Austurland


Austurland - 10.05.1984, Blaðsíða 1

Austurland - 10.05.1984, Blaðsíða 1
Austurland Alþýðubandalagið Neskaupstað: Félagsvist í Egilsbúð kl. 845 í kvöld 34. árgangur. Neskaupstað, 10. maí 1984. 19. tölublað. Ekki eftir neinu að bíða Nú líður að þeim tíma að hægt sé að hefja vorstörfin í garðin- um. Hlýja veðrið að undan- förnu gerir það að verkum að gróður er mörgum vikum fyrr á ferðinni heldur en undanfarin ár og því ekki eftir neinu að bíða að fara að undirbúa gróðursetn- ingu og flutning á trjám. Nokkur undanfarin ár hefur Skógrækt ríkisins Hallormsstað boðið Austfirðingum þá þjón- ustu að geta keypt plöntur úr sölubíl sem komið hefur á flesta staði í fjórðungnum. AUSTURLAND sló á þráð- inn til Jóns Loftssonar skógar- varðar og spurði hann frétta af þessari þjónustu. - Að þessu sinni höfum við ekki tök á að bjóða þessa þjón- ustu nema fyrir þá staði sem lengst er að fara það er Vopna- fjörð og Höfn. Garðeigendum á Miðausturlandi verður boðið að koma í gróðrarstöðina á Hallormsstað til plöntukaupa enda er úrvalið þar mest og ým- islegt á boðstólum sem ekki er hægt að hafa meðferðis í sölu- bíl. Þá er auðveldara að panta í síma þar sem nú er kominn sjálfvirkur sími á Hallormsstað og símanúmer skógræktarinnar er 1774. Pantanir verða sendar heim gegn gjaldi og pöntunar- listar verða sendir um allan fjórðunginn. Það má líka nefna að helgarsala verður væntanlega í gangi í Hallormsstað í vor. En líklega er rétt að bæta því við, sagði Jón, að ef fólk vill fá heim- keyrslu verða pantanir um það að berast fyrir 25. maí. Við munum svo eins og venjulega senda auglýsingar með nánari upplýsingum á næstunni. Helgarmót á Seyðisfirði Lengi hefur verið á döfinni að halda helgarskákmót tímarits- ins Skákar á Seyðisfirði. Ýmissa hluta vegna hefur þetta dregist á langinn, en nú er ákveðið að mótið verði 11.-13. þessa mán- aðar. Tilgangurinn með þessum mótum er að gefa skákmönnum á landsbyggðinni tækifæri til að mæla getu sína í viðureign við helstu meistara taflsins. Á með- al þátttakenda nú eru langflestir öflugustu meistarar okkar með stórmeistarana tvo í farar- broddi. Vonandi fjölmenna austfirsk- ir skákmenn til mótsins og sýna þar með að þeir kunni vel að meta það gagnmerka og lofs- verða framtak sem helgarskák- mótin eru. Upplýsingar um mótið eru A myndinni sjáum við fylkingu Norðfirðinga á leið til vígslu Andrésar-andar-leikanna á skíðum. sem haldnir voru á Akureyri dagana 27. - 30. apríl sl. Þessir leikar eru landsmót barna yngri en 12 ára og þátttakendur voru alls 416. Héðan af Austurlandi var 51 þátttakandi og hefur hópurinn aldrei veittar í símum 2172 og 2467. verið stœrri og árangurinn mjög góður, þrátt fyrir þjálfaraleysi sem háir félögunum og keppendum hér fyrir austan talsvert. Sjá nánar bls. 5. Ljósm. Olöf. J. J. I S. G. Landsvirkjun: Áform uppi um seinkun Fljótsdalsvirkjunar Skógarvarðarhúsið á Hall- ormsstað. Ljósm. Sig. Blöndal. í máli Jóhanns Más Maríus- sonar, aðstoðarfórstjóra Lands- virkjunar á nýafstöðnum árs- fundi kom eftirfarandi fram: „Samkvæmt síðustu áætlun orkuspárnefndar mun raforku- eftirspurn núverandi markaðar þ. e. almenningsveitnanna og núverandi stóriðju nema eitt- hvað tæplega 6 TWh/ár um næstu aldamót. Gerðir hafa ver- ið útreikningar á því hjá Lands- virkjun hvaða virkjunarleið myndi vera ódýrust til þess að anna þessum markaði þar sem gengið er út frá að Blönduvirkj- un verði næsta virkjun. Sam- kvæmt þessum útreinkingum kemur í Ijós að sú virkjunarleið sem Alþingi hefur ályktað að farin verði er alls ekki sú ódýr- asta í þessu tilviki og undirstrik- ar þetta þörfina á því að slíkar- ályktanir og áætlanir um virkj- anabyggingu langt fram í tím- ann séu stöðugt í endurskoðun og ekki verði gengið lengra í ákvarðanatökunni hverju sinni en nauðsyn krefur." Á fundinum var brugðið upp myndum af því sem talið var afar mikill byggingarhraði og ef til vill hraðari en við yrði ráðið með góðu móti. Þar var í öðru tilvikinu Búrfell 11 komin á und- an Fljótsdalsvirkjun en í hinu tilvikinu einnig Vatnsfells- og Villinganesvirkjanir. Ljóst er að unniö er að því að finna rök, sem hnekkja þeirri virkjanaröð sem Alþingi tók ákvörðun um á sínum tíma. Þar er m. a. um að ræða könnun áhættu af völdum eldvirkni svo gera megi „magnbundna um- sögn um áhættu af eldvirkni á tilteknum svæðum". Rannsóknarstarfsemi öll beinist nú á ný að Þjórsársvæð- inu og þar eru tilnefndir áður lítt þekktir virkjunarvalkostir. Er þar frekar um smáar og með- alstórar virkjanir að ræða. Bygging þeirra hefði ekki í för með sér eins íþyngjandi skulda- söfnun eins og stærri virkjanir, Sigalda og Hrauneyjarfoss, hefðu haft og leitt hefði til hærra orkuverðs en ella. í umræðum að loknum fram- söguræðum varaði Hjörleifur Guttormsson eindregið við því, að rofin yrði sú eining sem skap- ast hefði um stækkun Lands- virkjunar en forsenda hennar hefði m. a. verið samþykkt Al- þingis um tiltekna virkjanaröð, þar sem Fljótsdalsvirkjun kæmi næst á eftir Blöndu. Svo sem áður hefur verið á bent í AUSTURLANDI er hér á ferðinni aðför að þeim fram- kvæmdaráformum, sem Aust- firðingar hafa mjög bundið von- ir sínar við. Forsvarsmenn fjórðungsins verða nú að vera vel á verði ef ekki á að glatast sá árangur sem orðinn var í ákvarðanatöku um virkjun í fjórðungnum. Sveinn Jónsson.

x

Austurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Austurland
https://timarit.is/publication/808

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.