Eining - 01.06.1945, Blaðsíða 5

E I N I N G
5
Hevrið þér himnar! og hlusta þú, jörð! því að drottinn talar. Eg hef
fóstrað hörn og fætt þau upp, og þau hafa risið gegn mér. Uxinn þekkir
eiganda sinn og asninn jötu húsbónda síns, en ísrael þekkir ekki, mitt
fólk skilur ekki. Vei hinni syndugu þjóð, þeim lýð, sem misgerðum er
hlaðinn, afsprengi illræðismanna, spilltum börnum! Þeir hafa yfirgefið
drottin, smáð hinn heilaga í ísrael og snúið baki við honum.
Hvar ætlið þér að láta ljósta yður framvegis, fyrst þér haldið áfram
að þverskallast ? Höfuðið er allt í sárum og allt sjúkt. Frá hvirfli
til ilja er ekkert heilt, tómar undir, skrámur og nýjar benjar, sem hvorki
er kreist úr né um bundið og þær eigi mýktar með olíu. Land yðar er auðn,
borgir yðar í eldi brenndar; útlendir menn eta upp akurland yðar fyrir
augum yðar. slík eyðing sem þá, er land kemst í óvina hendur .......
Látið af að gera illt! Lærið gott að gera, leitið þess, sem rétt er; hjálpið
þeim, sem fyrir ofríki verður, rekið réttar hins munaðarlausa og verjið
málefni ekkjunnar.......Ef þér eruð auðsveipir og hlýðnir, þá skuluð þér
njóta landsins gæða; en ef þér færizt undan því og þverskallist, þá skuluo
þér verða sverði bitnir.
(Jesaja, 1. kap.)
BRJEF
Herra ritstjóri Pétur Sigurðsson.
Reykjavík.
Kæri samherji!
Á fundi stúkunnar Fróns, 24. þ. m.,
var til umræðu blaðaútgáfa Reglunnar
og sérstalclega blaðið Eining. Framsögu-
niaður var Ludvig C. Magnússon, skrif-
stofustjóri. Bar hann fram tillögu, f. h
vinnunefndar stúkunnar, um fjárstyrk
til blaðsins. Fundurinn samþykkti ein-
vóma að veita kr. 500.00 til útgáfu
blaðsins Einingar.
Gat framsögumaður þess, að á stór-
stúkuþinginu 1941, sem haldið var á
Akranesi, hafi einmitt einn félagi stúk-
unnar Fróns, Gunnar E. Benediktsson,
hdni., sem þá var stórfræðslustjóri í
framkvæmdanefnd stórstúkunnar, rætt
nauðsyn þess, að bindindishreyfingin
hefði sitt málgagn. Hefði hann talið
æskilegast, að samvinna um slíkt gæti
tekizt með ýmsum félagakerfum og
nefndi þar til t. d. Stórstúku íslands,
kirkjuna, f. S. í., Ungmennafélög fs-
lands o. fl. Hafði hann þar borið fram
ákveðna tillögu, studda af fræðslu-
uefnd, máli þessu til framdráttar og
Urðu um hana allmiklar umræður, en
endanleg ákvörðun var ekki tekin.
Skýrði framsögumaður frá því, ao
seinna mundi svo bindindismálanefna
í- S. f. hafa leitað samvinnu við fram-
kvæmdanefnd Stórstúku íslands um
sérstakan bindindismannadag. Þessi
bindindismannadagur var haldinn í
Reykjavík 21. júní 1942, en að honum
stóðu nokkur félagakerfi. Þar var sam-
þykkt, að félagakerfin skipuðu nefnd
manna, er héldi samvinnutilraunum á-
fram og athugaði einnig möguleikann á
útgáfu málgagns. Þessi nefnd hófst svo
handa um útgáfu blaðsins Einingar og
kom fyrsta blaðið út í nóvember 1942.
Sagði framsögumaður ennfremur, að
þessi tilhögun hefði reynzt hið bezta.
Sú gifta hafi fylgt fyrirtækinu, að á-
gætur ritstjóri, Pétur Sigurðsson, erind-
reki, hefði starfað við blaðið og sýnt
það og sannað, með ritstjórn sinni, að
rétt leið var valin og réttur maður í rétt
sæti. Sé þetta útgáfufyrirtæki hið þjóð-
nýtasta.
