Organistablaðið - 02.05.1968, Blaðsíða 15
FRÁ RITNEFNDINNI
Það er langt síðan það kom til tals í íelagi íslenzkra organleikara að gefa
út tónlistarblað. Nú er þessi hugmynd að komast í framkvæmd. Eins og nafn
blaðsins bendir til, mun það fyrst og fremst sinna málefnum organleikara og
kirkjutónlist, en tónlistarmálum almennt mun það einnig sinna eftir því sem
rúm og aðrar ástæður leyfa. Við munum reyna að láta blaðið verða jafnt
fræðslurit og frdttablað. Margir organleikarar hafa heitið því stuðningi.
Við nefnum fyrst dr. Pál ísólfsson. í næsta tölublaði mun birtast grein
eftir hann um þýzka orgelsnillinginn Karl Straube. Ritari félagsins, Jón
G. Þórarinsson, mun sjá um fréttir frá félaginu og væntum við að þann-
ig geti blaðið orðið heppilegur tengiliður milli félagsins og organleikara
er fjarri Reykjavík búa og eiga erfitt með fundarsókn að staðaldri. Jón
ísleifsson, formaður Kirkjukórasambands Islands, hefur lofað að segja fréttir
frá sambandinu og starfi kóranna innan þess. Ragnar Björnsson ætlar að
sjá um fréttir af tónlistarlífi í höfuðborginni, en Gunnar Sigurgeirsson hefur
tekið að sér að sjá um fréttir víðsvegar að af landinu. Formaður félagsins,
Páll Kr. Pálsson, hefur umsjón með erlenda fréttadálknum og bókafregnum.
Fleiri hafa heitið blaðinu liðsinni, en við heitum ó alla organleikara að
leggja blaðinu lið, bæði með því að senda því pistla og líka með því að stuðla
að útbreiðslu þess.
Áformað er að á þessu ári komi út 3 tbl. af Organistablaðinu.
NÓTUR
Otvegum með stuttum fyrirvara
allar tegundir af
nótum.
Hljóðíœraverzlun
SIGRÍÐAR HELGADÓTTUR
Vesturveri — Reykjavík
S I M I 113 15
ORGANISTABLAÐIÐ 15