Organistablaðið - 02.05.1968, Blaðsíða 1

ORGANISTABLÁDIÐ
1. TBL. MAÍ 1968 1. ÁRG.
INNGANGUR
Nýtt tímarit hefur nú göngu sína, og hefur það hlotið nafn-
ið „Organistablaðið“.
„Organistablaðið“ á að sjálfsögðu fyrst og fremst að vera
málgagn organista landsins, tengiliður milli þeirra og fólks-
ins í landinu, aðallega þess hluta landsmanna, sem áhuga
hefur á tónlist, einkum kirkjutónlist. Blaðinu er ætlað að
flytja lesendum sínum margs konar fróðleik og fræðslu um
orgelið, þetta margslungna hljóðfæri, sem stundum nálgast
það að vera öll hljóðfæri í senn, um verk sem samin eru fyrir
það, um hlutverk þess í kirkjulífinu og menningarlífi yfir-
leitt, og ekki sízt um þróun þess. Þeim tilgangi verður meðal
annars náð með því að opna glugga er snúa að hinum stóra
heimi. Leyfa fólki að kynnast nýjungum í smíði þessa risa-
hljóðfæris, nýjum verkum er samin eru fyrir það oe samhandi
þess við önnur hljóðfæri, hljómsveitir og kóra. Allt er þetta
svo nátengt að það verður aldrei aðskilið með öllu.
Það er langt síðan að til tals kom að stofna hér tímarit er
helgað væri að miklu leyti orgeltónlist og því sem tengdast
er henni, en alltaf dregizt vegna margvíslegra örðugleika í
fámennum borgum og sveitum. Er mér það sönn ánægja að fá
nú tækifæri til að fylgja úr hlaði slíku riti.