Morgunblaðið - 07.02.2009, Blaðsíða 4

4 FréttirINNLENT
MORGUNBLAÐIÐ LAUGARDAGUR 7. FEBRÚAR 2009
INNLENDUM gestum Bláa lónsins er að
fjölga. Í janúar komu 29% fleiri Íslendingar en í
janúar í fyrra. Erlendum gestum fjölgaði einnig
þannig að gestir hafa aldrei verið fleiri í þessum
mánuði frá stofnun baðstaðarins. Þá jókst að-
sókn að sundlaugunum í Reykjavík verulega á
sama tímabili.
Alls heimsóttu 17.092 gestir Bláa lónið í jan-
úar. Hefur það að undanförnu lagt aukna áherslu
á tilboð á heimamarkaði þar sem tveir komast
inn á verði eins og þau virðast hafa fallið í góðan
jarðveg. Grímur Sæmundsen, forstjóri Bláa
lónsins, segir að Íslendingar hafi tekið vel áskor-
un sem Bláa lónið birti í fjölmiðlum um að slaka á
í einstakri, íslenskri heilsulind. „Við erum í sjö-
unda himni með það,“ segir Grímur. Hann bætir
því við að Íslendingar virðist almennt nýta meir
afþreyingu hér innanlands enda ferðist landinn
minna nú um stundir en stundum áður.
Að sögn Ásgeirs Sigurðssonar, rekstrarstjóra
Laugardalslaugar, sóttu um 20 þúsund fleiri
gestir laugarnar í janúar í ár en í fyrra. Þetta er
veruleg aukning því alls voru gestirnir 54 þús-
und í janúar í ár. Svipaða sögu er að segja af
sundsókn í öðrum laugum borgarinnar, að hans
sögn. „Bæði er tíðarfarið búið að vera gott og svo
eru margir atvinnulausir sem nýta sér sundið.
Fólk finnur líka að það er ódýr og góð heilsurækt
að fara í laugarnar,“ segir hann.
helgi@mbl.is – ben@mbl.is
Íslendingar fara oftar á baðstaði
 Íslenskum gestum í Bláa lóninu fjölgaði um 29% í janúar  Tuttugu þúsundum fleiri gestir
sóttu Laugardalslaug heim í janúar í ár en í fyrra  Ódýr og góð heilsurækt eftirsótt í kreppunni
Í HNOTSKURN
» Rúmlega 17 þúsundgestir komu Bláa lónið í
janúar.
» Íslendingum fjölgaðihlutfallslega mest, eða
um 29%.
» Alls jókst aðsókn aðsundlaugum borgarinnar
um 39.444 gesti í janúar í ár
borið saman við sama tíma í
fyrra. Aukningin er rúm
35%.
» Stök sundferð kostar360 kr. fyrir fullorðna,
10 miða kort kostar 2.500
kr. og árskortið 24.000.
Morgunblaðið/Eyþór
Bláa lónið Stöðug fjölgun er í Bláa lónið. Í janúar komu fleiri innlendir og erlendir gestir en áður.
Eftir Silju Björk Huldudóttur
silja@mbl.is
„ÞETTA var góður og gagnlegur
fundur,“ sagði Steingrímur J. Sig-
fússon fjármálaráðherra á blaða-
mannafundi fjármálaráðherra Nor-
egs og Íslands í gær í framhaldi af
fundi ráðherranna tveggja. Að sögn
Steingríms fóru ráðherrarnir á fundi
sínum yfir helstu samskiptamál Ís-
lands og Noregs s.s. á sviði fjármála,
ræddu stöðu þjóðarbúsins, sam-
skiptin við Alþjóðgjaldeyrissjóðinn,
Evrópumálin og gjaldmiðlamál.
Bæði Kristin Halvorsen, fjár-
málaráðherra Noregs, og Stein-
grímur lögðu mikla áherslu á hin
góðu og sterku tengsl landanna
tveggja. Raunar var Íslands-
heimsókn Halvorsen löngu skipu-
lögð, því hún var sérstakur gestur á
tíu ára afmælisfagnaði Vinstri
grænna sem fram fór í gærkvöldi.
„Við höfum nú í lengri tíma fylgst
náið með framvindu mála hér á Ís-
landi,“ sagði Halvorsen og tók fram
að hún hefði þannig verið í góðum
tengslum við fyrrverandi fjár-
málaráðherra. „Ekki af því að við til-
heyrðum sömu pólitísku hreyfing-
unni, heldur vegna þess að okkur
Norðmönnum finnst við vera bundn-
ir Íslendingum sérlega sterkum
sögu- og menningarlegum
tengslum,“ sagði Halvorsen og tók
fram að Norðmenn teldu sig þannig
verða að standa þétt upp við bakið á
Íslendingum í þeirri erfiðu og við-
kvæmu stöðu sem Íslendingar væru
í eftir bankahrunið. Sagði hún ljóst
að uppbyggingarstarfið yrði erfitt
og tók fram að hún öfundaði ekki
Steingrím af verkefnum þeim sem
framundan væru. Lagði hún áherslu
á að ekki væru til neinar auðveldar
lausnir út úr núverandi vanda.
