Morgunblaðið - 02.02.2009, Síða 14

14 FréttirERLENT
MORGUNBLAÐIÐ MÁNUDAGUR 2. FEBRÚAR 2009
GÓÐUR eða
slæmur árangur
ólíkra flokka í
kosningunum
verður tekinn
sem vísbending
um árangurinn í
þingkosning-
unum í desem-
ber. Kosning-
arnar verða líka
prófsteinn fyrir forsætisráð-
herrann, Nouri al-Maliki, sem leiðir
hinn frekar litla Dawa-flokk. Hann
hefur mætt gagnrýni frá hendi and-
stæðinga sinna úr röðum sjíta og
kúrda fyrir að nota ríkisfé í þágu
flokksins. Ríkisstjórnin spilar stórt
hlutverk í íröskum stjórnmálum en
vegna gríðarlegs atvinnuleysis út-
vegar hún nærri því öll störf sem í
boði eru. jmv@mbl.is
Eftir Jóhönnu Maríu Vilhelmsdóttur
jmv@mbl.is
„PURPURALITU fingurnir hafa
snúið aftur til að endurreisa Írak,“
sagði Nouri al-Maliki í sjónvarps-
ræðu eftir að kosningastöðum var
lokað eftir héraðskosningar í Írak á
laugardag. Kosningaþátttaka var
samkvæmt því sem spáð hafði verið
eða allt að 60% en héraðskosning-
arnar eru undanfari þingkosninga
sem eru áætlaðar í desember.
Breytingar þykja liggja í loftinu í
Írak og greinilegt að Bandaríkjaher
er orðinn töluvert minna áberandi.
Margir Bandaríkjamenn líta svo á
að stríðinu sé þegar lokið þrátt fyrir
að 140.000 bandarískir hermenn séu
enn í Írak og aðgerðir gegn upp-
reisnarhópum haldi áfram í tveimur
héruðum landsins.
Stöðugleiki hefur þó aukist og
verða nýafstaðnar héraðskosningar
prófsteinn á stjórnmálalegan stöð-
ugleika landsins og hvort Írakar séu
í reynd reiðubúnir til að leysa innan-
ríkisátök með kosningum.
Bleklitir fingur höggnir af
Síðustu héraðskosningar voru
haldnar í Írak árið 2005 og vonaðist
þáverandi Bandaríkjaforseti,
George W. Bush, til að þær kosn-
ingar sýndu fram á að Írak væri að
þokast nær lýðræði. En stór hluti
súnníta sniðgekk kosningarnar og í
staðinn fyrir að færa með sér frið
urðu þær upphafið að hatrömmu
borgarastríði á milli sjíta og súnníta.
Þá gátu kjósendur sem veifuðu
bleklituðum fingrum eftir að hafa
kosið átt það á hættu að sömu fingur
yrðu höggnir af þeim af andstæð-
ingum kosninganna.
Mikill viðbúnaður var vegna kosn-
inganna um helgina, almenn umferð
var bönnuð í miðborgum til að koma
í veg fyrir bílasprengjur auk þess
sem landamæri og flugvellir voru
lokuð. Enda reyndust kosningarnar
þær friðsamlegustu frá tímum Sadd-
ams Husseins.
191 Íraki lét lífið í átökum í land-
inu í síðasta mánuði og er það
minnsta mannfall frá innrás Banda-
ríkjahers árið 2003 að sögn yfir-
valda.
Purpurafingurnir komnir aftur
Nýafstaðnar héraðskosningar í Írak
eru prófsteinn á aukinn stöðugleika
Reuters
Kosið Kjósendur í nágrenni við Bagdad veifa bláum fingrum atkvæði sínu
til stuðnings en héraðskosningar fóru friðsamlega fram um helgina.
Í OFGNÓTT frétta af kreppu og at-
vinnuleysi glöddust Bandaríkja-
menn yfir barnaláni ungu móð-
urinnar sem fæddi áttbura í síðustu
viku, en aðeins einu sinni áður hafa
áttburar lifað af fæðingu í Banda-
ríkjunum.
Móðirin, Nadia Suleiman, leitar
nú leiða til að fjármagna stór-
fjölskyldu sína og hefur þegar biðl-
að til Oprah Winfrey um viðtal og
Diane Sawyer, sem hefur umsjón
með þættinum Good Morning Am-
erica. Suleiman vonast eftir 2 millj-
ónum Bandaríkjadala fyrir viðtölin
sem áætlað er að fari fram í vik-
unni. Stuðningur frá fyrirtækjum
eins og bleyju- eða barnamatar-
framleiðendum sem undir venjuleg-
um kringumstæðum ætti að vera
auðsóttur fyrir áttburafjölskyldu
gæti þó orðið torsóttur.
Fjórtán börn undir átta ára
Gleðitíðindin af áttburunum hafa
nefnilega snúist upp í að verða sið-
ferðislegt álitamál og brosið því
farið að stífna á almenningi.
