Framsóknarblaðið - 20.12.1994, Blaðsíða 5

FRAMSOKN ARBLAÐIÐ
5
„Upplifði alvöru bítlastemmningu
á hljómleikum í Höllinni“
Stutt viðtal við ísólf Gylfa Pálsson, sveitastjóra
ísólfur Gylfi Pálmason, sveitar-
stjóri á Hvolsvelli, annar maður
á lista Framsóknarflokksins í
stuttu viðtali við Framsóknar-
blaðið í Yestmannaeyjum.
ísólfur Gylfi Pálmason, sveit-
arstjóri á Hvolsvelli og annar
maður á lista Framsóknar-
flokksins í Suðurlandskjördæmi
var í heimsókn í Vestmannaeyj-
um á dögunum. Blaðamaður
Framsóknarblaðsins í Vest-
mannaeyjum greip hann glóð-
volgann og lagði fyrir hann
nokkrar laufléttar spurningar.
ísólfur Gylfi veist þú nokkuð
um Vestmannaeyjar?
„Ég veit auðvitað hvar Vest-
mannaeyjar eru því ég sé þær út
um gluggann hjá mér, bæði á
skrifstofunni minni á hrepps-
skrifstofunni á Hvolsvelli sem
og úr stofuglugganum heima. í
gamla daga var ég í sveit í Hall-
geirsey í Austur-Landeyjum og
þaðan mátti sjá bílana í Éyjum í
góðu skyggni. Jón bóndi í Hall-
geirsey talaði líka um Vest-
mannaeyjar með slíkri lotningu,
mér er sagt að Jóna húsfreyja á
Hallgeirsey hafi fyrst manna
komið með tillögu um flugvöll á
Bakka. Það sem meira er ég hef
oft komið til Eyja. Þegar ég var
barn dvaldi ég nokkrum sinnum
í Vestmannaeyjum hjá foreldr-
um Ólafs Friðrikssonar, sem nú
er framkvæmdastjóri Skipalyft-
unnar, þeim Friðriki Erlendi
Ólafssyni og Margéti Sighvats-
dóttur á Breiðabliksveginum.
Þar upplifði ég fyrir alvöru bítla-
stemmninguna á hljómleikum í
Höllinni með Logum. Svo ég
haldi nú áfram að stríða þér svo-
lítið af því að þú spurðir svona,
þá hef ég nú reyndar kennt hér á
verkstjóranámskeiði á vegum
Sjávarútvegsráðuneytisins, fyrir
utan að taka þátt í Þjóðhátíð á
yngri árum, ég spilaði reyndar á
böllum hérna í gamla daga, svo
ekki sé talað um þáttöku í glæsi-
legasta íþróttaviðburði með syni
mínum, Skeljungsmótið
(Tommamóti) árið 1989. Þá
bjuggum við í Reykjavík þar
sem ég var starfsmannastjóri hjá
KRON og Miklagarði og tók
þátt í íþróttastarfi Fylkis í
Árbæ. Þannig að þú sérð nú að
reynsla mín af Vestmannaeyjum
er býsna fjölbreytt og sérlega
ánægjuleg."
Hefur þú kennt á námskeið-
um í frystihúsum, veist þú nokk-
uð um sjó og sjávarútveg?
„Eins og þú veist e.t.v. starf-
aði ég lengi sem kennari. Ég
kenndi meðal annars í Ólafsvík,
en þar kynntist ég reyndar minni
ágætu konu, Steinunni Ósk Kol-
beinsdóttur. Hún er einmitt
uppalin í Ólafsvík þó að hún sé
fædd í Þykkvabænum. Þar
kynntist ég sjómennskunni lítils-
háttar, varð m.a. svo frægur að
vera um tíma kokkur á Fróða
SH 15. Það sem kom flestum á
óvart var að áhöfnin lifði úthald-
ið af, þetta voru hinir sprækustu
karlar og höfðu svolítið gaman
af að stríða kennaraskinninu
sem sá um matseldina. Ég hafði
að sjálfsögðu gott og gaman af
lífinu í Ólafsvík. Seinna kenndi
ég við Samvinnuskólann á
Bifröst og út frá starfi mínu þar
fór ég að kenna á fiskvinnslu-
námskeiðum, fyrst á Akranesi
og síðar vítt og breitt um landið.
Ég kenndi einnig á vegum
Framleiðni h/f þegar verið var
að taka flæðilínur í notkun á
Norðurlandi og reyndar víðar.
Kennslan í frystihúsunum er
allra skemmtilegasta kennsla
sem ég hef tekið þátt í. Ég á
nokkra kunningja sem standa í
útgerð og fiskvinnslu og geri
mér að sjálfsögðu glögga grein
fyrir mikilvægi atvinnugreinar-
innar og er reyndar mjög hrifinn
af þeirri framþróun sem hefur
átt sér stað á fiskvinnslu hér á
síðustu misserum. Það er t.d.
merkilegt að með tilkomu flæði-
línunnar hafa afköst aukist, nýt-
ing og starfsaðstaða batnað og
laun starfsmanna hækkað.
