Austurland - 17.11.1988, Blaðsíða 2

2
FIMMTUDAGUR, 17. NÓVEMBER 1988.
Austurland
MÁLGAGN ALÞÝÐUBANDALAGSINS
Utgefandi: Kjördæmisráð Alþýðubandalagsins á Austurlandi
Ritnefnd: Elma Guðmundsdóttir, Guðmundur Bjarnason,
Einar Már Sigurðarson og Smári Geirsson
Ritstjóri: Haraldur Bjarnason (ábm.) S 71750 og 71756
Auglýsingar og dreifing:
Áshildur Sigurðardóttir S 71571 og 71629
Ritstjórn, afgreiðsla og auglýsingar:
Egilsbraut 11 Pósthólf 31 • 740 Neskaupstaður • S 71750 og 71571
Prentun: Nesprent
Það þarf að stjórna efnahagsmálum
Fyrir nokkru lagði ríkisstjórnin fram frumvarp að fjárlögum. Frumvarp sem gefur
fyrirheit um að snúið verði frá því stjórnleysi sem einkenndi hagstjórn síðustu
ríkisstjórnar. Viðskilnaður ríkisstjórnar Þorsteins Pálssonar var með þeim hætti að
fjárlagafrumvarpið getur ekki verið gleðiboðskapur. Ljóst er að framlög til ýmissa
málaflokka eru mun minni en margir hefðu óskað ef ástand efnahagsmála væri betra.
Undanfarin ár hefur ríkissjóður verið rekinn með miklum halla, nú er reynt að
snúa af þeirri braut og frumvarpið gerir ráð fyrir tekjuafgangi upp á rúman milljarð.
Á þennan hátt er stefnt að því að treysta undirstöður ríkisfjármála til framtíðar og
tryggja þannig m. a. lægri vexti, minni þenslu, minni verðbólgu og heilbrigðara
efnahagslíf. Stefna ríkisstjórnarinnar, eins og hún birtist m. a. í fjárlagafrumvarpinu,
er að stjórna efnahagsmálum, en eins og flestir muna var það eitt af einkennum
ríkisstjórnar Þorsteins Pálssonar að stjórna ekki efnahagsmálum. Þess í stað voru
hin svokölluðu markaðslögmál látin ráða ferðinni.
Pá gerir frumvarpið ráð fyrir því að greiða niður erlendar skuldir í stað þess að
auka þær eins og gert hefur verið í tíð nokkurra síðustu ríkisstjórna. Skuldasöfnun
erlendis er orðin slík að ekki verður lengur undan því vikist að taka til hendinni á
þeim bæ.
Þessum markmiðum fjárlagafrumvarpsins hyggst ríkisstjórnin ná með einföldum
og gamalkunnum hætti. Tekjur eru auknar með sköttum og útgjöld eru skorin niður.
Pað skyggir nokkuð á tekjuöflunarleiðina að ekki liggur Ijóst fyrir hvert hinir
nýju skattar verða endanlega sóttir. Það skiptir almenning í landinu mestu að hinir
nýju skattar taki mið af tillögum Alþýðubandalagsins, sem eru mjög ljósar: hinir
nýju skattar eiga fyrst og fremst að leggjast á eignamenn og hátekjumenn, þá sem
helst hafa sópað til sín fjármagninu í góðæri undanfarinna ára, og þau fyrirtæki,
sem m. a. hafa blómstrað vegna höndlunar með peninga og ýmiskonar pappír,
verði látin greiða eðlilegan hlut til samfélagsins.
Þó niðurskurður frumvarpsins komi víða við, standa óskertar velflestar fjárveit-
ingar til velferðarmála, menningarmála og umhverfismála. Á þessum sviðum er
jafnvel aukið fjármagn til ýmissa stofnanna og verkefna.
Mikils er um vert að vel takist til um stjórn efnahagsmála, hið nýja fjárlagafrum-
varp boðar nýja tíð í stjórnun þeirra. Ef vel verður að verki staðið gæti hin nýja
stefna þýtt tímamót í íslensku efnahagslífi. ems
Tónspil auglýsir!
Videotökuvélar: Sony, Orion
Klær og fjöltengi
Snúrur og millistykki fyrir hljómtæki,
sjónvörp og video
Gjafavörur
Er aö fá gluggatjöld
VISA
t TÓNSPIL
Egilsbraut 5, Neskaupstað S 71580
PistilIinMi
PistiHnn skrifar: Smári Geirsson
Friðelskandi bæjarstjórn
Það vakti verulega athygli á
dögunum þegar Hafnarnefnd
Neskaupstaðar og síðan bæjar-
stjórn neituðu að heimila Nató-
skipinu Alliance að leita hafnar í
Neskaupstað. Hafnarnefnd tók
þessa afstöðu án allra skýringa, en
bæjarstjórnin notaði hins vegar
tækifærið og lýsti því yfir að öll
skip á vegum hernaðarbandalaga
væru óvelkomin til Neskaupstað-
ar nema í neyðartilvikum.