Nadia Suleiman er 33 ára ein-
stæð móðir sem fyrir átti sex börn.
Hún á því nú fjórtán börn undir
átta ára aldri.
Suleiman býr hjá foreldrum sín-
um sem hafa átt í erfiðleikum með
að sjá fyrir dóttur sinni og barna-
börnunum og mun róðurinn eflaust
þyngjast nú þegar áttburarnir bæt-
ast í hópinn.
Þá hafa frjósemislæknar lýst
undrun sinni á því að svo mörgum
fósturvísum skuli hafa verið komið
fyrir í legi konu sem fyrir hafi átt
svo mörg börn. Þar að auki teljist
það áhættusamt fyrir svo unga
konu þar sem líkurnar á að fóst-
urvísarnir þroskist séu mun meiri
en í eldri konum. jmv@mbl.is
Morgunblaðið/Kristinn
Ungbörn Nýbökuð móðir átti sér
þann draum að eignast fjölda barna.
Þráhyggja
áttbura-
móður
BRESKI seðlabankinn hefur verið
gagnrýndur fyrir kynjamisrétti eftir
að hafa haldið námskeið fyrir kven-
kyns starfsmenn bankans. Þar voru
þeim gefin ráð varðandi klæðnað og
förðun.
Á námskeiðinu var þeim t.d. ráðið
frá því að vera með ökklaskraut þar
sem það minnti á vændiskonur.
„Vertu fagmannleg, ekki eins og
tískudrós; notaðu ilmvatn sparlega
og vertu alltaf í hælaháum skóm; allt-
af með farða, þó það sé bara varalit-
ur,“ var meðal ráðanna sem kon-
urnar fengu frá ráðgjafarfyrirtæki á
vegum bankans.
Sérfræðingar á sviði jafnréttis-
mála segja að bankinn gæti átt von á
lögsókn. „Séu konur dæmdar út frá
því sem þær klæðast, gefur það til
kynna að þær hljóti aðra meðhöndlun
en karlar,“ sagði sérfræðingurinn.
jmv@mbl.is
Háir hælar
í bankanum
JAPANSKUR námsmaður hengir upp trétöflu
með áletraðri bæn um góðan námsárangur í
Yushima Tenjin-hofinu í miðborg Tókýó.
Inntökupróf í menntaskóla og háskóla eru nú
að hefjast í Japan og leggja þá námsmenn og for-
eldrar þeirra á sig ferðir í shinto-hof landsins en
þau eru álitin verndarar lærdóms og góðs náms-
árangurs.
Ýmis fyrirtæki hafa séð gróðavon í þessari
hjátrú nemenda og frá janúar fram í mars má
finna mikið úrval hvers kyns happagripa að því
er fram kemur á vefsíðu The Japan Times.
Þar á meðal má finna hefðbundin lukkudýr en
einnig morgunkorn í formi shinto-prests sem
biður fyrir góðum námsárangri. jmv@mbl.is
AP
Beðið fyrir góðum einkunnum
Eftir Jóhönnu Maríu Vilhelmsdóttur
jmv@mbl.is
GORDON Brown, forsætisráðherra
Bretlands, vísaði á bug ummælum
um að London væri „Reykjavík á
bökkum Thames“ og þar með orðum
fjárfestisins Jim Rogers fyrir nokkr-
um dögum þess efnis að Bretland
væri að komast í þrot.
Brown varði ríkisstjórn sína gagn-
rýni á fundi Alþjóðaefnahagsráðsins í
Davos um helgina og vísaði m.a. til
lágrar verðbólgu, lágs vaxtastigs og
lágra ríkisskulda.
„Stefna stjórnarinnar mun ekki
byggjast á at-
hugasemdum frá
eiginhagsmuna-
sinnuðum brösk-
urum,“ sagði
Brown um orð
Jim Rogers.
Breski seðla-
bankinn býr sig
nú undir að lækka
stýrivexti og er
búist við að þeir fari niður í 1%. Það
eru lægstu vextir í 315 ára sögu bank-
ans og telja sérfræðingar að bankinn
fari jafnvel enn neðar í viðleitni sinni
til að halda verðbólgu í skefjum.
Bretland stefnir ekki
sömu leið og Ísland
Gordon Brown verst gagnrýni á efnahagsástand Bretlands
Í HNOTSKURN
»Breskar fjármálastofnanirhafa látið undan þrýstingi
yfirvalda og einbeitt sér að lán-
um til breskra fyrirtækja og
minnkað lán til erlendra aðila.
»Orð Browns á Davos-fundinum þykja á skjön við
stefnu stjórnvalda er hann
sagði alþjóðlega samvinnu leið
heimsbyggðarinnar út úr efna-
hagsvandanum.
Gordon Brown
Ríkisstjórnin
valdamikil
Nouri al-Maliki