Morgunblaðið - 14.04.2011, Qupperneq 8

8 14. apríl 2011finnur.is
Ekki myndu allir hafa þann kjark
sem þarf til að fara úr þægilegu
verkfræðingsstarfi til að elta
draum um að smíða skartgripi – og
það í miðri kreppu. Steinunn Vala
Sigfúsdóttir leyfði hins vegar hjart-
anu að ráða og hefur ekki séð eftir
því eitt augnablik, en skart-
gripahönnun hennar hefur vakið
verðskuldaða athygli og fengið
mjög góðar viðtökur.
„Þetta hafði brotist um í mér
mjög lengi. Annars vegar hef ég
alltaf haft mikla ástríðu fyrir list og
sköpun en vildi líka læra eitthvað
krefjandi og velja öruggu leiðina,“
segir Steinunn.
„Ég ætlaði í gullsmíðanám eftir
stúdentsprófið en gekk illa að kom-
ast á samning svo það varð úr að
ég fór í verkfræði í Háskólanum.
Ég sá námið sem skynsamlegan
kost og leið til að halda öllum
möguleikum opnum, en hélt samt
áfram að sækja samhliða nám við
Myndlistaskólann í Reykjavík.“
Vatt hratt upp á sig
Steinunn endaði hjá arkitekta-
stofu en þegar verkefnum fór að
fækka á árinu 2008 tók hún þá
ákvörðun að söðla um. Hún skellti
sér í diplómanám við Listaháskóla
Íslands og árið 2009 seldi hún sinn
fyrsta skartgrip. „Fyrsti hring-
urinn varð til í febrúar það ár og
um vorið hafði ég fangað áhuga
verslana eins og Epals, Kraums og
Mýrarinnar. Smám saman vatt
þetta allt upp á sig og nú er ég bú-
in að stofna fyrirtæki með nokkrar
stelpur í hlutastarfi og í febrúar
tók ég þátt í minni fyrstu al-
þjóðlegu sýningu á tískuvikunni í
Kaupmannahöfn.“
Það verður að teljast aðdáun-
arvert hvernig Steinunn hefur látið
það eftir sér að láta draumana ræt-
ast. Hún kveðst skilja mjög vel að
fólk sé hrætt við að taka stökkið,
enda fylgi því alltaf áhætta og fyrir
marga geti verið erfitt stíga svona
skref þegar efnahagsástandið er
slæmt. Sjálf var Steinunn með barn
á leiðinni þegar hún tók stefnuna á
skartgripagerðina en á móti kemur
að maður hennar er með sæmilegar
tekjur og fjölskyldan hafði sloppið
frá verstu áhrifum kreppunnar.
„Við vorum ekkert sérstaklega
illa stödd fjárhagslega, en ég man
samt að þegar ég fór fyrst að verða
vör við verkefnaskort á teiknistof-
unni hafði ég strax samband við
Álafoss og sótti um að fá að prjóna
peysur. Ég hugsað með mér að ef
allt færi á versta veg þá gæti ég í
það minnsta drýgt tekjurnar á
ágætan hátt.“
Skiptir máli að hafa ástríðu
En Steinunn segir það hafa verið
mikið gæfuskref að leggja verk-
fræðina á hilluna. Það sé allt annað
að fást við það sem maður hefur
ástríðu fyrir. „Ég hefði kannski
aldrei orðið neitt stórfenglegur
verkfræðingur. Ég get ekki sagt að
ég hafi varið öllum mínum frí-
stundum í lestur um verkfræðileg
undur,“ segir hún hlæjandi.
„Skartgripagerðin er hins vegar
eitthvað sem ég gleymi mér al-
gjörlega í. Fyrst um sinn var ég
örugglega að vinna þrefalt lengri
vinnudag en á teiknistofunni, en ég
tók varla eftir því þó að ég væri að
fram á nótt, ólétt við smíðaborðið
að gera hringa og hálsmen.“
Steinunn segir líka miklu auð-
veldara að skara fram úr og ná ár-
angri þegar maður fæst við það
sem maður hefur virkilega gaman
af. „Þá kemst maður ekki hjá því
að pæla í viðfangsefninu allar vöku-
stundir, er með brennandi áhuga
og nánast óþrjótandi vinnukraft.
