Austurland


Austurland - 15.02.1979, Blaðsíða 2

Austurland - 15.02.1979, Blaðsíða 2
JUSTURLAND. SKÍÐARÁÐ ÞRÓTTAR Málgagn Alþýðubandalagsins á Austurlandi Blaðnefnd: Ágúst Jónsson, Árni Þormóðsson, Bjarni Þórðar- son, Guðmundur Bjarnason og Kristinn V. Jóhannsson. Ritstjóri: Ólöf Þorvaldsdóttir s. 7571 — h. s. 7374. Auelýsingar og dreifing: Birna Geirsdóttir s. 7571 og 7454. • Pósthólf 31 — 740 Neskaupstað. Ritstjórn, afgreiðsla, auglýsingar: Egilsbraut 11, Neskaupstað sími 7571. Prentun: Nesprent Útgefandi kjördæmisráð Alþýðubandalagsins Um skattheimtu Vart greinir menn á um það, að í þjóðfélagi sem okkar er skattheimta nauðsynleg. Hún er ekki einungis nauðsynleg fyrir hinn sameiginlega sjóð landsmanna allra, ríkissjóð, held- ur einnig fyrir hinar smærri stjórnunareiningar í landinu, sveitarfélögin. Hvers konar opinberar framkvæmdir og allar tegundir opinberrar bjónustu byggjast á því, að þegnarnir séu skattlagðir í einhverri mynd. Eina ráðið til að komast hjá skattlagningu eða a. m. k. draga verulega úr henni er það, að ríki og sveitarfélög fengju þann ágóða, sem hvers konar rekstur skapaði, og gætu á þann hátt staðið undir framkvæmdum og þjónustu á vegum þessara opinberu aðila. Þessi lausn er vissulega sanngjörnust, enda hreinn sósíai- ismi. En við eigum því miður langt í land, að þessi tilhögun verði ofan á í okkar þjóðfélagi, og afturhaldið í landinu tryllist jafnan, þegar á hana er minnst. Það er því ekki um annað að gera en skattleggja lands- lýðinn. Og þá koma upp ótal spurningar svo sem: Er skatt- lagningin of mikil? Er skattlagningin réttlát? Eru skattarnir teknir í réttlátu formi? Um það, hvort skattlagningin sé of mikil, má endalaust deila og skal ekki fjölyrt um það að sinni. f þeim efnum verður að meta hverju sinni þörfina á nýjum framkvæmdum og auk- inni þjónustu annars vegar og skattþol einstaklinga og reksturs hins vegar. En hvað er þá að segja um réttlætið í skattskiptingunni og það, í hvaða formi skattarnir eru af mönnum teknir? Rfkisvaldið hefur í síauknum mæli farið meir og meir inn á þá braut að auka óbeinu skattheimtuna svo sem söluskatt, vörugjöld o. fl. Hlutur beins tekjuskatts hefur því orðið æ veigaminni þáttur í tekjuöflun ríkissjóðs. í þessu felst mikið óréttlæti, sem bitnar fyrst og fremst á barnmörgum og stórum heimilum. Með þessu fyrirkomulagi eru barnmörgu fjölskyld- urnar að greiða miklu meira til opinberra aðila en eðlilegt er. Meira óréttlæti er þó fólgið í því, að fyrirtæki og einstak- lingar, sem einhvern rekstur hafa með höndum, geta á hægan hátt bæði löglegan og ólöglegan komist hjá því að greiða af launum sínum og hagnaði hlutfallslega jafnháan tekjuskatt og hinn almenni launþegi. Mest er þó kannski óréttlætið og brotalömin alvarlegust, þar semi eru hin gífurlegu vanskil á söluskatti, og ekki síst þegar ætla má, að oft sé söluskatturinn lagður oftar en einu sinrri á hverja vöru- eða þjónustueiningu. Nokkuð hefur núverandi ríkisstjóm gert til að draga úr því óréttlæti skattheimtuhriar, sem hér hefur verið drepið á. Má þar nefna álagningu hátekjuskattsins svonefnda og lækkun söluskatts á matvörum. Áfram þarf að halda á þeirri braut og búa svo um hnúta, að fyrirtæki og einstaklingar, sem atvinnu- rekstur stunda, greiði einnig sinn skatt. Viðbrögð íhaldsins við þessum tilraunum í réttlætisátt eru besta sönnunin fyrir því, að í rétta átt er stefnt. Auka ber .hlut beinna skatta í tekjum rfkisins og umfram allt herða mjög allt skattaeftirlit, svo að komist verði fyrir skattsvik. Skattalög þarf að gera þannig úr garði, að þau heimili ekki óeðlileg undanskot frá skatti, sem nú eru leyfileg. Draga ber úr innheimtu óbeinna skatta, en jafnframt þarf að tryggja að söluskatti verði skilað að fullu. Náist þessi atriði fram, er nokkur von til þess, að skatt- heimtan færist til réttlátari vegar. — B. S. Áhuginn fer mjög vaxandi fyrir skíðaíþróttinni Greinilegt er að áhugi almenn- ings fyrir skíðaíþróttum fer mjög vaxandi hér í bæ sem annars stað- ar. í því sambandi reynir Þróttur að gera það sem hann getur til þess að mæta aukinni þörf fyrir