Morgunblaðið - 10.02.2011, Side 19

MINNINGAR 19
MORGUNBLAÐIÐ FIMMTUDAGUR 10. FEBRÚAR 2011
✝ Frímann Jóns-son, fv. for-
stjóri, fæddist á
Eyrarbakka 21.
júní 1913. Hann
lést í Sóltúni í
Reykjavík 19. jan-
úar 2011. For-
eldrar hans voru
Jón Sigurðsson,
verslunarmaður, f.
12.11. 1876, d. 6.11.
1918, og Jóna Kar-
en Frímannsdóttir,
húsmóðir, f. 2.6.
1887, d. 3.1. 1966.
Bræður hans voru: 1) Sigurður,
flugmaður, f. 18.2. 1910, d. 22.8.
1986, 2) Þorvaldur, prentmynda-
smiður, f. 25.12. 1916, d. 9.1.
1993.
Þann 15. október 1938 kvænt-
ist hann Rósu Ágústu Vigfús-
dóttur, f. 28.9. 1916, d. 4.3. 1977.
er Fylkir De Jong, 2) Vilhelm
Frímann, rafeindavirkjameist-
ari, f. 31.1. 1949, kvæntur Hildi
Gísladóttur, leikskólastjóra, f.
11.2. 1951. Börn þeirra eru: a)
Anna Rún, f. 30.3. 1976, gift
Magnúsi Kristjánssyni, þeirra
börn eru: 1) Daníel Hugi, 2) Birta
Dís, 3) Kristján Máni, b) Frímann
Örn, f. 11.5. 1982, í sambúð með
Eddu Björt Edwinsdóttur, þeirra
sonur er Snævar Þór.
Frímann fluttist með for-
eldrum sínum til Reykjavíkur
þriggja mánaða gamall og bjó á
bernskuárum sínum í Póst-
hússtræti 13. Hann gekk í Landa-
kotsskóla og síðar í Mennta-
skólann í Reykjavík. Hann vann
alla sína starfsævi hjá Ísaga hf.
en þar hóf hann störf sem sendill
16 ára gamall en síðar gegndi
hann forstjórastöðu eða þar til
hann lét af störfum, 77 ára að
aldri.
Útför Frímanns fór fram frá
Dómkirkjunni í Reykjavík í kyrr-
þey 4. febrúar 2011.
Foreldrar hennar
voru: Vigfús Guð-
brandsson, f. 5.8.
1883, d. 13.7. 1963,
og María Sigurð-
ardóttir, f. 9. nóv.
1886, d. 22.6. 1936.
Börn Frímanns og
Rósu eru: 1) María,
f. 22.6. 1940, gift
Baldri Ólafssyni, f.
14.5. 1940. Börn
þeirra eru: a) Rósa
Kristín, f. 28.1.
1963, hennar börn
eru: 1) Andri, hans
dóttir er Bergþóra Hildur, 2)
Baldur, 3) Hjörtur, 4) Árni, 5)
Lilia María Giovanna, b) Ólafur
Björn, f. 30.7. 1965, í sambúð
með Grímu Eik Káradóttur,
þeirra sonur er Kári Freyr. Fyrir
á Ólafur Björn þau Emil Örn og
Ölmu Maríu. Sonur Grímu Eikar
Elsku afi.
Þá er víst komið að kveðjustund.
