Organistablaðið - 02.05.1968, Side 13

aðir flutt fjölbreyttar söngskrár og
margsinnis verið í dagskráliðum varð-
andi hátíðardaga sinna byggðarlaga.
Þetta menningarstarf er eitt hið víð-
tækasta tónlistarstarf, sem rekið hefur
verið í landinu, bæði fyrr og síðar,
og víðast hvar í dreifbýlinu bið ein-
asta.
Eftir lát Sigurðar Birkis var dr.
Róbert A. Ottóson ráðinn söngmála-
stjóri þjóðkirkjunnar. Hann hefur
ferðazt um landið haldið námskeið
fyrir kirkjuorganista og einnig leið-
beint ýmsum kirkjukórum og örfað
þá í starfi.
I september s.l. kom út sönghefti
„Tuttugu og tveir söngvar". Utgef-
andinn er Bókaverzlun Sigfúsar Ey-
mundssonar í Reykjavík. Heftið er
tileinkað Kirkjukórasambandi íslands.
011 lögin eru valin og raddsett af
söngmálastjóranum og fylgja þeim
sérstakar skýringar. — Allir kirkju-
kórar fá þetta sönghefti með 20% af-
slætti, ef 10 eintök eða fleiri eru
keypt í einu.
Jón Isleifsson.
Tónleikar í Reykjavík
og nágrenni.
Eins og heitið á dálki þessum ber
með sér, er honum ætlað að segja frá
tónleikum, sem farið hafa fram i höfuð-
borginni eða nágrenni hennar, og
einnig að minna á tónleika, sem fram
undan eru og rétt þykir að benda á,
hér á þessum vettvangi. Hér verða
vitanlega fyrst og fremst hafðir í huga
kirkjutónleikar og aðrir, sem í þá átt
stefna, en þó mun farið út fyrir þann
ramma, ef ástæða þykir til. Það skal
tekið fram, að pistlum þessum er ekki
ætlað gagnrýnenda-hlutverk nema að
litlu leyti.
Of lítið hefur verið um hreina
kirkjutónleika (þ. e. tónleikar með
kirkjulegum verkum eingöngu) í höf-
uðborginni á yfirstandandi vetri, og
þyrfti þar að verða á alger breyting.
Líkt og með öðrum menningarþjóðum
ættu að vera hér reglulegir kirkjutón-
leikar, og efast ég ekki um, að tón-
leikagestir boigarinnar mundu taka
slikum tónleikum með þökkum, ef á
kæmust.
Martin Ilunger, organleikari í Vest-
mannaeyjum, tók sér ferð á hendur
seinni partinn í sumar, heimsótti
nokkra kaupstaði á Norður- og Suður-
landi og hélt orgeltónleika. Var það
lofsvert framtak hjá Hunger, og þyrftu
fleiri að leika eftir honum, þótt fjár-
hagsvon sé ekki mikil til að byrja með
a. m. k. Sliku samstarfi ætti þó að
vera hægt að koma á milli sóknar-
nefnda og organista, þar sem pípu-
orgel eru fyrir hendi, að gagnkvæmar
heimsóknir organista ættu sér stað og
þannig, að organleikarar befðu fleiri
tækifæri til að leika fyrir áheyrendur
en nú er. Einnig er það virðingar-
skortur fyrir þeim mörgu góðu orgel-
um í kirkjum landsins að láta þau
ónotuð nema við messugerðir. Martin
Ilunger endaði sína hljómleikaferð í
Hafnarfirði og náði því ekki alla leið
til Reykjavikur að þessu sinni, en læt-
ur vonandi verða af því áður en langt
um liður.
Norrænt tónlistarmót var haldið í
Reykjavík dagana 17. til 22. september
í haust. Voru þar mörg eftirminnileg,
nútímaleg tónverk af ýmsu tagi flutt
og sum þeirra í fyrsta sinn. Af íslenzk-
um verkum nefni ég fyrst „Hlými”
eftir Atla Heimi Sveinsson. „HIými“
var íslenzku verkanna nýtizkulegast en
ORGANISTABLAÐIÐ 13