bætta aðstöðu vegna skíðaíþrótt- arinnar. Má í því sambandi nefna nýju skíðalyftuna, sem er mesta fjárfesting, sem félagið hefur lagt í til þessa, en hún kostaði milli 6 og 7 milljónir króna. Það sem helst háir félaginu í þessari viðleitni er vöntun á full- orðnu fólki til starfa við skíða- mannvirkin þ. e. skíðalyftur og skíðaskálann. Það er því einlæg ósk skíða- ráðsins að áhugafólk um þessa ágætu íþrótt veiti félaginu liðsinni og gefi sig fram við formann skíðaráðsins Ólaf Sigurðsson, íþróttakennara. VeJ heppnað skíðanámskeið Fyrir stuttu lauk hér mjög vel hepþnuðu skíðanámskeiði, sem haldið var fyrir barnaskólanem- endur, aldursskeiðið 9—12 ára. Kennarar á námskeiðinu voru Sigríður Jónasdóttir frá Akureyri og Ólafur Sigurðsson, Neskaup- stað. Meiningin er að fljótlega hefjist námskeið fyrir yngri bekki barna- skólans og einnig fyrir nemendur Gagnfræðaskólans. Kennari verð- ur Ólafur Sigurðsson. Skíðalyftur Undanfamar tvær helgar hefur nýja skíðalyftan í Oddsdal verið í gangi. Aðsókn hefur verið geysi- lega mikil. 1 sambandi við það, að fólki finnst fremur dýrt að þurfa að greiða 1000 kr. fyrir daginn í Oddsdalslyftunni og kr. 500 fyrir börn, þá hvetur skíðaráð fólk til þess að kaupa árskortin, sem er tvímælalaust miklu hagkvæmara, en þau fást bæði hjá Ólafi Sig- urðssyni, Sverristúni 1 og í Apó- tekinu og kosta fyrir fullorðna kr. 10-þúsund og fyrir börn kr. 5-þúsund og gilda fyrir báðar lyfturnar. Annars kostar dagkort- ið í „Hjallalyftuna" kr. 400 fyrir fullorðna og kr. 200 fyrir börn. Skíðatrimm A sunnudaginn kemur, efnir Skíðasamband íslands til allsherj- ar skíðatrimms og er skíðatrimm- ið upphaf að kerfisbundnu starfi, sem Í.S.Í. er að setja á laggirnar, til eflingar almenningsíþróttum. A morgun gefur Skíðaráð Þrótt- ar út dreifibréf þar sem skíða- trimm vetrarins verður kynnt nán- ar. NESKAUPSTAÐTJR BARNAÁR Barnabókmenntir eru á dagskrá í fundarsal Egilsbúðar sunnudaginn 18 '. febrúar. Silja Aðalsteinsdóttir fjallar um íslenskar barna- bækur. Lesið verður upp úr nokkrum þeirra. Sýnishorn íslenskra barnabóka liggur frammi. Umræður og kaffi. Barnagœsla verður fyrir börn eldri en 2ja ára í Sjó- mannastofunni á meðan fundurinn stendur yfir. Þar verður væntanlega glatt á hjalla. MENNINGARNEFND Aðalfundur Aðalfundur Kvennadeildar SVFÍ, Norðfirði verður haldinn í Egilsbúð mánudaginn 19. febrúar kl. 21. DAGSKRÁ: 1. Venjuleg aðalfundarstörf. 2. Önnur mál. Kaffiveitingar. — Nýjar félagskonur velkomnar. ST J Ó R N IN Skíðamiðlun Skíðaráðið hefur grun um að ýmsir liggi heima með nothæfan skíðaútbúnað þ. e. skfði, skíða- skó o. fl. sem þeir af einhverjum ástæðum nota ekki og vildu gjarn- an losna við. Einnig er það grun- ur okkar, að ýmsir, sem áhuga hafa þó fyrir íþróttinni, en telja sig ekki hafa efni á að kaupa nýjan útbúnað, myndu slá til, ef á boðstólnum væri ódýr útbúnað- ur, sem hægt væri í það minnsta að byrja með. í þessu sambandi hefur skíða- ráð ákveðið að koma upp skíða- miðlun þar sem fólk geti losað sig við eldri útbúnað og aðrir leitað eftir ódýrum búnaði, að sjálfsögðu bæði fyrir börn og full- orðna. Þeir sem áhuga hafa fyrir þessu, eru beðnir um að koma með skíða- útbúnað, sem þeir vilja losna við (verðmerktan) að Sverristúni 1 (Ólafur Sigurðsson, íþróttakenn- ari) n. k. mánudag og þriðjudag kl. 18—20 og þeir sem áhuga hefðu á að fá sér ódýran skíða- útbúnað athugið það mál á sama stað og sama tíma miðvikudag og fimmtudag. Að lokum vill skíðaráð hvetja alla, sem eiga skíði, að draga þau nii fram og nota snjóinn meðan hann er. — S. Þ. KIRKJA Messa í Norðfjarðarkirkju n. k. sunnudag, 18. febr., kl. 2. Barnastund í kirkjunni laugar- dag kl. 10.30. Sóknarprestur EFNALAUGIN Neskaupstað verður opin 19.—23. febrúar. S'E8G$TAOAST«Æ*n'3? StMl 21011 Gistið í hjarta borgarinnar Bjöðum uijög haghtætt vetrarverð. Biört og rurugóð herbergi og viðurkcnndar. vei.slumar. Sérsiakt aiUártarr. verð fyrir hópa.'.

x

Austurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Austurland
https://timarit.is/publication/808

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.