Lífsljós þitt hefur slökknað eftir
langan farinn veg. Við tímamót,
flögrar hugurinn svo víða. Það eru
víst ekki allir svo heppnir að eiga afa
í 45 ár, en það gerði ég, og það bara
þig því afi Ólafur dó á fæðingarári
mínu. Fyrstu ár bernsku minnar
minnist ég þín og ömmu sem svo
órjúfanlegrar heildar og fallegrar
myndar af ljúfri æsku minni. Þið
amma áttuð ykkur svo notalegt kot
við Elliðavatn, og þangað kom ég oft
með pabba og mömmu um helgar í
heimsókn til ykkar. Þú varst oft og
iðulega úti á hlaði eitthvað að
bjástra. Ef það var ekki við að bóna
bílinn, þá var alltaf eitthvert dútl í
gangi við litla kotið. Amma sat í
minningunni inni í stofu við
gluggann sinn og lagði kapal. Ég
skottaðist nú yfirleitt frekar úti með
þér, og ef ég var duglegur að hjálpa
þér við eitthvert lítilræði, þá laum-
aðirðu hendi þinni iðulega í vasann,
og upp kom dýrindismoli. Afi átti
alltaf suðusúkkulaði. Ef eitthvað var
fast í hendi hjá afa, þá voru það leð-
urhanskarnir í hanskahólfinu og
suðusúkkulaðistykki.
Þú og amma eigið svo fallega
mynd í hjarta mér á jólunum. Ég sé
það alltaf fyrir mér þegar þið komuð
inn á planið hjá blokkinni okkar,
lögðuð bílnum og komuð klyfjuð
pökkum í litla íbúð pabba og
mömmu í Álftamýrinni. Þetta eru
fallegustu og bestu minningarnar
sem ég á um jólin. Þegar amma dó,
er ég eitthvað í kringum 10 ára gam-
all. Þá hrundi heimurinn. Ekki bara
hjá mér og pabba og mömmu og öðr-
um ættingjum heldur líka hjá þér,
afi. Ég held að þú hafir aldrei orðið
samur maður. Það var einhvern veg-
inn eins og einhver neisti slökknaði í
hjartanu þínu, og hugurinn var svo
oft í burtu hjá þér. Þessu fann ég
fyrir allar götur síðan. Kannski
gerði það að verkum, að við áttum
síðar meir eftir að fjarlægjast hvor
annan, en hugur okkar beggja var
örugglega hjá hinum alla tíð í súru
og sætu.
Mér þótti alltaf fjarska vænt um
þig, afi minn, þótt þú værir ekki allt-
af sammála mér og ég þér. Báðir
stoltir og þrjóskir. Ég var líka
Frammari, en þú harður Valsari.
Það var gott að vinna hjá þér í Ísaga,
og þú hafðir þá skynsemi til að bera
að hygla mér ekkert umfram hina
strákana þar. Það átti bara eftir að
gera mér gott til framtíðar.
Afi var heilsteyptur maður að
mínu viti. Snyrtimenni í hvívetna og
hafði yfir sér fas hefðarmanns, sem
margir báru mikla virðingu fyrir. Þú
varst lítillátur og barst aldrei á.
Nægjusemi þín var einstök, og lýsti
sér svo vel í því hvernig þú bjóst í
hálfa öld í blokkinni við Álfheima.
Margur maðurinn í þinni stöðu hefði
látið berast meira á. Þú varst bara
skynsamur. Er ekki sagt:
Lítillátur, ljúfur og kátur,
leik þér ei úr máta.
Varast spjátur, hæðni, hlátur;
heimskir menn sig státa.
(Hallgrímur Pétursson)
Mér finnst þessi texti lýsa þínum
karakter svo vel. Nú er langri ævi
þinni lokið og er ég handviss um að
þú sért kominn í fangið á ömmu á
ný. Ég sé fyrir mér brosið ykkar
hlýja, og ömmu umvefja þig kær-
leika á nýjum og betri stað. Þakka
þér fyrir allt, afi minn, og guð blessi
þig og geymi í eilífðinni.
Þinn
Ólafur Björn (Óli).
Elsku besti afi minn.
Síðustu dagar hafa reynst mér
erfiðir. Þegar pabbi hringdi í mig til
að segja mér að þú værir orðinn
rúmliggjandi og alvarlega veikur,
grunaði mig ekki að þú ættir svona
stutt eftir eða öllu heldur neitaði ég
að trúa því. Ég henti öllu frá mér og
brunaði til þín og brá mikið að sjá
þig í þessu ástandi. Einungis örfáum
dögum áður komum við fjölskyldan í
heimsókn til þín og þá sastu í salnum
með vinum þínum og naust þess að
spila bridge við fallega græna spila-
borðið þitt. Þegar ég hélt í hönd þína
og kyssti þessi síðustu andartök
fann ég fyrir ótta og hræðslu, hvern-
ig yrði lífið án þín? En þú valdir þér
fallega stund og stað til að kveðja,
umvafinn ást og umhyggju þinna
nánustu sem fylgdu þér alla leið. En
mikið var erfitt að sleppa af þér tak-
inu, afi minn, og á huga minn leita
nú ótal minningar.
