Forsetaval - 20.06.1968, Blaðsíða 4

Forsetaval - 20.06.1968, Blaðsíða 4
PORSETAVAL HRÓLFUR INGÓLFSSON, bæjarstjóri, Seyðisfirði. Valið er auðvelt Þrítugasta þessa mánaðar kýs þjóðin forseta lýðveldisins. Tveir þjóðkunnir menn eru í kjöri, báðir vel giftir. Annar frambjóð- andinn, dr. Gunnar Thoroddsen, hsfur verið virkur stjórnmála- maður í 30—35 ár, en hinn, dr. Kristján Eldjárn, er þekktur emb- ættismaður og fræðimaður. Ejg held, að enginn heilvita maður efist um það í .alvöru, að báðir frambjóðendurnir séu hæfir til þess að gegna embætti forseta ís- lands, og konur þe;rra séu einnig mjög hæfar forsetafrúr. Þetta finnst mér einfaldlega sannast á því mikla fylgi, sem vitað er, að báðir frambjóðendurnir hafa. ForEetinn er þjóðhöfðingi Islands, sameiningartákn þjóðar- innar. Þá vaknar sú spurning, hvort maður, sem staðið hefur í fremstu víglínu í stjórnmálabar- áttunni í meira en þrjá áratugi, sé líklegri til að verða samein- ingartákn þjóðarinnar en hinn, sem aðeins er þekktur af frið- sömu starfi sínu og mannkostum. Fyrir mitt leyti tel ég ekki æski- legast, að umdeildir stjórnmála- menn séu kjörnir í hið' virðulega embætti forseta Islands. Hitt tel ég tvímælalaust gæfulegra, að kjósa mætan mann, gáfaðan og vel menntaðan eins og við eigum nú kost á, þar sem dr. Kristján Eldjárn er í framboði. Við kosn- ingar í fámennum þjóðfélögum, eins og hinu íslenzka, blandast ýnrskonar tilfinningar alloft rök- unum, og er ekkert við því að segja eða gera. Þetta kemur nú meðal annars greinilega fram í stuðningsblöðum forsetaefnanna. SIGURÐUR BLÖNDAL, skógarvörður, Hallonnsstað: Tdhn þess sem íslenzht er Því er nú ákaflega haldið fram af ýmsum talsmönnum í yfir- standandi baráttu vegna forseta- kjörs, að forseti þurfi að hafa verið stjórnmálamaður og gjarn- an lögfræðingur líka. Sendiherra- starf erlendis er talið bæta hæfn- ina enn frekar, því að þar hafi menn iært hvernig umgangast skuli höfðingja. Þegar völ er á forsetaefni, sem ekki hefur þennan bakhjarl, en unnið hefur að íslenzkri menning- arstarjsemi, þá tel ég það bak- hjarl, sem betri er fyrir forseta- starf þessarar smáþjóðar heldur en æfing í iagakrókum, stjórn- málaerjum og veizluhöldum. Að mínum dómi er Kristján Eídjárn hinn sterki frambjóðandi vegna starfsferils síns, — auk þess sem hann er auðvitað búinn þeim beztu mannkostum, sem mann mega prýða, það get ég dæmt um af persónulegri kynn- ingu. Eins og forsetaemb- ætti okkar er háttað, er for- ustumaður úr harðri stjórnmála- baráttu óvænlegri sem einingar- tákn heldur en menningarfrömuð- ur, ssm aldrei hefur flækzt í net stjórnmáianna. Manni, sem dval- izt hefur í utanríkisþjónustu um árabil, hættir fremur til að gleyma því hver smáþjóð við er- um, heldur en þeim, sem unnið hefur kyrrlátt fræðimannsstarf — og hann mun eiga erfiðara með að m'ða umsvif forsetaembættis- ins við það. Kristján Eldjárn er öðrum fremur tákn þess sem íslenzkt er sakir stöðu sinnar og menntunar, og hann er einnig maður hófsem- innar í skaphöfn og framferði. Gerum hann að næsta forseta Is- iands. Blað stuðningsmanna Gunnars Thoroddsens, Þjóðkjör, fór ekki illa af stað, en framhaldið hefur orðið lakara, enda hafa tvö síð- ustu blöðin, sem ég hef séð, eins mikið verið alls konar nart út í Kristján Eldjárn eins og hrós um Gunnar Thoroddsen. Blað stuðn- ingsmanna Kristjáns Eldjárns, — 30. júní — hefur enn ekki hafið neinar árásir á Gunnar Thorodd- sen. Líkar mér það mjög vel og vona, að þeirri stefnu verði hald- ið óbreyttri. Við skulum eftirláta Þjóðkjöri allt slíkt. Það verður. leiðinlegt fyrir aðstandendur þess blaðs að hafa staðið fyrir slíkum skrifum um dr. Kristján Eldjárn, þegar