Svo líklega er það minni áhætta en
fólk gjarnan telur að fylgja draum-
um sínum og gera það sem maður
hefur ástríðu fyrir að starfi sínu.“
Nú er svo komið að skart-
gripaframleiðslan veitir Steinunni
ágætar tekjur og hún kveðst líka
mjög ánægð með að hafa tekist að
skapa atvinnu fyrir það íslenska
handverksfólk sem hún starfar
með. Gripirnir hennar vöktu at-
hygli á sýningunni í Kaupmanna-
höfn og þónokkur útflutningur
framundan.
www.hringeftirhring.is
ai@mbl.is
Steinunn Vala Sigfúsdóttir vék úr verkfræðinni og helgar sig skartgripagerð
Með ástríðu
fyrir list
og sköpun
Morgunblaðið/Kristinn
„Pæli í viðfangsefninu allar vökustundir,“ segir Steinunn Vala Sigfúsdóttir skartgripahönnuður á vinnustofu sinni.
Fallegir listmunir. „Skartgripagerðin er eitthvað sem ég gleymi mér algjörlega í,“
segir Steinunn, en hún lét drauminn rætast er hún hóf listmunasmíði.
Skarpgripir Steinunnar Völu eru fal-
legir og gerðir af meistarhöndum.
Glöggir lesendur ættu að
kannast við Steinunni Völu
sem í fimm ár gegndi hlut-
verki stigavarðar í Gettu
betur, spurningakeppni
framhaldsskóla í Sjónvarp-
inu.
Hún segist samt varla
geta kallast fræg fyrir það
starf. „Ég fann reyndar
stundum fyrir því, helst á
meðan keppnin stóð yfir, að
fólk veitti mér eftirtekt úti á
götu.
Svo fjaraði sú athygli
fljótt út eftir því sem lengra
leið frá útsendingum.
Reyndar fæ ég enn, við og
við, vinalegar kveðjur frá
ókunnugu fólki sem ég
mæti á förnum vegi, og mig
grunar að það haldi að ég
sé kannski fjarskyld frænka
því það kemur ekki alveg
fyrir sig af hverju andlitið er
svona kunnuglegt,“ segir
Steinunn og kveðst hafa
mjög gaman af þessum
kveðjum.
„Ég er líka hvort eð er
þannig upp alin að ég reyni
að heilsa öllum sem ég
mæti og þykir það góður
siður.“
Fjarskyld
frænka?
Til leigu eða sölu
atvinnuhúsnæði í Vatnagörðum
Albert og Domusnova kynna:
Vel staðsett atvinnuhúsnæði í Vatnagörðum 12
Domusnova fasteignasala - Turninum 12 hæð - 201
Kópavogur - Sími 527 1717 - Axel Axelsson löggiltur
fasteignasali
Góð bílastæði og mikið útisvæði, einnig er aðkoman afar góð.
GOTT AUGLÝSINGAGILDI. Húsnæðið skiptist í 568,3 fm vinnslusal með 7-8 metra
lofthæð, tvennar stórar innkeyrsludyr ásamt tveimur minni innkomudyrum. Í austur-
endanum er milliloft með ca. 126,2 fm rými uppi með þremur skrifstofum, opnu rými
og salerni. Auðvelt er að leigja þessa einingu út sér. Neðri hæðin, sem er 135,8 fm
er í austurenda en þar er verslunarrými með steinteppum og góðum gluggum, tvær
skrifstofur, kaffistofa með góðri aðstöðu, snyrting og ræstikompa. Hluti eignarinnar
(484,6 fm) er í góðri langtímaleigu en heildareignin er samtals 1314,9 fm. Byggingar-
möguleikar á lóðinni. Eignin var tekin í gegn fyrir 3 árum. Leiguverð er 1.000.- pr fm.
Ásett verð er 173,8 millj. kr.
LAUST VIÐ SAMNING EÐA EFTIR NÁNARA SAMKOMULAGI.
Allar nánari upplýsingar veitir Albert Bjarni Úlfarsson
í síma 821 0626 eða á albert@domusnova.is