Monitor - 04.08.2011, Blaðsíða 6

6 Monitor FIMMTUDAGUR 4. ÁGÚST 2011
Engar sérstakar
„gay“ gallabuxur
Söngkonan Hera Björk syngur lag Hinsegin dagan
na ásamt
Haffa Haff og BlazRoca. Hún virðist njóta gífurlegra
vinsælda
í heimi samkynhneigðra því á dögunum tróð hún u
pp á vegum
keppninnar Mr. Gay World USA víðs vegar um Ban
daríkin.
Hvers vegna fellur tónlistin þín svona sérstaklega vel í
kramið hjá samkynhneigðum?
Guð, ég hef ekki hugmynd um það. Ég held að hún falli líka í
kramið hjá öðrum en þeir samkynhneigðu hafa bara hátt og
ráða miklu. Ég syng nú mikið fyrir gagnkynhneigða líka en það
er mest skrifað um það þegar ég er að syngja fyrir samkyn-
hneigða og þeir hafa náttúrlega bara svo góðan smekk (hlær).
Hefur þú sjálf lagt upp úr því að höfða til þessa markhóps?
Ertu með eitthvað markaðssetningartrix?
Nei, ekkert þannig, maður kaupir sér ekkert einhverjar
sérstakar „gay“ gallabuxur.
Myndir þú segja að þú værir hin íslenska Cher?
Guð minn góður, nei, ég myndi ekki segja það (hlær). Hún er
náttúrlega algert „icon“ í heimi samkynhneigðra þannig að ég
get alls ekki borið mig saman við hana en mér líkar svo sem
ekkert illa við samanburðinn. Hún hefur gert góða hluti og er
alveg hokin af reynslu.
Þú tróðst upp í hinum og þessum stórborgum Bandaríkjanna
á vegum keppninnar Mr. Gay World USA. Hvernig var það?
Það var voða gaman en þetta er ekkert glamúrlíf. Maður er
á túrnum, býr bara í ferðatösku og svo kom upp alls konar
drama á leiðinni sem maður þurfti að eiga við. Að sama skapi
hittir maður samt helling af skemmtilegu fólki og skoðar
fallega staði og það var samt sérstaklega gaman, sérstaklega
eftir á að hyggja. Maður ferðast ekkert um á limmó þarna,
þetta var bara týpískt „ród tripp“.
Í öllu þessu umstangi í kringum þessa keppni hefur þú
væntanlega umgengist marga stæðilega karlmenn. Hvernig
kanntu við þig í þessum félagsskap?
Já, bæði stæðilega karlmenn og konur. Það er alltaf gaman að
vera innan um fallegt fólk en ég laðast nú meira að skemmti-
legheitum. Þessi keppni miðar líka að því að horfa á persónu-
leika fólks, ekki bara ytra byrðið. Þú þarft að hafa eitthvað til
málanna að leggja og hafa þennan „X-þátt“ í fari þínu til að
fólk nenni að hlusta á þig. Þeir vinna undir formerkjunum „gay
for good“, þannig að það er ekki nóg að vera bara í fallegu boxi,
þótt það skemmi náttúrlega ekki.
Þú syngur Gay Pride-lagið í ár ásamt Erpi og Haffa Haff sem
ber nafnið Finnum ástina. Þú hefur líka verið að syngja
ensku útgáfu lagsins á erlendri grundu. Er þetta hið
alþjóðlega Gay Pride-lag árið 2011?
Það getur alveg verið það. Ég hugsaði þetta svolítið sem gjöf
til samfélags samkynhneigðra. Þetta er náttúrlega fyrst og
fremst íslenska lagið en við kynnum það svolítið svona „with
love from Iceland“. Réttindabarátta samkynhneigðra á Íslandi
er mjög langt komin samanborið við önnur lönd og samkyn-
hneigðir á Íslandi hafa verið mjög duglegir og barist vel. Það
má þó alltaf betur gera og það koma upp ný mál sem það þarf
að taka á en baráttubræður og –systur úti í hinum stóra heimi
eru komin miklu styttra. Til að mynda verður fyrsta Gay Pride-
hátíðin í Prag, Tékklandi haldin núna í ágúst, þar er baráttan
tuttugu, þrjátíu árum á eftir því sem við þekkjum. Ísland er
leiðandi í þessum málum og það var hugsunin á bak við lagið
og kynninguna á því erlendis, að sýna fram á að þetta sé hægt.
Hvað tekur við hjá þér eftir Hinsegin daga?
Ég er að fara að syngja úti í Danmörku á Gay Pride þar og síðan
fer ég að undirbúa haustið. Ég er að fara til New York og svo er
ég með lítinn söngskóla sem ég er að bóka kennara í og þannig
og svo eru það Frostrósirnar.
Svo það er bara keyrsla og aldrei frí?
Já, algjörlega. Maður tekur sér bara frí þegar maður sest að
á dvalarheimili
aldraðra tónlistar-
manna.
Mynd/Eggert
Gleði, gleði!
Monitor þefaði uppi myndir frá Gay Pride hátíðum
fyrri
ára sem virðast hafa verið hver annarri gleðilegri.
ÓMAR SLÆR Í GEGN Á
GULA BÍLNUM ÁR HVERT GLEÐIN RÆÐUR RÍKJUM
Á GAY PRIDE
LOFTKOSS ER BETRI
EN ENGINN KOSS