Þarna eru samverkandi þættir
bæði starfsfólki og eigendum
fyrirtækja til góðs. Það er gam-
an að hafa tekið þátt í þessari
þróun.“
Hvert er mál málanna í kom-
andi kosningum?
„Atvinnumálin eru og verða
mál málanna í komandi kosn-
ingum. Ég hef verið þeirrar
gæfu aðnjótandi að taka þátt í
atvinnubyltingu sem hefur átt
sér stað á Hvolsvelli sem og í
héraðinu í heild. Það var þegar
kjötvinnsla Sláturfélagsins flutti
á Hvolsvöll úr Reykjavík. Það
má líkja þessu við byltingu. Ég
notaði oft þau rök að það þætti
ekki búmannlegt af Vestmanna-
eyjingum að flytja allan afla
óunninn og láta vinna hann í
Reykjavík, en það var einmitt
þannig sem þetta gerðist í kjötv-
innslunni á Suðurlandi fyrir
flutning vinnslunar á Hvolsvöll.
Eftir flutningin er atvinnuleysi á
Hvolsvelli hverfandi. Atvinnu-
leysi er ein mesta vá sem yfir
getur dunið. Því það dregur
kjark og kraft úr henni. Leiðir
af sér hverskonar óværu, afbrot
og auðnuleysi. Sú ríkisstjórn
sem situr hefur bæði verið dug-
laus og dáðlaus í þessum efnum
sem og mörgum öðrum. Nú er
svo komið að það eru meiri
afskriftir í atvinnusköpun en
uppbygging. Þannig að hjólin
snúast öfugt. Þetta er hræðilega
neikvæð þróun sem nauðsynlega
þarf að snúa við. Skattsvik eru
alltof almenn í landinu. Talið er
að 11 milljarðar liggi í skattsvik-
um en sú upphæð dugir til þess
að stoppa upp í fjárlagagatið.
Skuldir heimilanna, húsnæðis-
mál o.fl. málaflokkar sem tengj-
ast félagsmálaráðuneytinu eru í
lamasessi. Margt fleira mætti
nefna t.d. heiðarleika stjórn-
málamanna.“
Að lokum ísólfur hvað gerir
þú um jólin?
„Jólin eru tími kyrrðar og
friðar hjá mér. Ég fer alltaf í
kirkju nokkrum sinnum um
jólin, les áhugaverðar bækur og
leik mér við krakkana mína sem
eru fjögur: sex, átta, tíu og
fimmtán ára. Ég óska Vest-
mannaeyjingum gleðilegra jóla
með von um gott samstarf og
gjöfult ár.“
HELGIHALD í LANDAKIRKJU
Á JÓLUM OG ÁRAMÓTUM 1994
Aðfangadagur 24. des.:
18:00 Aftansöngur
23:30 Söngur á jólanótt
Jóladagur 25. des.:
14:00 Hátíðarguðsþjónusta
-Lúðrasveit Vestmannaeyja leikur jólalög í kirkjunni
frákl. 13:30.
Annar í jólum 26. des.:
14:00 Skírnar- og fjölskylduguðsþjónusta
15:15 Hátíðarguðsþjónusta á Hraunbúðum
16:00 Helgistund á Sjúkrahúsi Vestmannaeyja
Föstudagur 30. des.:
14:00 Jólaball Landakirkju
Gamlársdagur 31. des.:
18:00 Aftansöngur
Nýársdagur 1. janúar:
14:00 Hátíðarguðsþjónusta með altarisgöngu.
Sóknarnefndarmaður stígur í stólinn.
Einleikur á fiðlu: Vera Steinsen
JOLADAGSKRA I BETEL
Aðfangadagur:
18:00 Aftansöngur
Jóladagur:
16:00 Hátíðarsamkoma
2. jóladagur:
16:30 Vakningasamkoma
29. desember:
16:00 Jólafagnaður barnanna
Gamlársdagur:
18:00 Þakkargjörðarsamkoma
Nýársdagur:
16:30 Hátíðarsamkoma
Betelsöfnuðurinn óskar öllum Guðs blessunar
yfir hátíðirnar og farsældar á nýju ári.
SAMKOMUR í AÐVENTKIRKJUNNI
YFIR HATIÐIRNAR: Aðfangadagur: Gamlársdagur:
10:00 Biblíurannsókn 10:00 Biblíurannsókn
Jóladagur: 11:00 Guðsþjónusta
14:00 Jólaguðsþjónusta
Sendum Vestmannaeyingnm besiu óskir nm
gleðilegjól
og farsæ/t komandi ár
Þökkum samskiptin á liónu ári
Prentsmiðjan Eyrún
Sendum starfsmönnum okkar og
viðskiptavinum bestu óskir um
GLEÐILEG JÓL
og farsælt komandi ár
með þökk fyrir viðskiptin