Freyr - 01.09.1974, Page 15

ÁRNI JÓNSSON:
INNDJUPSAÆTLUN
Ljósmyndir af býlunum eru fengnar fró Byggingastofnun
landbúnaðarins.
Aðdragandi að fferð Inn-Djúps áætlunar.
Fyrri hluta árs 1971 fóru fram fyrstu viSræður á
milli landnámsins og stjórna búnaðarfélaga Inn-
Dj úpshreppanna fjögurra, Ögur-, Reykjarfjarðar-,
Nauteyrar- og Snæfjallahreppa, um landbúnaðar-
vandamál byggðarinnar.
Á aðalfundi Stéttarsambands bænda í sept. 1971
var samþ. tillaga um að leita eftir því við landnám
ríkisins að taka að sér endurskipulagningu á rækt-
un í Inn-Djúpi.
Á fundi landnámsstjórnar í okt. 1971 fól stjórnin
landnámsstjóra að athuga vandamál þessa byggða-
lags.
Veturinn 1971 og ’72 hóf landnámið gagnaöflun,
sem náði til m. a. ræktunar, bústofns og húsakosts
hinna einstöku jarða. Niðurstöður af þessari at-
hugun leiddu m. a. í ljós, að meðalbústærð var 290
ærgildi, eða um 110 ærgildum undir landsmeðal-
tali. Sumarið 1972 var þessi gagnaöflun endurskoð-
uð í samstarfi við bændurna sjálfa. Um haustið
var svo gerð áætlun, sem miðaði að því að leiða
í ljós, hversu mikil fjárfesting væri því samfara
að koma meðalbústærð £ þessum fjórum hreppum
upp í landsmeðaltal, eða 400 ærgildi, og kom þá
fram, að fjárfesting mundi vera um 84 milljónir
króna. Innifalið í þessari fjárfestingu var bústofns-
auki, útihúsabyggingar og ræktun. Um helmingur
þessa fjár mundi fást sem lán í Stofnlánadeild og
sem framlag samkvæmt jarðræktarlögum.
Áætlun þessi var m. a. send landbúnaðarráðherra
í nóvember 1972 til athugunar.
13. febr. 1973 ákveður landbúnaðarráðuneytið að
skipa 5 manna nefnd til að vinna áfram að Inn-
Djúpsáætlun á vegum landnámsins og í samráði
við Framkvæmdastofnun ríkisins. Nefndin hóf
fundi 20. febr. og hraðaði störfum sínum eftir því
sem aðstæður frekast leyfðu. Náið samstarf var frá
Inndjúpsáætlunin nær yfir svæði fjögurra hreppa.
F R E Y R
303