Morgunblaðið - 24.09.2009, Side 12

Eftir Jóhönnu Maríu Vilhelmsdóttur
jmv@mbl.is
H
ÉR hefur verið vaxandi aðsókn undanfarin
ár og öll met voru slegin í ár því við vorum
með um 90% meðalnýtingu og það er mjög
gott,“ segir Guðrún G. Bergmann sem rek-
ur Hótel Hellna á Snæfellsnesi. Hótelið á
Hellnum er umhverfisvottað af Green Globe og ýmislegt
gert til að fá gestina til að taka þátt. „Við hvetjum ferða-
menn til að endurnýta bæklinga og tímarit því mikið af
þeim vill enda í ruslinu. Við höfum því haft kassa frammi
fyrir slíka endurnýtingu. Það sem er heillegt fer aftur á
upplýsingaborðið, hitt fer í endurvinnslu,“segir Guðrún.
Áhersla er lögð á að bjóða lífrænt ræktaða matvöru á hót-
elinu auk leiðsagnar um Snæfellsnes. Hún segir ferða-
menn áhugasama um umhverfið. „Margir velta m.a. fyrir
sér áhrifum hlýnunar jarðar á Íslandi og hvort Snæfells-
jökull hafi orðið fyrir áhrifum vegna þess á undanförnum
árum,“ segir Guðrún.
Hún segir að þrátt fyrir góða aðsókn hafi ákveðin
vandamál komið upp í sumar þar sem ferðamenn hafi bú-
ist við því að allt væri svo ódýrt á Íslandi. „Þó gengið sé
auðvitað hagstætt fyrir útlendinga þá hefur allur kostn-
aður hækkað hjá okkur og hann er ekki hægt að setja út í
verðlagið. Við sitjum því uppi með hærri rekstrarkostnað
og minni tekjur því við verðum að halda okkur við eitthvað
raunhæft,“ segir Guðrún.
Hvetur konur til að greiða veginn
Aðspurð segist Guðrún nauðsynlegt að hafa mörg járn í
eldinum þegar rekstur sumarhótels sé annars vegar.
„Hótelið er bara opið í fjóra mánuði á ári svo ég þarf að
hafa annað fyrir stafni á veturna,“ segir Guðrún.
„Ég hef verið með fyrirlestra og kynningar í tengslum
við bókina mína, Konur geta breytt heiminum. Ég var
með tvo fyrirlestra í síðustu viku, þrjá í þessari viku og tvo
í næstu viku. Það hefur því verið mikill áhugi á því hvað er
hægt að gera grænt og umhverfisvænt,“ segir Guðrún en
bók hennar kom út í apríl og í henni eru konur hvattar til
að greiða veginn í umhverfismálum og hafa áhrif á karlana
í leiðinni. „Konur stýra svo miklu í smásöluinnkaupum og
geta haft mikil áhrif í gegnum þau,“ segir Guðrún.
Hún segist nú kanna möguleikana á útgáfu bókarinnar í
Bandaríkjunum og fleiri löndum. „Það þarf að staðfæra
bókina svo fólk hafi trú á því sem kemur fram í henni. Ég
er því að leita að meðrithöfundi í viðkomandi löndum til að
hjálpa mér við það. Verkefnið er sérstakt því mér vitandi
hefur enginn tekið bók og leitað eftir meðrithöfundum að
sama texta í mörgum löndum í einu,“ segir Guðrún.
Guðrún G. Berg-
mann rekur um-
hverfisvænt sumarhótel á Hellnum
en stefnir jafnframt að því að kenna
konum í mörgum löndum að breyta
heiminum með breyttum lífsstíl.
Ljósmynd/Vera Páls
Umhverfisvæn Guðrún leggur áherslu á lífræn matvæli
og endurvinnslu á Hótel Hellnum á Snæfellsnesi.
Skiptir um starfs-
vettvang á veturna
SVIPMYND»
RÚSSNESKI vopnaframleiðandinn sem fram-
leiðir hinar þekktu Kalasjnikov-vélbyssur er í mikl-
um erfiðleikum. Er jafnvel talið að fyrirtækið, Izj-
masj, kunni að fara á hausinn innan tíðar.
Lánardrottnar þess hafa sótt að því fyrir dóm-
stólum vegna vanskila.
Kalasjnikov-vélbyssan, sem einnig gengur undir
heitinu AK-47, er líklega einna þekktust fyrir að
liðsmenn hinna ýmsu skæruliðahreyfinga í heiminum sjást gjarnan með-
höndla slík vopn. Sovéski herinn notaði AK-47 hins vegar fyrst í seinni
heimsstyrjöldinni. Talið er að framleidd hafi verið fleiri eintök þessari vél-
byssu en nokkurri annarri. gretar@mbl.is
AK-47-framleiðandi á hausinn
Íslendingar hafa eðlilega verið
mjög uppteknir af Tortola-eyju und-
anfarið ár. Þangað teygja anga sína
fjölmörg félög sem tengst hafa ís-
lensku útrásinni.
Tortola skaut upp á stjörnuhimin
íslenskrar umræðu þegar Egill Helga-
son spurði Jón Ásgeir Jóhannesson
hvort hann kannaðist við eyjuna Tor-
tola í þætti sínum Silfri Egils.
Jón Ásgeir sagðist ekki kannast
við þá eyju.
Á sínum tíma var venja að banka-
menn og lögfræðingar sæju um alla
þá flóknu snúninga sem við-
skiptajöfrar stóðu í. Þegar þessir
snúningar og skúffufélög voru kynnt
fyrir peningafólkinu var venjulega tal-
að um BVI-félög (BíVíÆ-félög). Átti
það við Bresku jómfrúaeyjarnar (Brit-
ish Virgin Islands), sem Tortola-eyja
er hluti af.
Tortola er vissulega ein af sextíu
eyjum sem tilheyra Bresku jóm-
frúaeyjunum og þeirra stærst. Hana
þekkja allir. En hversu margir kann-
ast við Virgin Gorda, Anegada og
Jost Van Dyke, sem sagðar eru
helstu eyjarnar í klasanum?
Hvern langar ekki til að geta
sagst þekkja Anegada-eyjuna?
ÚTHERJI
HARLEY Davidson er það al-
þjóðlega vörumerki sem orðið hef-
ur fyrir mestu falli á lista yfir verð-
gildi þekktustu og verðmætustu
vörumerkin í heiminum. Reyndar
hefur verðgildi nánast allra þeirra
vörumerkja sem komast á árlegan
lista alþjóðlega markaðsfyrirtæk-
isins Interbrand fallið í kjölfar
efnahagskreppunnar.
Fallið á verðgildi Harley Dav-
idson er metið um 43%. Vörumerki
lúxusbílsins Lexus hefur fallið
næstmest og þar á eftir koma aðrir
bílaframleiðendur. gretar@mbl.is
Kreppir að vörumerkjum
Töffari Marlon Brando var einn
þeirra sem völdu Harley Davidson.
sími: 511 1144
Vökvadælur
Vökvamótorar
Stjórnbúnaður
Skútuvogi 6 • 104 Reykjavík • Sími 510 4100 • www.danfoss.isDanfoss hf
Vökvakerfislausnir