Monitor - 06.01.2011, Blaðsíða 10

10
strákar. Mér finnst það allt í lagi en stundum er þetta kannski
aðeins of mikið.
Hvað finnst þér um aðdáun Adolfs Inga á þér?
Ég er mjög ánægður með Adolf og finnst hann mjög
skemmtilegur lýsandi. Þessi frasi hans Adolfs er orðinn
margfrægur og búið að sýna myndbrotið út um allt. Hann er
orðinn frægur og ætti kannski að þakka mér fyrir.
Hvaðan komstu? Hvert ertu að fara? Hvað ertu?
Ég kom frá Lettlandi, er bara að fara í boltann og er Alexander
vitleysingur.
Horfðirðu á hetjulegu björgunina gegn Póllandi á netinu
eftir á?
Ábyggilega svona tuttugu sinnum. Þetta var ótrúlegt móment
og svakalega tæp björgun. Það munaði sekúndubroti að ég
hefði ekki náð boltanum enn í loftinu og fengið á mig rautt
spjald.
Verðurðu aldrei stressaður í svona æsispennandi leikjum?
Ekki inni á vellinum. Þá er maður bara að spila leikinn og
gera sitt besta allan tímann. Á bekknum er þetta mun
verra, þá verð ég virkilega stressaður yfir leiknum og
spennist allur upp.
Hver er besti herbergisfélagi sem þú hefur haft á
ferðum landsliðsins?
Ég var lengi með Fúsa í herbergi en hann er hættur
núna svo ég er mjög oft með Sverri. Það sögðu allir að
það væri hræðilegt að vera með Fúsa í herbergi því
hann er svo stór og hrýtur mikið en mér fannst það
rosa fínt, Fúsi er góður karl.
Ef þú myndir stranda á eyðieyju í tíu ár og mættir
taka með þér einn úr landsliðinu, hver yrði það
og af hverju?
Þetta er erfitt val því tíu ár eru langur tími til
að vera bara með karlmanni. Ég verð bara að
segja Aron Pálmarsson því hann er svo ungur,
skemmtilegur og sætur. Við gætum þá gert eitt-
hvað saman. Ég veit samt ekki, þetta er erfitt val.
Ertu hræddur um að fitna þegar þú hættir í
boltanum?
Já, það gerist oft fyrir íþróttamenn sem hætta
að hreyfa sig. Ég þarf að passa mig vel því ég er
vanur að borða svo rosalega mikið. Sem betur
fer er ég ekki týpan sem fitnar auðveldlega.
Hvenær heldurðu að þú leggir harpexið á
hilluna?
Vonandi get ég spilað nokkur ár í viðbót í at-
vinnumennskunni en ætli ég hætti ekki eftir
svona fimm ár. Ég er farinn að finna aðeins
fyrir aldrinum og er oft stífur í líkamanum
eftir æfingar. Það kemur alltaf að því að menn
geti ekki spilað lengur og þá þarf að sætta sig
við aldurinn og fara að gera eitthvað annað.
Hvað gætirðu hugsað þér að gera þegar
ferlinum lýkur?
Ég er ekki alveg viss. Eivor vill flytja aftur til
Íslands svo ég skelli mér ábyggilega í eitthvað
nám og fer að vinna venjulega vinnu. Lífið er
svo þægilegt núna, ég æfi mikið en fæ góðan
pening fyrir það svo það verður ábyggilega
skrítið að skipta yfir í venjulegt líf.
Monitor FIMMTUDAGUR 6. JANÚAR 2011
Hver í landsliðinu er ...
klikkaðastur? Óli.
fallegastur? Aron.
væmnastur? Enginn.
feitastur? Ég veit það en ég vil
ekki segja það.
bestur? Guðjón Valur.
fyndnastur? Snobbi, tvíeykið
Snorri og Robbi.
gáfaðastur? Óli.
leiðinlegastur? Enginn.
Þessi frasi hans Adolfs er
orðinn margfrægur og búið
að sýna myndbrotið út um allt.
Hann er orðinn frægur og ætti
kannski að þakka mér fyrir.