hann verður orðinn forseti ís.ands, en það verður hann, ef allar þær þúsundir kvenna og manna, ungra og aldinna úr öll- um stéttum og stjdrnmálaflokk- um, sem nú þegar hafa ákveðið að styðja hann, vinna ötullega að kosningu hans, mnz sigur er unn- nn. SIGURÐUR Ó. PÁLSSON, skólastjóri, Borgarfirði: Valið og völundarhúsið Það hefur lengi legið í loftinu, að dr. Gunnar Thoroddsen hyggði á framboð til forsetakjörs, er tengdafaðir hans léti af því emb- ætti, jafnvel allt frá árinu 1952. Kom því framboð hans engum á óvart. Hitt vissu menn einnig, að ýmsir mætir menn höfðu um nokkra hríð haft til þess sterkan hug að dr. Kristján Eldjárn gæfi e'nnig kost á sér til að gegna þessu virðulega embætti. Engu að síður kom það mönnum skemmti- lega á óvart, er í ljós kom, að hann hafði orðið við þessum ein- dregnu áskorunum. Allir vita, að eftir þessu framboði hafði hann ekki sótzt. Sannast hér enn einu sinni, að oft eru hæfustu menn- irnir til virðingarstarfa tregari en annað fó'k til að taka þau að sér. Er og jafnan skynsamlegt, að gjalda nokkurn varhug við þeim mönnum, sem af eigin hvötum sækjast mjög eftir virðingarstöð- um. Kosningabaráttan hefur nú staðið um hríð og línurnar nokk- uð teknar að skýrast. Stuðnings- menn beggja aðila hafa gefið út blöð þeim til stuðnings. Élj hef mjög orðið þess var, að sérstaka athygli hefur vakið manna á með- al, af hvílíkri hófsemi stuðnings- menn dr. Kristjáns Eldjárns flytja mál sitt í blaði sínu, 30. júní og hversu mjög sá málflutn- ingur stingur í stúf við skrifin í Þjóðkjöri. Éig vil því eindregið hvetja menn til að lesa þessi blöð, bæði tvö, og dæma síðan um það sjálf;r hvor hópurinn muni berj- ast með betri samvizku. Stuðningsmenn Gunnars Thor- oddsens reyna að gera sem mest úr þeim litlu afskiptum, sem dr. Kristján Eldjárn hefur haft af stjórnmálum, en þau eru, eins og alþjóð veit, litlu meiri en afskipti hins almenna þjóðfélagsþegns af þessum málum. Jafnframt þessu halda þeir því fram, að forsetinn þurfi að vera þaulkunnugur „völ- undarhúsi stjórnmálanna". Af þessari röksemdafærslu verður ekki annað ráðið, en þeir séu að varpa ljósi yfir þau störf dr. Kristjáns, sem þeir telja mikils- verðust fyrir forsetaefnið, og þar með mæla með honum til forseta- kjörs. Út af fyrir sig höfum við stuðningsmenn dr. Kristjáns ekk- ert upp á þessa hjálparstarfsemi að klaga, þótt hún sé óneitanlega til orðin á dálítið skringilegan hátt. É.g vil að lokum hvetja menn til að láta ekki stjórnmála- reynslu Gunnars Thoroddsens Rkyggja á hina óumdeildu og fjölþættu hæfileika, sem dr. Kristján Eldjárn hefur til að gegna virðulegasta embætti hins ís'enzka lýðveldis. Göngum heil- skyggnir að kjörborðinu hinn 30. júní, Austfirðingar. Fundur meí forsetaefní d Egílsstöðum 21. júni kl. 2030 Stuðningsmenn dr. Kristjáns Eldjárns boða til almenns fundar í Valaskjálf á Egilsstöðum föstudagsk\öldið 21. júní kl. 20.30. DAGSKRÁ : Ávörp flytja: Sigurður Ó. Pálsson, skólastjóri Kjartan Ólafsson, læknir Helgi Seljan, skólastjóri Vilhjálmur Hjálmarsson, alþingismaður. Ræða: Dr. Kristján Eldjárn. Lokaorð: Sigurður Blöndal, skógarvörður. Fundarstjóri: Þorkell Steinar Ellertsson, skólastjóri. Lúðrasveit Neskaupstaðar og Karlakór Fljótsdalshéraðs skemmta. Austfirðingar. Héraðsbúar. Fjölmennið á þennan eiha íuud dr. Kristjáns Eldjárns á Austurlandi. i r STUöNINGSMENN. ijuxnivwvtruxAAAAryv^vvyvvvvvvvvv^rt"- viirfi**"*fc***^M>^^,****A*i^t^*(W'^Aaj^/Atf „ ^tJ^M^^/V;^^VJ*VVVyVVVVV^V^VVVVS^VV^^^^^^'^VVVVVV\WVWAA^#

x

Forsetaval

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Forsetaval
https://timarit.is/publication/811

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.