Okkar á milli - 01.02.1988, Page 7
Nr.: 1683
Fullt verð: 1.798 kr.
Okkar verð: 1.528 kr.
Smásagnasafn eftir
Svövu Jakobsdóttur
Nýjar íslenskar skáldsögur eftir konur settu
einna mestan svip á bókaútgáfu síðasta
árs. Fremst var þar í flokki ný skáldsaga
eftir Svövu Jakobsdóttur, Gunnlaðar saga.
En samtímis gaf Vaka-Helgafell út tvö
fyrstu smásagnasöfn Svövu, sem ófáanleg
hafa verið um skeið - og sú bók er nú í boði
fyrir félagsmenn Veraldar sem aukatilboð.
Nýir lífshættir
Smásögur eftir Svövu Jakobsdóttur hafa
aö geyma tvær fyrstu bækur hennar: Tólf
konur, sem komu út 1965, og Veislu undir
grjótvegg, sem kom út 1967. Um síðar-
nefndu bókina sagði Ólafur Jónsson bók-
menntagagnrýnandi í ritdómi: ,,í sögum
Svövu Jakobsdóttur kemur nútímakonan,
harla síðbúin, inn í íslenskar nútíðarbók-
menntir. Hún á sér eiginmann, stundum
börn; hjónin eru að byggja, nýbúin að því
eða ætla að fara til þess; þau eru borgarar í
ungri og uppvaxandi borg, nýttfólk við nýja
lífs- og þjóðfélagshætti..."
Ritsnilld
Eins og þessi stutta tilvitnun ber með sér
vöktu fyrstu smásögur Svövu óskipta at-
hygli, þegar þær komu út. Einkum þótti at-
hyglisverð og nýstárleg sú frásagnaraðferð
hennar að stílfæra veruleikann að mörkum
fáránleikans. Sögur Svövu eru áhrifaríkar
og vekja lesendur til umhugsunar um sögu-
efnið, sem gjarnan snertir sjálfstæði ein-
staklingsins og tengist reynslu og skynjun
höfundar sem konu.
í þessum sögum geta lesendur notið rit-
snilldar eins fremsta sagnahöfundar á ís-
landi, svo aö hér er á ferðinni bók, sem
óhætt er að mæla með.
Febrúar-
getraunin
Fjögur skáldverk eftir Halldór Laxness
Sem verðlaun að þessu sinni höfum við
valiö þau fjögur verk Halldórs Laxness sem
eru einna þekktust: íslandsklukkuna, Vef-
arann mikla frá Kasmír, Sölku Völku og
Sjálfstætt fólk. Kosta bækur þessar 9.960
kr. út úrbúð í dag.
Spurningin að þessu sinni hljóðar svona:
Hver er ritstjóri bókarinnar Þeir settu
svip á öldina, íslenskir athafnamenn?
Skrifaðu svarið á bls. 11 og sendu okkur
eða hringdu inn rétta lausn.
7