Morgunblaðið - 23.02.2009, Blaðsíða 7

Íþróttir 7
MORGUNBLAÐIÐ MÁNUDAGUR 23. FEBRÚAR 2009
EGGERT Gunnþór Jónsson, leikmaður He-
arts í skoska fótboltanum, skoraði mark liðsins
í 1:1 jafntefli gegn St. Mirren á laugardag. „Ég
fékk sendingu inn í teig eftir aukaspyrnu, bolt-
inn datt fyrir mig og ég setti hann bara í mark-
ið. Þetta var nú enginn þrumufleygur, en það
vegur alveg jafn þungt,“ sagði Eggert við
Morgunblaðið í gær. Markið dugði þó ekki til
sigurs því Andy Dorman jafnaði í uppbót-
artíma fyrir gestaliðið. Eggert lék í stöðu mið-
varðar í leiknum en hann hefur þurft að leysa
ýmsar stöður á vellinum. „Ég hef verið próf-
aður í vinstri bakverði, miðverði, hægri bak-
verði, hægri kanti, á miðri miðjunni og nú er
þjálfarinn að pæla í að prófa mig frammi, en
sjálfur lít ég á mig sem
miðjumann á miðri miðj-
unni. Þetta byrjaði vegna
leikbanna og meiðsla í
hópnum og svo hefur hann
bara haldið þessu áfram.
En þetta er samt lítið að
stressa mig, ég er bara
ánægður með að fá að spila,
auk þess sem þetta gerir
mig bara að betri leik-
manni,“ segir Eggert. He-
arts er í þriðja sæti deildarinnar með 42 stig,
tveimur stigum á undan Dundee.
trausti@mbl.is
„Þetta var nú enginn þrumufleygur“
Eggert Gunnþór
Jónsson
ÞAÐ urðu óvænt úrslit í spænska boltanum
um helgina þegar topplið Barcelona tapaði
sínum fyrsta heimaleik síðan í ágústmánuði,
og það fyrir botnliði Espanyol, 1:2, í Katalón-
íuslagnum, en mikill rígur er á milli þessara
nágrannaliða. Seydo Keita var rekinn af velli
hjá Börsungum strax á 38. mínútu og fyrrver-
andi leikmaður Barcelona, Ivan de la Pena,
skoraði tvívegis í upphafi seinni hálfleiks fyr-
ir Espanyol. Yaya Touré minnkaði muninn
fyrir heimamenn, en það dugði ekki til. Eiður
Smári Guðjohnsen kom inn á sem varamaður
fyrir Samuel Eto’o á 65. mínútu en náði ekki
að gera mikinn usla.
Á meðan fóru erkifjendurnir í Real Madrid
hamförum gegn Real Betis
og unnu sinn níunda leik í
röð. Higuaín kom Real yfir
í byrjun leiks, en Klaas Jan
Huntelaar bætti svo tveim-
ur mörkum við áður en
Ricardo Oliveira minnkaði
muninn fyrir gestina. Þá
gerði Raúl tvö mörk í röð
og Sergio Ramos bætti
einu marki við, en öll komu
mörkin sjö í fyrri hálfleik. Real er nú aðeins
sjö stigum á eftir Barcelona og á heimaleik-
inn gegn Börsungum eftir.
trausti@mbl.is
Real Madrid nálgast Barcelona óðum
Ivan de la Pena
Eftir Þorkel Gunnar Sigurbjörnsson
thorkell@mbl.is
Þar með er farið að draga fullmikið í
sundur með Liverpool og Manchest-
er United í toppbaráttunni til þess
að einhver almennileg spenna sé í
deildinni. Nú munar sjö stigum á
liðunum. Liverpool hefur 55 stig í 2.
sætinu en Manchester United hefur
62 stig á toppnum eftir 2:1-sigur á
Blackburn á laugardag. Wayne
Rooney kom United yfir en Roque
Santa Cruz jafnaði metin áður en
Cristiano Ronaldo skoraði svo sig-
urmark Manchester United.
„Við fengum nóg af marktækifær-
um í leiknum en nýttum þau einfald-
lega ekki. Við þurftum að vinna
þennan leik til þess að halda í við
Manchester United. En við höldum
bara áfram og stefnum á sigur í öll-
um leikjum sem eftir eru, hvort sem
þeir eru í deildinni eða meist-
aradeildinni. Báðar keppnir eru
mikilvægar og ég mun ekkert setja
aðra þeirra í forgang,“ sagði Rafa
Benitez, knattspyrnustjóri Liver-
pool, við BBC.