Það er samkvæmt þessum skilningi
á málinu, að stúkan Frón nr. 227 vill
sýna blaðinu og ritstjóra þess viður-
kenningu og þakklæti í verki, þótt í
smáum stíl sé.
Samkvæmt ályktun stúkunnar send-
um vér því blaðinu hér með, kæri rit-
stjóri, þessar 500 krónur, til styrktar
útgáfu þess.
Bróðurlegast.
F. h. stúkunnar Fróns nr. 227.
Sv. Sæmundsson
æ. t.
Magnús Vigfússon
ritari.
Leiðslan.
Mjór þráður getur flutt mikla orku,
lítið Ijósop gefið mikla birtu, um sál
hvers veikburða manns getur streymt
sú fylling kraftar, ljóss og lífs, sem
gæfa heilla kynslóða, já, alls mannkyns
byggist á.
Til stúkunnar Fróns
Ritstjórn blaðsins sendir stúkunni
Fróni beztu þakkir sínar fyrir þessa
myndarlegu gjöf, og ekki síður fyrir
góðvild þá og uppörvun, sem gjöfinni
fylgir. Slíkur samhugur og samvinna er
hverju fyrirtæki hið mesta bjargráð, og
á þann hátt er hægt að koma mörgu
góðu til vegar. Er það einlæg ósk rit-
stjórnar blaðsins, að því auðnist að ná
vinsældum landsmanna vegna málefnis-
ins og að því takizt að vinna sem mest
gagn þeim málstað, sem stúkan Frón
ann af alhug og hefur jafnan unnið vel
og svikalaust. Auðnist henni að vinna
því menningarmáli framvegis vel og
lengi.
Ritstj.
Háðung
menningarinnar
Enskt blað, sem gefið er út á íslandi
og heitir The White Falcon, flytur þá
fregn, að frumvarp hafi nú verið lagt
fyrir ríkisþingið í Boston, Massachu-
setts, Bandaríkjunum, þess efnis, að
allir þegnar ríkisins, er áfengis neyta,
skuli greiða eins konar áfengisneyslu-
skatt, tvo dollara á ári, er komi upp í
þær 70 milljónir dollara, sem ríkið kost-
ar nú árlega til þess að annast þá menn,
sem orðnir eru áfengissýkingunni að
varanlegri bráð (króniskiralkoholistar).
Þetta er þá blessun afnámsins, sem
andbanningarnir höfðu hæst um. Eitt
einasta ríki Bandaríkjanna verður að
kosta 70 milljónum dollara árlega til
þess að annast menn, sem áfengisvið-
skiptin hafa eyðilagt og gert að lífstíð-
ar aumingjum. Er hægt að hugsa sér
öllu verri smánarblett í lífi menningar-
þjóða, en viðskipti, sem eyðileggja líf
manna í svo stórum stíl og á svo hörmu-
legðan hátt? Hvernig getur nokkurt
ríki leyft verzlun, er vinnur slíkt
skemmdarverk í lífi þjóðarinnar? Og
þetta, sem hér var nefnt, kostnaðurinn
við hina krónisku alkoholista, þessar 70
milljónir dollara, er aðeins einn liðurinn.
Þar við bætast svo öll eyðilögðu heim-
ilin, öll slysin, lagabrot og glæpir, kostn-
aður við löggæzlu og réttarfar og svo
ótal margt. Hve hár skyldi sá reikn-
ingur vera? Ilver leggur trúnað á allt
fleypur manna og þjóða um menningu,
meðan þeir halda áfram jafn brjálæðis-
legu eyðileggingarstarfi, sem margir
heimskunnir menn hinna voldugustu
þjóða, hafa sagt að hafi verið og sé enn
öllum styrjöldum og drepsóttum verra.
— Svei hræsninni, heimskunni og á-
girndinni, sem er rót alls hins illa. -
KAUPENDUR
Gleymið ekki að tilkynna bústaða-
skipti. Sími blaðsins er 5956.