Engin hafnarnefndarmaður
virðist hafa séð ástæðu til að leyfa
umræddu skipi að hafna sig f
Neskaupstað og í bæjarstjórninni
greiddu allir bæjarfulltrúar áliti
Hafnarnefndar atkvæði. Það er
einnig eftirtektarvert að yfirlýsing
bæjarstjórnarinnar um að skip frá
hernaðarbandalögum væru óvel-
komin var samþykkt samhljóða
með fimm atkvæðum. Enginn
maður fyrirfannst semsagt, hvorki
í Hafnarnefnd né bæjarstjórn,
sem fýsti þess að Nató-skipinu
yrði skapað rými í höfninni í tvo
daga, en það var sá tími sem til
stóð að fleytan heiðraði Norðfirð-
inga með nærveru sinni.
Einhverra hluta vegna hafa
ýmsir fjölmiðlar lagt á það áherslu
að ein meginforsendan fyrir því
að Norðfirðingar vísuðu Alliance
á bug væri sú að vegna yfirstand-
andi síldarvertíðar væru þrengsli
í höfninni og því óheppilegt að
stórt skip teppti mikið viðlegu-
pláss. Vandséð er hvaðan þessi
skýring er komin, en ljóst er að
ekki birtist hún í fundargerð
Hafnarnefndar hvað þá í yfirlýs-
ingu bæjarstjórnarinnar. Enda er
þetta í rauninni hálfhlægileg
skýring; ef velvilji í garð Nató
hefði verið einlægur og áhugi fyrir
að greiða götu skips á þess vegum
þá hefði það ugglaust verið tiltölu-
lega fyrirhafnarlítið að hliðra til í
höfninni í tvo daga og heimila
Smári Geirsson.
glæsiskipi með merki hernaðar-
bandalagsins á skorsteini að hafa
þar viðdvöl endurgjaldslaust.
Smærri greiða er vart hægt að
hugsa sér þegar í hlut á bandalag,
sem í huga svo margra hefur stað-
ið vörð um íslenska þjóð í hartnær
fjóra áratugi.
En nú kunna margir að spyrja:
Er ekki Alliance saklaust rann-
sóknaskip og þvi hreinasta ofstæki
að neita því um að fá að leita
hafnar? Jú, það er rétt, Alliance er
rannsóknaskip, en hinsvegarerþað
matsatriði hve saklaust það er.
Samkvæmt norska blaðinu
Fiskaren er Alliance spánnýtt þrjú
þúsund lesta skip smíðað á Ítalíu
og mun það hafa kostað tæplega
einn og hálfan milljarð íslenskra
króna. Bandaríkin munu hafa
greitt um 30% kostnaðar við
smíði skipsins, en hin Nató-löndin
minna. Skipið er sagt vera án
vopna og njósnabúnaðar, en það
siglir undir vesturþýskum fána og
er undir stjórn yfirflotaforingja
Nató. Atliance mun, samkvæmt
norska blaðinu, vera sérstaklega
búið tækjum til rannsókna á sviði
haffræði, segulmælinga og jarð-
fræði hafsbotnsins.
Vissulega hljómar lýsingin á
skipinu sakleysislega, en það er
hinsvegar engin vissa fyrir því að
rannsóknir skipsins séu að öllu
leyti óháðar hernaðarbrölti og víst
er að ef ástæða þykir til mun skip
þetta þegar kallað til beinna hern-
aðarverkefna.
Það er í reyndinni útilokað fyrir
aðila eins og bæjarstjóm Neskaup-
staðar að vega og meta hernaðar-
legt gildi einstakra farartækja í eigu
hernaðarbandalaga. í sumum til-
vikum eru rannsóknaskip t. d. álit-
in hafa meira hernaðarlegt gildi en
skip útbúin bæði byssum og
bombum. Og til eru þeir „vinir
okkar“ innan Nató sem neita að
greina frá raunverulegu eðli hern-
aðarfarartækja sinna. Alkunna er
t. a. m. að Bandaríkjafloti neitar
að veita upplýsingar um það hvort
kjarnavopn eru um borð í skipum
á hans vegum.
Nei, það er langhreinlegast og án
efa farsælast að hafa sem minnst af
hernaðarbandaiögum að segja.
Þessvegna er kostabest að vísa
skipum og öðrum farartækjum á
þeirra vegum frá. Og að sjálfsögðu
á þetta að gilda um öll hernaðar-
bandalög þannig að jafnt skal vísa
á bug heimsóknum rannsóknaskipa
og eldflaugaskonnorta frá Nató
sem vígvæddra rússneskra freigáta
frá Varsjárbandalagi.
Það er þeim sem þetta ritar
ánægjuefni að Nató-elskendur
skuli vera jafn fáir og raun ber
vitni í Neskaupstað. Því miður ber
þó að geta þess að samþykktir
Hafnarnefndar og bæjarstjórnar-
innar skipta sáralitlu máli á vett-
vangi alþjóðastjórnmála, en þær
eru táknrænar og bera vott
ánægjulegrar höfnunar á ríkjandi
hernaðarviðhorfum. Mikið væri
heimurinn öðruvísi ef allar stjórn-
ir veraldar væru jafn friðelskandi
ogbæjarstjórnin íNeskaupstað.
Smári Geirsson
vA V
Föstudagur 18. nóvember:
Opið til kl. 0100
Laugardagur 19. nóvember:
Lokað vegna einkasamkvæmis
Sunnudagur 20. nóvember: A{[/
Bíó kl. 2100: Spennumyndin Shoot to kill

Egilsbúö
Neskaupstað
Sími 71321