Skólablaðið - 01.02.1989, Page 5

opna
Sjálfsmynd
Ég horfi á þig.
Mér líkar ekki við þig.
Ég vil ekki sjá þig,
en í staðinn fyrir að líta undan
kasta ég steini í hausinn á þér.
Spegilbrotunum rignir yfír mig.
Elsa B. Valsdóttir.
Pandóra
Þú fagra Pandóra!
Það elska þig allir.
Þú ert svo fögur
að karlmennirnir færa þér hjörtu sín
í kippum,
svo skilningsrík
að konurnar þyrpast að þér
með vandamál sín,
svo blíð
að börnin dá þig og dýrka,
svo óhamingjusöm
að ég gæti grátið.
Þú ert svo óhamingjusöm,
því þrátt fyrir allar gjafirnar
fannstu aldrei neinn
sem vildi þiggja hjarta þitt.
Þú fékkst aldrei að gefa.
Elsa B. Valsdóttir.
Við
Hlutir í nánu sambandi
móta hvorn annan.
Öldurnar sverfa klettana
sem valda briminu.
Áin eyðir stöllunum
sem valda fossum og flúðum.
Við rennum saman,
vatn og berg,
og mótum hvort annað
þar til allar ójöfnur eru á bak og burt.
Elsa B. Valsdóttir.