Hiddink byrjaði á sigri
Liverpool er þar með nær
Chelsea og Aston Villa í stigum.
Þau lið mættust einmitt innbyrðis
um helgina og fóru leikar á þann
veg að Chelsea sigraði, 1:0 með
marki Nicolas Anelka. Tókst Hol-
lendingnum Guus Hiddink því að
stýra Chelsea til sigurs í sínum
fyrsta leik við stjórnvölinn hjá
Lundúnaliðinu.
„Ég er ánægður með spila-
mennskuna hjá liðinu og að okkur
tókst að landa sigri. Við mættum
góðu liði, en hópurinn sem ég hef í
höndum er líka góður og ég mun
reyna að laða það besta fram úr
þessum leikmönnum sem ég hef í
höndum hér hjá Chelsea,“ sagði Gu-
us Hiddink við BBC eftir leikinn við
Aston Villa.
Arsenal þarf að
gyrða sig í brók
Útlitið er ekki bjart hjá Arsenal
hvað meistaradeildarsæti varðar.
Liðið gerði um helgina markalaust
jafntefli við Sunderland en þar lék
hinn rússneski Andrei Arshavin
sinn fyrsta leik fyrir Arsenal. Lund-
únaliðið er nú í 5. sæti með 45 stig,
sex stigum á eftir Aston Villa í bar-
áttu um þátttökurétt í meistaradeild
Evrópu á næstu leiktíð. Aðeins fjór-
um stigum á eftir Arsenal kemur
svo Everton með 41 stig.
„Ég er mjög vonsvikinn að hafa
ekki náð að vinna þennan leik. Það
segir sig hins vegar alveg sjálft að
við vinnum enga leiki þegar við
skorum ekki mörk. Við verjumst
vel, en það gengur lítið að skora hjá
okkur þessi misserin og við þurfum
að finna einhverja lausn á því. Það
er alveg klárt mál, þetta gengur
ekki svona,“ sagði Arsene Wenger,
stjóri Arsenal, við BBC.
Arsenal hefur nú gert markalaust
jafntefli í þremur síðustu deild-
arleikjum í ensku úrvalsdeildinni.
Everton gerði í gær markalaust
jafntefli við Newcastle. Lið New-
castle lék einum færri allan síðari
hálfleik en Kevin Nolan fékk að líta
rauða spjaldið á 44. mínútu fyrir
ljóta tæklingu á Victor Anichebe,
leikmann Everton.
Er United að stinga af?
 Dýrmæt stig fóru í súginn hjá Liverpool sem gerði jafntefli við Manchester
City, 1:1  Sigur hjá Chelsea í fyrsta leiknum undir stjórn Guus Hiddink
Reuters
Flottur Wayne Rooney gat fagnað um helgina. Hér fagnar hann marki sínu
gegn Blackburn í 2:1 sigri á liðinu.
Í HNOTSKURN
»Manchester United hefurnú sjö stiga forystu á Liv-
erpool sem er í öðru sæti
ensku úrvalsdeildarinnar í
knattspyrnu.
»Arsenal hefur nú gert þrjúmarkalaus jafntefli í röð í
deildinni.
»Chelsea vann sigur í sínumfyrsta leik undir stjórn Gu-
us Hiddink.
LIVERPOOL fór illa að ráði sínu þegar
liðið gerði einungis jafntefli við Man-
chester City í ensku úrvalsdeildinni í
knattspyrnu, 1:1. Fyrrverandi Liver-
pool-leikmaðurinn, Craig Bellamy
kom City yfir með góðu skoti á víta-
teig Liverpool í Alvaro Arbeloa og í
netið. Þrátt fyrir að hafa aðeins leikið
í eitt tímabil með Liverpool kaus
Walesverjinn að fagna ekki marki
sínu á Anfield. Það var svo Hollend-
ingurinn Dirk Kuyt sem tryggði Liver-
pool eitt stig úr leiknum með marki á
78. mínútu og jafnaði metin í 1:1.
Guðjón Þórð-arson fagn-
aði sínum fjórða
sigri í sjö deilda-
leikjum sem
knattspyrnu-
stjóri Crewe þeg-
ar lið hans lagði
Huddersfield að
velli, 3:1, á laug-
ardaginn. Áður en Guðjón tók við
um áramótin hafði lið Crewe aðeins
unnið fjóra af fyrstu 23 leikjum sín-
um og sat á botni deildarinnar. Nú
er það komið í 22. sætið af 24 liðum
og vantar fimm stig til að ná Orient
og komast úr fallsæti, en á tvo leiki
til góða.
  
