Freyr - 01.01.1915, Page 18

12
FREYR.
ólokið við túnin, og lá sú taða á þeim fram
undir réttir. — Rigndi oft mikið, og hljóp vöxt-
ur í allar ár og læki. Olli það heysköðum i
Borgarfirði, Húnavatnssýslu og víðar. Heyið
ílæddi í burtu. Skifti það hundruðum hesta,
jafnvel hiá einstökum mönnum, er þannig fór
forgörðum af heyi.
Þegar stytti upp nálægt 12 sept, eða um
21. sumarhelgina, gerði norðangarð. Dagana
12.— 14. sept. var stórhríð norðanlands og vest-
an, og snjóaði mikið. Tók þá fyrir heyskap
að mestu hjá mörgum. Snjórinn tafði fýrir
heyþurkuninni, og náðu menn ekki heyinu inn
tyr en seint og síðarmeir, og sumt náðist aldrei.
Víða fuku hey til stór skaða og skemda í þess-
um norðan garði. — Á Suðurlandi náðu marg-
ir því, sem þeir áttu úti, þessa þurkaviku, 13.
-—20. sept. En það, sem þá ekki hirtist, eða
var slegið eftir það, náðist bæði seint og illa,
og sumt varð úti.
Grasspretta var rýr á túnum, og þar af
leiðandi töðubrestur. Útjörð varð á endanum
vel sprottin, og mýrar í bezta lagi. Hjálpaði
það mikið. — En þó varð heyskapur allviða
lítilfjörlegur, og misjafn. Stafaði það af því,
hvað veðráttan var óhagstæð, og heyannatfm-
inn stuttur. Sérstaklega mun heyskapur hafa
orðið rýr víða á Vesturlandi og um Borgar-
fjörð. I Árnessýslu varð hann undir það í
meðallagi; þó tæplega í sumum sveitum sýsl-
unnnar. En eftir því sem. austar kom, var
hann betri. í Rangárvallasýslu var heyskapur
víða góður, og eins í Skaftafellssýslum. — Sig-
urður Guðmundsson á Selalæk heyjaði t. d. í
sumar 2150 hesta, og er það mun meira en
hann hefir fengið í garð undanfarin sumur.
Sama er að segja um Andrés Andrésson á
Hemlu. Heyjaði hann í sumar 1900 hesta, og
er það meiri heyskapur en hann hefir fengið
nokkru sinni áður.
I Húnavatnssýslu, einkum vestri sýslunni
og í Skagafirði varð heyskapur tæplega í meðal-
lagi. Betri aftur í Eyjafirði og ágætur í í>ing-
eyjarsýslum og á Fljótsdalshéraði.
Haustið var mjög rigningasamt um suður
og vesturland, en norðanlands og austan viðr-
aði vel.
Hm mánaðarmótin nóvember og desember
eða í 6. viku vetra? fór að snjóa og kólna i
veðri. Gerði þá harðindi upp úr því, og skepn-
ur viða teknar í hús og á hey. Tók sumstað-
ar algerlega fyrir jörð, og hélzt það fram um
hátiðir.
Uppskera úr görðum var alment tilfinnan-
lega rýr, og sumstaðar brugðust garðar með
öllu. Kom það sér mjög bagalega að þessu
sinni, og liða margir við það.
Veiði í ám með betra móti, og sumstaðar
veiddist ágætlega. — Hinsvegar varð dúntékja
í þetta sinu með lakara móti.
Heilbrigði fóiks var ekki góð. Lungna-
bólga gerði töluvert vart við sig, og dóu marg-
ir úr henni. Kvef var einnig tíður gestur víða
á landinu þetta ár.
Verzlun og viðskifti voru í allgóðu lagi
frameftir árinu. Verð á útlendri vöru fremur
gott, og innlend vara í sæmilegu verði. — En
er Norðurálfuófriðurinn mikli kom til sögunnar
í lok júlímánaðar, hækkaði skyndilega verð á
öllum útlendum varningi, einkum matvöru.
Kvað mikið að þeirri verðhækkun í mörgum
kaupstöðum landsins, og það einnig á þeim
vörum, er fengnar voru og hingað komnar áð-
ur en stríðið hófst. Fór verðið síhækkandi,
eftir því sem ófriðurinn ágerðist, og útlitið
versnaði. Má svo að orði kveða, að nú sé
dýrtíð að flestu eða öllu leyti.
Verð á sláturfénaði svipað og í fyrra.
Sama að segja um flestar aðrar ÍDnlendar vörur.
Um hross er þess sérstaklega að geta, að
þau komust í hátt verð. Var mikið keypt af
þeim til útflutDÍngs, einkum er á leið. Mun