Monitor - 05.08.2010, Blaðsíða 10
Eru íslenskar konur almennt í góðum
málum hvað varðar útlit og umhirðu?
Já. Það eina sem mér finnst leiðinlegt,
og ég er ekki að setja út á íslenskar konur,
er það að þær fara allar svolítið sömu
leið að mínu mati. Eins og með klæðnað
og annað. En þær eru að vakna. Það
hafði enginn talað um aðhaldsfatnað
á Íslandi fyrr en við tókum þetta fyrir í
sjónvarpsþættinum og Debenhams seldu
í kjölfarið heilu brettin af þessu. Núna
skilur liðið úti ekki neitt, þeir sem selja
fötin hingað til lands. „Hvað kom fyrir
Ísland? Eru allar konur í aðhaldi?“. Mér
finnst þetta rosalega einkennilegt. Árið er
2010 og það er eins og þær séu nýbúnar
að uppgötva aðhaldsföt og brjóstahaldara.
Konur vita ekki stærðina á brjóstunum
á sér. Þetta þykir mér alveg merkilegt. Ég
þori að veðja að hver einasti karlmaður er
búinn að mæla á sér liminn.
Fyrst þú minnist á það, hvernig eru
íslenskir karlmenn að standa sig?
Þegar ég er úti í London er ég að
sjálfsögðu í allt öðrum heimi en hér. Þegar
maður fer út á lífið þar og á klúbbana í
þessum gay-heimi tekur maður eftir því
að mennirnir þar eru rosalega rugged.
Þetta eru bara pjúra karlmenn. Engar
geldollur heldur krúnurakaðir og grófir
menn. Þegar ég kom síðan heim og sá
unga, íslenska karlmenn fannst mér þetta
bara samansafn af pjátri. Og þeir eru allir
straight. Þetta finnst mér frekar fyndið
þar sem ég er sjálfur hárgreiðslumeistari.
Þannig að þeir eru að standa sig mjög vel.
Það er alltaf verið að tala um að við eigum
fallegustu konur í heimi, en við eigum líka
glæsilegustu menn í heimi.
Þú hefur talað um að það hafi verið erfitt
sem samkynhneigður unglingur að
fylgjast með fordómum fólks gagnvart
samkynhneigð. Finnst þér þetta hafa
breyst mikið?
Já þetta er bara djók. Svona á þetta
að vera. Mér varð eiginlega flökurt að
hugsa til þess að einhver hefði meiri
réttindi en ég til þess að ganga í heilagt
hjónaband í kirkju. Ég er mjög trúaður
maður og mér finnst með ólíkindum
að einhverjar forpokaðar prestshrúgur
skipti sér af því hvað ég geri í rúminu. Ég
spyr ekki að því hvað þeir gera í rúminu
og hvern djöfulinn kemur þeim það við
hvað ég geri í mínu rúmi? Mig langar
reyndar ekkert að gifta mig í kirkju og
ég hef enga þörf fyrir það að ganga í
hjónaband, en ég hef mínar skoðanir
á þessu og mér finnst þetta fáránleg
hugsun og eiginlega eins og það sé
verið að tala um skepnur.
Þannig að betur má ef duga skal?
Ég tel að það hafi ofboðslega mikil
breyting orðið en guð minn góður, það
krauma enn fordómar undir niðri eins
og áður. Málið er það að það er ekki kúl
að vera með fordóma gagnvart þessu.
En ef þú flettir upp svuntunum þá eru
fordómarnir algjörlega til staðar. Þeir eru
bara undir borði. Við höldum alltaf að við
séum svo „ligeglad“ og að Ísland sé svo
opið og halelúja. En ef einhver reiðist og
missir sig aðeins... „you’re gonna get the
shit in your face“. En þá fær viðkomandi
það líka tvöfalt til baka.
Fjórða sería af Nýju útliti verður sýnd
í haust á Skjá einum en þangað til mun
Karl hafa í nógu að snúast á Beauty
barnum, sem hann segir að sé „athvarf
fyrir kvenlegt eðli“ og konur á öllum
aldri eru hvattar til að heimsækja Karl
og leyfa honum að dekra við sig.
10 Monitor FIMMTUDAGUR 5. ÁGÚST 2010
Ef þú flettir
upp svunt-
unum þá eru fordóm-
arnir algjörlega til
staðar. Þeir eru bara
undir borði.
Það var
það
eina sem ég
sagði. Ég
hefði lagt
það á mig
að missa
nokkur
aukakíló
ef ég væri
að fara
að standa
fyrir framan
milljónir
manna.