Guðjón var afar ánægður meðsína menn á laugardaginn og
sagði að þeir hefðu spilað skemmti-
legan fótbolta. „Bæði lið léku til sig-
urs og ég tel að þetta hafi verið góð
auglýsing fyrir knattspyrnuna í
þessari deild. Liðsandinn hjá strák-
unum er frábær, þeir sýndu að þeir
eru tilbúnir til þess að leggja allt í
sölurnar hver fyrir annan, og það er
lykilatriðið,“ sagði Guðjón á vef
Crewe eftir leikinn.
  
Mikel Arteta,miðjumað-
ur Everton í
ensku úrvals-
deildinni í knatt-
spyrnu, fór
meiddur af velli í
gær þegar liðið
gerði 0:0 jafntefli
við Newcastle,
eftir samstuð við Peter Lövenkr-
ands. Arteta lenti illa og fór sár-
þjáður af velli. Arteta er mjög mik-
ilvægur leikmaður hjá Everton, en
hann hefur stjórnað leik liðsins eins
og herforingi síðan hann kom frá
Real Sociedad árið 2005.
  
Alex Ferguson knattspyrnustjóriManchester United er kominn í
vandræði með að stilla upp vörn
sinni fyrir leikinn gegn Inter Mílanó
í Meistaradeild Evrópu eftir að mið-
vörðurinn Jonny Evans haltraði af
velli í leik liðsins gegn Blackburn í
úrvalsdeildinni á laugardag.
Nemanja Vidic tekur út leikbann í
leiknum og þeir Wes Brown og Gary
Neville eru báðir meiddir, auk þess
sem John O’Shea er tæpur. Ólíklegt
er talið að Evans nái að spila leikinn.
  
Grétar RafnSteinsson
og félagar hans í
Bolton komu sér í
þægilega stöðu í
ensku úrvals-
deildinni á laug-
ardaginn með því
að sigra West
Ham, 2:1, á Reebok-leikvanginum.
Matt Taylor og Kevin Davies komu
Bolton í 2:0 áður en Scott Parker
minnkaði muninn fyrir Íslendinga-
félagið. Bolton komst með sigrinum í
sjö stiga fjarlægð frá fallsæti deild-
arinnar en West Ham siglir nokkuð
lygnan sjó í miðri deildinni.
Fólk sport@mbl.is
HERMANN Hreiðarsson hefur aldeilis fundið sig
vel undanfarið með liði Portsmouth í ensku úr-
valsdeildinni í knattspyrnu, eftir langa bekkj-
arsetu sem næstum leiddi til þess að Hermann fór
frá liðinu í janúarglugganum. Eftir að Tony
Adams var rekinn og Paul Hart gerðist bráða-
birgðastjóri út leiktíðina hefur Hermann hins veg-
ar verið í byrjunarliðinu og fundið sig vel. Hann
skoraði gegn Liverpool, Manchester City og átti
allan heiður af jöfnunarmarki liðsins gegn Stoke á
laugardaginn, 2:2, á 90. mínútu leiksins. Fyrir vik-
ið hafa stuðningsmenn Portsmouth allir færst í
aukana og biðla nú bæði til Hermanns og
Portsmouth um að „Herminator“, eins og hann er
kallaður, haldi áfram að spila
með liðinu, en samningur Her-
manns rennur út í sumar og er
honum því frjálst að ræða við
önnur lið um samning. „Það er
óneitanlega skemmtilegra að
fá að spila en að sitja á bekkn-
um. Það er auðvitað aðal-
atriðið, mörkin eru svo bara
bónus,“ sagði Hermann við
Morgunblaðið í gær, en hann
hefur gert samtals fjögur mörk
á leiktíðinni. En hvar liggur framtíð Hermanns?
Mun hann verða við óskum áhangenda Portsmo-
uth og vera áfram í herbúðum liðsins? „Í sann-
leika sagt er þetta ekki einungis í mínum höndum.
Leikmennirnir eru sáttir við núverandi þjálfara,
að minnsta kosti út leiktíðina, en þjálfaramálin
þarf að fá á hreint áður en samið er um leik-
mannamál. Ég veit í rauninni alveg jafn lítið og þú
um hvort þjálfarinn verður áfram eða ekki, þetta
er allt í höndum stjórnarinnar. Því mun ég bíða og
sjá hvað verður áður en ég ræði við þá, nú eða þeir
við mig, um nýjan samning. Hvað stuðningsmenn-
ina varðar, þá hef ég alltaf átt gott samband við
þá, en auðvitað er alltaf jákvætt og skemmtilegt
að þeir skuli hugsa til manns,“ sagði Hermann í
gær. trausti@mbl.is
„Allt í höndum stjórnarinnar“
 Hermann vill vissu um þjálfaramál Portsmouth  Má ræða við önnur félög
Hermann
Hreiðarsson