Almanak Hins íslenska þjóðvinafélags - 01.01.1973, Qupperneq 155

mos U3U skotið upp, og var brautarhæðin fyrst um
200—280 km frá jörðu, en skömmu eftir innsetn-
ingu á braut var brautin hækkuð nokkuð, og degi
síðar var jarðfirð aukin í 1170 km, en jarðnánd varð
180 km. Svipar háttalagi Kosmos 398 og 434 mjög
til Kosmos 379 árið áður (sbr. Almanak 1972), og
virðist sem þarna séu á ferðinni ómönnuð Soyuz-
geimskip. Ef svo er, gefa tilraunir þessar nokkra
hugmynd um framtíðaráætlanir Sovétríkjanna á
sviði mannaðs geimflugs um jörðu.
Loks er ástæða að geta brezka tæknitunglsins
Prospero, sem skotið var á loft 28. október og kom-
ið á braut með jarðnánd í 540 km hæð og jarð-
firð í 1570 km hæð. Prospero er fyrsta tunglið sem
skotið hefur verið á loft með brezkri eldflaug. Það
er búið nýrri gerð sólrafhlaðna, sem notaðar verða
í framtíðinni í gervitunglum, er krefjast munu
meiri orku en nú er algengt. Einnig rannsakar gervi-
tunglið árekstra við örsmáar rykagnir í geimnum
með meiri nákvæmni en áður og kannar nýjar að-
ferðir til að stjórna hitastigi innan í gervitunglum.
Hertungl.
Að venju voru mikil umsvif á þessu sviði á ár-
inu. Eftir því sem næst verður komizt gegndu 44
sovézku gervitunglanna og 21 þeirra bandarísku
hernaðarlegu hlutverki. Talsvert auknar upplýsing-
ar um atferli og gerðir njósnatungla hafa komið
fram á árinu, og er ljóst að verulegar tæknilegar
framfarir hafa orðið í þessum efnum á síðustu ár-
um. Þá hafa stórstígar framfarir orðið í gerð við-
vörunartungla, og er talið að innan eins til tveggja
ára verði unnt að láta gervitungl fylgjast stöðugt
(153)