„Stærsta áskorunin felst í því að
leiða þjóðina í gegnum þann nið-
urskurð sem hún þarf að fara í gegn-
um á þann hátt að þeir sem verst eru
settir vegna atvinnuleysis og mynt-
körfulána þurfi ekki að bera alla
byrðina, heldur dreifist byrðin sem
jafnast.“
Íslendingum vel tekið
Spurð um hugsanlegt mynt-
samstarf landanna tveggja sagðist
Halvorsen skilja vel að Íslendingar
hefðu áhuga á að taka upp stöðugri
gjaldmiðil undir núverandi kring-
umstæðum, en tók fram að slíkt
samstarf væri umfangsmikið mál og
erfitt viðureignar. Benti hún sem
dæmi á að gjaldmiðlarnir tveir
sveifluðust af ólíkum ástæðum.
Þannig hefðu sveiflur í olíuverði
áhrif á norsku krónuna en verð-
sveiflur fiskafurða og áls hefðu áhrif
á íslensku krónuna. Þannig gætu
ólíkir hagsmunir ráðið för í peninga-
málastefnu landanna tveggja. Þetta
væri hins vegar eitthvað sem þyrfti
að ræða miklum mun betur. Lagði
hún áherslu á að íslenskum yfirvöld-
um yrði vel tekið, ákvæðu þau að
fara fram á samstarf við Norðmenn.
Morgunblaðið/Golli
Fjármálaráðherrarnir Steingrímur J. Sigfússon og Kristin Halvorsen ræddu meðal annars hugsanlegt myntsamstarf Íslands og Noregs.
Bundin sterkum böndum
 Fjármálaráðherra Noregs skilur áhuga Íslendinga á stöðugri gjaldmiðli
 Íslendingar eiga erfitt verk fyrir höndum þar sem jafna þarf byrðarnar
SAMKOMULAG hefur tekist milli
eigenda Enex um uppskiptingu
félagsins. Þetta kemur fram í
fréttatilkynningu sem send var
fjölmiðlum í gær. Þar kemur einn-
ig fram að uppskiptingin hafi
þegar verið staðfest á hluthafa-
fundi í félaginu og af stjórnum
stærstu eigendanna, Reykjavik
Energy Invest (REI), dótturfélags
Orkuveitu Reykjavíkur, og Geysis
Green Energy (GGE). Enex hefur
verið í eigu GGE að 70% og REI
að 26,5%. Þá hefur nokkur fjöldi
aðila átt smærri hlut í Enex.
Með samkomulaginu eykur
GGE hlut sinn í félaginu Enex
Kína, en það vinnur að uppbygg-
ingu hitaveitna í Kína. GGE er nú
75% hluthafi í Enex Kína og REI
25%. „Þá yfirtekur GGE að fullu
verkefni Enex í Þýskalandi og
verður þannig leiðandi aðili í þró-
un jarðvarmaverkefna í Þýska-
landi í gegnum verkefnafélag
Enex þar í landi og dótturfélag
sitt Exorku,“ segir m.a. í tilkynn-
ingunni.
REI yfirtekur eignarhlut Enex í
Iceland America Energy, sem
unnið hefur að þróun verkefna á
sviði jarðhita, fyrst og fremst í
Kaliforníu. „GGE mun áfram
starfa af krafti í Bandaríkjunum
þar sem félagið er leiðandi fjár-
festir í tveim öðrum jarðhita-
félögum,“ segir í tilkynningunni.
Auk ofangreindra verkefna
Enex, hafa REI og GGE unnið
saman að verkefnum á Filipps-
eyjum í félaginu Envent. Með
samkomulaginu mun GGE eignast
meirihluta í því félagi (80%) og
tekur jafnframt við stjórn þess.
Enex skipt
upp milli
eigenda
VERÐMÆTI útfluttra grá-
sleppuhrogna á síðasta ári nam
tæplega 1.400 milljónum króna. Á
vef Landssambands smábátaeig-
enda kemur fram að þetta sé mesta
verðmæti í sögu veiðanna hér við
land. Annars vegar er um að ræða
söltuð hrogn til kavíarvinnslu á er-
lendum mörkuðum að verðmæti um
560 milljónir króna og hins vegar
fullunna vöru, eða grásleppukaví-
ar, fyrir 810 milljónir.
Heildarveiðin á síðustu vertíð var
vel yfir meðalári en alls voru söltuð
grásleppuhrogn í nærri 12 þúsund
tunnur. Rúmur helmingur veið-
innar fór til útflutnings. bjb@mbl.is
Hrogn fyrir
1,4 milljarða
Hver er Kristin Halvorsen?
Kristin Halvorsen fæddist 2. sept-
ember 1960 í Horten. Hún lærði fyrst
uppeldis- og kennslufræði og síðan
afbrotafræði án þess að ljúka próf-
um. Hún var fyrst kjörin inn á norska
þjóðþingið árið 1989, en hafði gegnt
varaþingmennsku frá 1985. Árið
1997 var hún kosin formaður Sósíal-
íska vinstriflokksins í Noregi, sem er
systurflokkur Vinstrihreyfingarinnar
– græns framboðs hérlendis.
Hvenær varð hún
fjármálaráðherra í Noregi?
Halvorsen hefur verið fjár-
málaráðherra síðan 17. október
2005 í öðru ráðuneyti Jens Stolten-
bergs forsætisráðherra. Halvorsen
er 78. fjármálaráðherrann í sögu
Noregs og jafnframt fyrsta konan til
að gegna því embætti. Halvorsen
var fyrst norskra stjórnmálaforingja
til þess að taka bloggið í þjónustu
sína.
S&S