Morgunblaðið - 01.07.2010, Side 10

MORGUNBLAÐIÐ FIMMTUDAGUR 1. JÚLÍ 2010
10 Ferðamannageirinn
Ásgeir Ingvarsson
ai@mbl.is
„Átak var stofnað árið 1979 og þá sem bíla-
verkstæði þeirra Sigurðar Jóhannssonar og
Gunnars Zebitz sem eiga fyrirtækið enn í dag.
Þar kom að þeir hófu að leigja út bíla, fyrst
mjög smátt í sniðum, en óx sú hlið rekstrarins
jafnt og þétt. Árið 1997 tók fyrirtækið loks
það skref að fást alfarið við bílaleigu,“ segir
Gyða Kristín Ragnarsdóttir, sölustjóri bíla-
leigunnar Átaks.
Gyða segir þetta hafa verið eðlilega þró-
un, og raunar margborgi sig í dag að fyr-
irtækið á fullkomið bílaverkstæði, með lyftum
og öllum öðrum tilheyrandi tækjum. „Í svona
rekstri þarf að vera hægt að gera við hlutina
jafnóðum ef eitthvað kemur upp á.“
90% til ferðamanna
Flotinn er um 90 bílar að vetri til og fer upp í
um 150 bíla á sumrin, og starfa á bilinu 5-8
manns hjá bílaleigunni. „Frá júní til ágúst eru
um 90% af viðskiptavinunum erlendir ferða-
menn, en yfir vetrartímann eykst vægi trygg-
ingafélaganna. Svo eru alltaf einhverjir utan-
bæjarmenn jafnt sem borgarbúar sem vilja
leigja sér bíl í bæjarferð, eða fyrirtæki sem
nýta sér þennan kost fyrir ferðir starfs-
manna.“
Bílaleigureksturinn hefur að sögn Gyðu
gengið mjög vel þessi síðustu ár. „Sumarið í
fyrra var besta árið í bransanum til þessa og
mikill skortur var á bílum. Það stefndi lengi í
að árið nú yrði jafnvel enn betra. Svo kom
eldgosið og setti strik í reikninginn hjá öllum
og á tímabili var eins og allt stoppaði. Nú
hefur það gengið að miklu leyti til baka og
við erum mjög sátt eins og staðan er í augna-
blikinu.“
Öryggið á oddinn
Mikið starf hefur verið unnið til að fræða er-
lenda ferðamenn betur um akstur á íslensk-
um vegum. Dæmin eru of mörg um ferða-
langa sem vanmeta aðstæður og fara flatt á
t.d. akstri á malarvegum eða hálendisslóðum.
„Bílaleigurnar vinna saman undir væng
Samtaka ferðaþjónustunnar að þessum mál-
um og hafa gert margt gott undanfarin ár. Í
dag notum við t.d. svokölluð stýrisspjöld,
fræðandi upplýsingaspjald sem sett er á
stýrið til að tryggja bæði að viðskiptavin-
urinn viti um sérkenni íslenskra vega en
ekki síður á hvaða vegum er öruggt eða óör-
uggt að aka bíl af þeim flokki sem tekinn
var á leigu,“ segir Gyða. „Við höfum átt í
góðu samstarfi við Landsbjörg og Vega-
gerðina og sett upp viðvörunarskilti á há-
lendinu þar sem við á. Allir sem bóka bíla á
netinu fá síðan senda slóð á fræðsluvef um
akstursaðstæður á Íslandi.“
Afvegaleiðandi GPS-kort
GPS-tæknin nýtur mikilla vinsælda hjá vi-
skiptavinum Átaks en Gyða segir að sú tækni
hafi reynst vel. „Þetta eru bráðsniðug tæki og
hjálpa fólki að komast betur leiðar sinnar, en
hins vegar er það smá vandamál að í korta-
grunninn virðast vera skráðar leiðir sem eru
vegarslóðar en ekki ökuleiðir. Unnið er nú að
því að gera sérútgáfu fyrir bílaleigurnar. Það
verður því miður sennilega ekki fyrr en næsta
sumar að búið verður að uppfæra hugbún-
aðinn og fjarlægja þessa slóða úr leið-
sögukerfinu.“
„Ætla að sjá allt í einni ferð“
 Metár í fyrra og skortur á bílum en eldgos settu strik í reikninginn
hjá bílaleigunum í ár  Mikið starf hefur verið unnið til að bæta öryggi
erlendra ökumanna á íslenskum vegum og fræða um aðstæður
Morgunblaðið/RAX
Fræðsla Gyða segir bílaleigurnar m.a. hengja fræðandi spjöld á stýrin á bílunum við afhend-
ingu til að tryggja að viðskiptavinurinn lesi sér örugglega til um sérkenni íslenskra vega.
Gyða segir augljóst að flestir af erlendu
viðskiptavinunum fái mikið út úr ferð-
inni og leigi sér ekki bíl til að ferðast
innanbæjar heldur til að skoða landið.