Ég var ekki ýkja há í loftinu þegar
ég fékk að fara með pabba í fyrstu
ferðina af mörgum út á Keflavík-
urflugvöll til að taka á móti þér þeg-
ar þú komst frá Spáni en þangað
fórstu oft á ári. Með litla nebbann
klesstan upp við rúðuna, rýndi ég út
í myrkrið til að sjá þig koma úr flug-
vélinni og þegar loks glitti í þig rauk
ég af stað til að knúsa þig. Alltaf
komstu heim með pakka sem gladdi
lítið stelpuskott og held ég mikið
upp á kjólana, plöturnar og hina
ýmsu muni sem þú gafst mér. Ég
man það svo ljóslifandi þegar þú
kenndir mér að dansa fugladansinn í
stofunni í Álfheimunum, eftir ferð-
unum okkar niður á Tjörn að gefa
öndunum og ísbíltúrunum þar sem
fróðleikur um staðhætti borgarinnar
fylgdi alltaf með í kaupbæti. Ég man
líka þegar ég gisti hjá þér og í há-
deginu daginn eftir bauðstu mér á
uppáhaldsveitingastaðinn minn, mér
leið eins og sannri prinsessu.
Þegar ég óx úr grasi og flutti að
heiman gerðum við með okkur þegj-
andi samkomulag um að viðhalda
okkar einstöku vináttu og þegar
Maggi kom inn í líf mitt urðuð þið
strax mestu mátar. Þið gátuð enda-
laust rætt um boltann og pólitíkina
enda báðir miklir áhugamenn um
málefni líðandi stundar. Þú varst
hafsjór af fróðleik, það var hægt að
fletta upp í þér eins og alfræðiriti og
aldrei stóð á svari eða ítarlegum út-
skýringum. Þú unnir í senn tónlist
og bókmenntum, þá sérstaklega
verkum Halldórs Laxness, hafðir
einstaklega fallega bassarödd og
mikla kímnigáfu. Þú varst rígmont-
inn langafi og lifnaðir allur við í ná-
vist langafabarna þinna sem sakna
þín nú afar sárt. Þú fylgdist vel með
okkur öllum og varst með allt á
hreinu. Ég veit að nú hefur þú feng-
ið hvíldina, elsku afi minn, og ert án
efa kominn í faðm ömmu eftir lang-
an aðskilnað.
Afi minn kær, þig kvaddi ég blítt
og óskaði góðrar ferðar.
Ég kyssti þitt enni og andlitið frítt
hélt í hendi og strauk þér um herðar.
Þú fórst vel með lífið og lífið með þig
þig einkenndi dugur og elja.
Minning um þig að hugsa um mig
af mörgu er að taka og velja.
Haf þökk fyrir fróðleikinn, faðmlagið
hlýtt
allan þinn stuðning og hlýju.
Í englanna borg haf það nú blítt
uns hittumst við aftur að nýju.
(A.R.)
Þín afastelpa,
Anna Rún.
Frímann Jónsson
HINSTA KVEÐJA
Elsku langafi.
Það var gaman að eiga
skemmtilegar stundir með þér.
Og það var skemmtilegt þegar
þú dansaðir ballett með mér,
langafi. Ég sakna þín og vona
að þú hafir það mjög gott.
Þín
Birta Dís.
Elsku besti langafi.
