Almanak Hins íslenska þjóðvinafélags - 01.01.1973, Page 156

með svo til öllum mannlegum athöfnum, sem áhuga-
verðar þykja frá hernaðarlegu sjónarmiði. Þannig
munu menn á jörðu geta fylgzt með starfsemi fjar-
skiptakerfa og ratsjárkerfa hinum megin á hnett-
inum, séð með eigin augum ferðir flugvéla, skipa
og farartækja hvar sem er og komið auga á flug-
tak og ferðir milliálfuflauga hálftíma áður en þær
ná til skotmarksins.
Bandaríski flugherinn sendi upp 2 njósnatungl
af Discoverer-gerð á árinu og 4 af Samos-gerð. Er
rétt að geta þess, að Samos-tunglin vega um 3000
kg en ekki 5000 kg eins og misritað var í Almanaki
1972. Um hlutverk þessara gervitungla er vísað
til Almanaks 1969. Þá hefur komið fram, að á um
6 mánaða fresti er skotið upp gervitunglum sem
fara á braut í um 840 km hæð og fylgjast þaðan
með skýjafari yfir svæðum, sem njósnatunglunum
er ætlað að ljósmynda, svo að tryggt sé að myndtak-
an fari fram í heiðskíru veðri. Tveim slíkum könn-
unartunglum var á árinu skotið upp með Thor-
Burner eldflaugum frá Vandenberg-skotstöðinni.
Á fjögurra mánaða fresti er einnig skotið upp
njósnatunglum frá Vandenberg til að hlusta á fjar-
skipti og fylgjast með starfsemi ratsjárkerfa, finna
nýjar gerðir ratsjártækja á tilraunastigi o. s. frv.
Þrem slíkum hlustunartunglum var skotið á braut
í um 1000 km hæð 1971. Notar bandaríski flugher-
in Thor-Agena burðarflaugar í þessu skyni.
Tveim njósnatunglum af nýrri gerð var skotið
á braut fyrri hluta ársins. Þessi tungl vega um
12 000 kg og vinnur hvert þeirra á við tvö Discov-
erer-tungl og tvö Samos-tungl. Er sagt að mynda-
vélar þeirra geti greint hluti, sem eru aðeins 30
cm á hvern veg, þótt þau séu í 160 km hæð. Titan
(154)