
Nær væri að setja út jákvæða
ímynd af þeirri einstöku þekkingu
sem Ísland hefur á veiðum, vinnslu
og veiðistofnum. Að við nálgumst
veiðar okkar með vísindalegri þekk-
ingu og með sjálfbærni. Þannig land
er eftirsóknarvert að heimsækja og
ferðast um. Menningartengd ferða-
þjónusta er ein tegund ferðaþjón-
ustu sem vex mjög hratt. Ísland hef-
ur alla burði til að verða mjög öflugt
í þessari tegund ferðaþjónustu. Það
getur þess vegna unnist mjög vel
saman með góðri ímyndarsköpun að
skoða hval og borða hval, enda hval-
kjöt einstaklega holl fæða. Frí-
stundaveiði er dæmi um hvernig
þekking úr sjávarútvegi nýtist inn í
ferðaþjónustu. Frumkvæði og for-
ysta vestfirskra frumkvöðla hafa
lyft grettistaki í jákvæðri ímynd á
frístundaveiði á Íslandi. Þar skiptir
öllu að leikreglur séu hafðar þannig
að jafnræðis sé gætt bæði gagnvart
ferðaþjónustu og sjávarútvegi.
Það gengur ekki árið 2009 að ein
atvinnugrein leggist gegn annarri
atvinnugrein, mikilvægt er að finna
leiðir til að sátt geti orðið og báðar
atvinnugreinarnar haft góð rekstar-
skilyrði í sátt og samlyndi. Engu að
síður þarf að passa upp á hagsmuni
beggja þessara atvinnugreina. Þar
eru hagsmunir sjávarútvegsins í
húfi, að veiðar hefjist á hvölum. Það
gengur ekki lengur að skerða stöð-
ugt atvinnutekjur í sjávarútvegi
með tvennum hætti. Að útiloka
tekjur vegna hvalveiða og aflaheim-
ildir á fiski séu minni vegna þess
magns sem hvalurinn étur.
Stjórnvöld geta ekki leyft sér að
hundsa veiðiráðgjöf Hafrann-
sóknastofnunar um eðlilegar nytjar
á hval. Stjórnvöld geta ekki leyft sér
þann munað að hundsa þær matar-
kistur sem til eru. Stjórnvöld geta
ekki leyft sér að útiloka gjaldeyr-
istekjur fyrir þjóðina. Stjórnvöld
geta ekki leyft sér að útiloka at-
vinnutækifæri þegar atvinnuleysi
vex frá degi til dags.
Að lokum vil ég þakka Verklýðs-
félaginu og Akraneskaupstað það
frumkvæði að boða til borg-
arafundar á Akranesi í næstu viku
um þetta þjóðþrifamál.
Oft var þörf nú er nauðsyn
Herdís Hólmfríður
Þórðardóttir skrif-
ar um hvalveiðar
við Ísland
Herdís Hólmfríður
Þórðardóttir
» Það er slæmt ef
ferðaþjónustan
gengur gegn sjálfri
sér með því að úthrópa
hættur fyrir greinina
ef hvalveiðar ná
fram að ganga.
Höfundur er þingmaður Sjálfstæð-
isflokksins í Norðvesturkjördæmi.
SAMKVÆMT upp-
lýsingum Vinnu-
málastofnunar voru at-
vinnulausir á
höfuðborgarsvæðinu
5.572 í lok desember
en þegar þetta er
skrifað, 28. janúar, eru
tæplega 8.200 manns atvinnulausir í
höfuðborginni og nærliggjandi
sveitarfélögum. Fyrir ári síðan voru
670 manns án atvinnu á sama svæði.
Ekkert bendir til annars en að at-
vinnulausum muni fjölga enn frekar
á næstu vikum og mánuðum með
ófyrirséðum afleiðingum. Á hverj-
um sólarhring lætur nærri að 100-
200 manns missi vinnuna. Í Kópa-
vogi eru hátt í 1200 manns án at-
vinnu, nálægt 7% vinnufærra
manna. Atvinnumálin hafa verið
tekin upp á vettvangi bæjarstjórnar
Kópavogs og þar ríkir einlægur vilji
til að bregðast við með öllum þeim
ráðum sem sveitarfélagið ræður yf-
ir. Atvinnumálanefnd
hefur varpað fram
hugmyndum um at-
vinnutorg í Fannborg-
inni þar sem fram færi
miðlun upplýsinga til
almennings og fræðsla
af ýmsu tagi. Þar gætu
ólíkar starfsstéttir leitt
saman krafta sína og
nýjar hugmyndir orðið
til. Þetta er prýðisgóð
hugmynd sem þarf að
hrinda í framkvæmd
nú þegar. En það þarf
að gera meira. Bæjaryfirvöld þurfa
að ráðast í allar þær framkvæmdir
sem mögulegt er, bæði nýfram-
kvæmdir og viðhaldsverkefni og
ekki síst þær sem krefjast
mannafla. Nú er mögulegt að taka
lengri tíma í framkvæmdir en tíðk-
ast hefur undanfarin ár og það er
hagstætt bæði fyrir iðnaðarmenn og
sveitarfélagið. Forsenda þess er þó
að fjármagn fáist en um þessar
mundir liggur það ekki á lausu.