Þú hefur alltaf verið góður og
skemmtilegur við mig. Stund-
um þegar ég kom í heimsókn
sagðir þú mér skemmtilegar
sögur frá því þegar þú varst lít-
ill. Þegar ég var lítill vorum við
alltaf að skylmast, ég með
sverðinu mínu og þú með stafn-
um þínum – það var alltaf jafn
skemmtilegt. Þú kenndir mér
margar aðferðir til að reikna
stærðfræðidæmi og þú spurðir
mig alltaf þegar ég kom til þín
hvernig mér gengi í skólanum
og fótboltanum. Þú varst alltaf
flottur karl. Takk fyrir allar
þessar stundir. Ég sakna þín
mjög mikið.
Þinn
Daníel Hugi.
50% afsláttur
af legsteinum
úr íslensku blágrýti
Sendum myndalista
MOSAIK Hamarshöfða 4 - 110 Rvk
sími 587 1960 - www.mosaik.is
✝
Ástkær móðir mín, tengdamóðir og amma,
KLARA ÞORLEIFSDÓTTIR,
Teigaseli 9,
Reykjavík,
lést á heimili sínu sunnudaginn 30. janúar.
Útförin fer fram frá Fossvogskirkju föstudaginn
11. febrúar kl. 13.00.
Þorleifur Jónsson, Halldóra Andrésdóttir,
Andrés Þorleifsson,
Hjalti Þorleifsson.
✝
Faðir okkar,
GUÐMUNDUR RUNÓLFSSON
skipstjóri og útgerðarmaður,
Hrannarstíg 18,
Grundarfirði,
er andaðist þriðjudaginn 1. febrúar, verður jarð-
sunginn frá Grundarfjarðarkirkju laugardaginn
12. febrúar kl. 14.00.
Runólfur Guðmundsson,
Kristján Guðmundsson,
Páll Guðfinnur Guðmundsson,
Ingi Þór Guðmundsson,
Guðmundur Smári Guðmundsson,
Svanur Guðmundsson,
María Magðalena Guðmundsdóttir,
Unnsteinn Guðmundsson.
✝
Ástkær faðir okkar, tengdafaðir, afi og langafi,
SNORRI ÁRNASON,
andaðist á hjúkrunarheimilinu Ási, Hveragerði,
þriðjudaginn 1. febrúar.
Útförin fer fram frá Akraneskirkju föstudaginn
11. febrúar kl. 14.00.
Guðrún Snorradóttir,
Þuríður Árný Snorradóttir, Steinar Gunnbjörnsson,
Erla Hrönn Snorradóttir, Jóhann Steinsson,
Árni Ómar Snorrason, Sigurlaug Ingvarsdóttir,
barnabörn og barnabarnabörn.
✝
Ástkær eiginmaður minn, faðir okkar, tengdafaðir
og afi,
VALDIMAR Þ. K. ÞÓRÐARSON,
Álfheimum 54,
Reykjavík,
lést á gjörgæsludeild Landspítalans Fossvogi
fimmtudaginn 3. febrúar.
Jarðarför fer fram frá Grafarvogskirkju mánudaginn
14. febrúar kl. 14.30.
Þeim sem vilja minnast hans er bent á líknarfélög.
Erla S. Guðmundsdóttir,
Sigrún E. Valdimarsdóttir, Birgir S. Jóhannsson,
Þórður Valdimarsson,
Tryggvi Þór Valdimarsson
og barnabörn.
✝
Elskuleg móðir okkar, tengdamóðir, amma og lang-
amma,
KATHINKA KLAUSEN,
Stóragerði 10,
Reykjavík,
andaðist á hjúkrunarheimilinu Eir mánudaginn
7. febrúar.
Útför hennar fer fram frá Bústaðakirkju fimmtu-
daginn 17. febrúar kl. 13.00.
Arnfinnur U. Jónsson,
Herdís Jónsdóttir, Jón Hallgrímsson,
Jón Ragnar Jónsson, Birna Þorvaldsdóttir,
Ingólfur Þ. Jónsson, Dagný Guðmundsdóttir,
Friðrik J. Klausen, Gréta Guðmundsdóttir,
barnabörn og barnabarnabörn.