„Þeir keyra flestir gríðarlega mikið. Ef
bíll hefur verið leigður í t.d. 10 daga er
algengt að sjá um 350 kílómetra akstur
á dag, að jafnaði. Daglegi aksturinn er
síðan meiri yfir styttri leigutíma,“ segir
hún. „Mig grunar að margir séu búnir
að skipuleggja Íslandsferðina sína lengi
og ætli sér að sjá allt í einni ferð.“
Bílarnir
mikið notaðir
Ásgeir Ingvarsson
ai@mbl.is
Það eru óhætt að kalla Hótel Búðir
sögulega stofnun. „Sumarið 1948
hófst hótelrekstur hérna, og árið
1956 kemur Lóa Kristjánsdóttir til
sögunnar og öðlast hótelið vissa
frægð undir hennar stjórn sem vin-
sæll áfangastaður íslenskrar elítu og
listamanna,“ segir yfirkokkurinn
Pétur Þórðarson sem leysir Helgu
Hrund Bjarnadóttur hótelstjóra af í
barneignarfríi.
Blómaskeið og bruni
„Hótelið var ekki síst þekkt fyrir
veglegar veislur, sem þó fóru fram
án allra vínveitinga enda voru þannig
veigar Lóu ekki að skapi. Árlega var
haldin Búðahátíð og tjaldborg reist í
kringum hótelið,“ segir Pétur sög-
una. Reksturinn lagðist af 1976 en
Rúnar Marvinsson ásamt fríðu föru-
neyti blés nýju lífi í Búðir 1979: „Þá
hefst nýtt blómaskeið og hótelið
verður ekki síst þekt fyrir vandaða
matargerð. Viktor Sveinsson tekur
svo við 1994, og rífur reksturinn aft-
ur upp eftir að hann hafði aðeins
byrjað að dala.“
Það var síðan áfall fyrir alla
þjóðina þegar Hótel Búðir brunnu til
kaldra kola árið 2000. „En fyrsta
skóflustungan að nýrri byggingu var
tekin 2001 og fullur rekstur kominn
af stað sumarið 2003. Þá varð til hót-
el, í raun nýtt konsept, sem hélt í það
besta úr gömlu stemningunni en var í
allt öðrum klassa og enn meira en áð-
ur lagt í þjónustu og matargerð.“
Skiptist til helminga
Aðsókn að hótelinu segir Pétur að
hafi aukist ár frá ári. „Yfir sumartím-
ann má áætla að gestahópurinn
skiptist til helminga í Íslendinga og
erlenda gesti. Yfir vetrartímann er
hótelið síðan mjög vinsæll áfanga-
staður fyrir hópa, hvort sem um er
að ræða árshátíðir eða vinnufundi, og
jafnvel heilu brúðkaupsveislurnar
sem fara hérna fram og spanna
stundum nokkra daga,“ segir hann
en á hótelinu eru 28 herbergi og fer
starfsmannafjöldinn upp í um 25
manns yfir sumarið en niður í u.þ.b.
10 á veturna.
Sveitasælan heillar
Sennilega myndu flestir, sem ætluðu
að hefja hótelrekstur í dag, líta til
höfuðborgarsvæðisins í leit að stað-
setningu. Pétur bendir þó á að Búðir
séu gott dæmi um vel heppnað
sveitahótel og bjóði staðsetningin
upp á ýmsa möguleika: „Gestirnir
koma hingað til að upplifa ró og
kyrrð. Hérna vakir Snæfellsjökullinn
yfir sveitinni og einstaklega fagurt er
um að litast á sumrin. Á veturna má
síðan finna hér fallegustu norður-
ljósin á landinu.“
Veruleg uppbygging og nýsköp-
un hefur átt sér stað í ferðaþjónust-
unni á Snæfellsnesi síðustu ár og
segir Pétur allt sem í boði er á nesinu
styðja hvað við annað. Hann nefnir
sem dæmi ný söfn sem hafa sprottið
upp og nýjungar í þjóðgarðinum. „Þá
hefur verið byggð ný og góð skíða-
lyfta á norðurhlið fellsins. Þar má
reikna með nægum snjó á meðan
jökullinn hverfur ekki, og hver veit
nema hægt verði að byrja fljótlega að
kalla Búðir skíðahótel á veturna.“
Sveitahótelið undir Jökli
 Segir endurbyggt hótelið hafa tekið það besta úr
gamla hótelinu en aukið við gæðin  Íslenskir og er-
lendir gestir u.þ.b. jafnmargir yfir sumartímann
Aðdráttarafl Pétur leikur listir sínar í eldhúsinu en Hótel Búðir hafa frá upphafi verið þekktar fyrir góða matargerð.
Aðsóknin að hótelinu hefur ekki goldið fyrir kreppuna. Pétur segir að
Hótel Búðir hafi eins og önnur fyrirtæki þurft að takast á við ýmsar
uppákomur vegna efnahagsástandsins og það auðveldi ekki rekst-
urinn hvað aðföng hafa hækkað í verði. „Kannski er raunin sú að í
stað þess að fara í helgarferð til Lundúna ákveður fólk að koma hing-
að,“ segir hann. „Stöðug fjölgun er á ferðamönnum um Snæfellsnesið
og einhvern veginn grunar mig að ekki verði þeir færri í sumar á
meðan allt er grátt af ösku fyrir sunnan.“
Markaðsstarfið segir Pétur að sjái að mestu um sig sjálft. „Við stól-
um mikið á orðsporið en minnum auðvitað á okkur reglulega í helstu
fjölmiðlum. Á veturna höfum við t.d. boðið upp á vinsæla helg-
arpakka.“
Ódýrara en Lundúnaferð