Organistablaðið - 01.12.1976, Blaðsíða 5
AÐVÖRUN TIL ORGANISTA OG ANNARRA
sem hyggjast halda kostnaðarsama tónleika t kirkjum utan Rv'tkur
Fólk á Suðurlandi, sem með vaxandi undrun hefur fylgst með við-
skiptum tveggja kóra á Selfossi við fréttadeild sjónvarpsins, hefur
hvatt mig til að rita lýsingu á þeirri viðureign, öðrum kórstjórum
til viðvörunar.
6. jan. 1976 hringdi fréttaritari sjónvarpsins á Selfossi, Gísli
Bjarnason, í mig og sagði, að nú hefði sér í fyrsta skipti verið neitað
um frétt til birtingar. Fréttamaður, sem hann ræddi við, hafi með
öllu neitað að taka frétt um tónleika Kirkjukórs Selfoss.
Ég hringdi þegar til sjónvarpsins og fékk að tala við annan frétta-
mann.
Ég: „Þið eruð að missa af stórfrétt."
Fréttam. (ákafur): „Hvað er það?“
Ég: „í kvöld kemur fram í fyrsta skipti ný sinfóníuhljómsveit
áhugafólks, Sinfóníuhljómsveitin í Reykjavík og leikur með Kirkju-
kór Selfoss og einsöngvurunum Sigríði E. Magnúsdóttur, Garðari
Cortes og Halldóri Vilhelmssyni í verkum eftir Buxtehude (kan-
tata), J. S. Bach (jólakantata) og Handel (atr. úr Messíasi), og við
ætlum síðan að vera með þetta í Reykjavík á sunnudaginn kemur.“
Fréttam. (daufur): „Petta er ekki ttokkur frétt. Pað hefur verið
um það rætt að taka alls ekki fréttir eins og þetta. Svona lagað varð-
ar e. t. v. 20 til 30 tnanns. og þið, sem biðjið um slíkt eruð bara að
reyna að fá ókeypis auglýsingu á besta stað.“
Samtalið varð nokkru lengra og í vinsamlegum tón. Ég gerði grein
fyrir því, að kostnaður við þessa tónleika væri á þriðja hundrað þús.
kr. og að það skipti því ekki litlu máli fyrir okkur að fólk vissi af
þeim. Fór svo að lokum, að fréttamaður sagðist skyldi athuga, hvort
þetta mætti koma í fréttaþættinum, en reiknaði þó síður en svo með
því.
Sú varð líka raunin á.
Fyrir tónleikana í Reykjavík fór Garðar Cortes á stúfana fvrir
okkur með frétt í sjónvarpið, en allt fór á sömu leið.
ORGANISTABLAÐIÐ 5