Bæjaryfirvöld verða að hafa allar
klær úti og endurskoða fjárhags-
áætlun bæjarins ítrekað með stuttu
millibili á þessu ári og nýta vel
hverja krónu sem finnst. Sveitarfé-
lagið getur einnig stutt þá sem eru
atvinnulausir en eru að reyna að
skapa sér vinnu með smáatvinnu-
rekstri, t.d. með því að leggja til
húsnæði eða litla styrki til að fara af
stað. Oft geta litlir peningar gert
gæfumuninn. Það er mikilvægt að
Kópavogur og önnur sveitarfélög
sýni frumkvæði í baráttunni við at-
vinnuleysið. Hrindi í framkvæmd
þeim góðu hugmyndum sem hafa
komið fram og helli sér út í þær
verklegu framkvæmdir sem mögu-
legt er. Slíkt eykur bjartsýni og gef-
ur mönnum þrek í því svartnætti
sem nú ríkir á atvinnumarkaði.
Gegn atvinnuleysinu
Hafsteinn Karlsson
vill að Kópavogur
og önnur sveit-
arfélög sýni frum-
kvæði í baráttunni
við atvinnuleysið
» Á hverjum sólar-
hring lætur nærri
að 100-200 manns missi
vinnuna. Í Kópavogi eru
hátt í 1200 manns án
atvinnu, nálægt 7%
vinnufærra manna.
Hafsteinn Karlsson
Höfundur er bæjarfulltrúi í Kópavogi
fyrir Samfylkinguna.
VEGNA núverandi
stöðu þjóðarbúsins
hefur aldrei verið jafn
mikilvægt að þjóðin
ráði yfir og nýti þær
auðlindir sem hún á.
Þess vegna hlýtur
það að vera krafa
okkar sem meðeig-
enda í fiskimiðum
landsins að auðlindin og afnota-
réttur hennar verði færður taf-
arlaust í hendur þjóðarinnar frá
fjárglæframönnum og spákaup-
mönnum. Það hefur nú verið stað-
fest að upprunalegi þjófnaðurinn á
auðlindinni er klárt mannréttinda-
brot. Þeim mun meiri er glæp-
urinn sem framinn hefur verið í
meðferð hennar og arðráni á þeim
sem starfa við fiskveiðar og
vinnslu. Kvótaeigendur hafa í með-
höndlun sinni á veiðiréttinum sýnt
álíka mikið gáleysi og skepnuskap
í framgöngu sinni og útrásarmenn
gerðu. Bankarnir voru þjóðnýttir
árum eftir einkavæðingu vegna
óráðsíu sem er sambærileg þeirri
sem við sjáum í útveginum í dag.
Í dag hefur ríkið á höndum sér
öll veð í kvótanum og getur því
leyst hann til sín án
vandkvæða. Hríðfall-
andi verð á aflaheim-
ildum gerir það að
verkum að lítið stend-
ur til tryggingar þess-
um veðum, hvernig
sem hlutir falla.
Núverandi eign-
arhald á aflaheim-
ildum leiðir til grófrar
misnotkunar á sjó-
mönnum og fjöl-
skyldum þeirra.
Kvótabrask leiðir til
hámarksávöxtunar fyrir fjárfesta
og félög. Sjómaðurinn og útgerðin
sitja eftir með lítið sem ekkert því
arðurinn situr eftir hjá þeim sem
aldrei sér fiskinn.
Sú staðreynd að svokölluð
„Kínaleiga“ á útgerðarfélögum
viðgangist er efni til byltingar.
Leiga þessi gerir kvótakóngum
kleift að koma sér undan allri
veiðiskyldu. Þeir leggja ekki eina
krónu út og sjá aldrei fiskinn. Þeir
fá samt bróðurpartinn af aflaverð-
mætinu greitt frá þeim sem virki-
lega veiddi fiskinn, lagði til veið-
arfæri, borgaði olíu og síðast en
ekki síst hætti lífi og limum við
lífsbjörgina.
Blóðmjólkun sjómannastétt-
arinnar í dag hindrar alla nýliðun
og verður þess valdandi að nær
ónotaðir fiskibátar eru seldir í
hrönnum úr landi á undirverði.
Kvótakerfið er ekki vandamálið
í sjálfu sér, heldur eignarrétt-
urinn. Það hlýtur líka að kvikna
stórt spurningarmerki við veðsetn-
ingu kvótans þegar veðið getur
óvænt endað í Þýskalandi eins og
nýlegt dæmi sýnir.
Það má velta upp þeirri spurn-
ingu hvort ekki væri betra fyrir al-
menning og ekki síst þá sem
minnst mega sín að aflaheimildir
yrðu leigðar beint frá ríki til út-
gerðarmanna og sjómanna gegn
vægu gjaldi eða um 50 kr. þorsk-
ígildið? Með þessu sætu allir við
sama borð. Kostnaður við leigu á
kvóta myndi lækka um u.þ.b. 75%
fyrir útgerðarmenn og sjómenn.
Þjóðnýtum kvótann núna!
Auðlindina heim
Hlynur Freyr Vig-
fússon vill endur-
skoða eignaréttinn
á kvótanum
» Blóðmjólkun
sjómannastétt-
arinnar í dag hindrar
alla nýliðun og verður
þess valdandi að nær
ónotaðir fiskibátar eru
seldir í hrönnum úr
landi á undirverði.
Hlynur Freyr Vigfússon
Höfundur er sjómaður.