Freyr - 01.09.1990, Qupperneq 8

Gróðursettar 1,3 milljónir
trjáplantna
í sumar hafa verið gróðursettar 1,3 milljónir trjá-
plantna á vegum Átaks um landgræðsluskóga
1990, en fyrirhugað var að gróðursetja 1,1-1,3
milljónir plantna. Hefur framkvæmdanefnd auk
þess samið um að framleiddar verði í viðbót ein
milljón plantna til þess að gróðursetja á næsta ári.
Það kemur fram í tilkynningu frá framkvæmda-
nefnd að vel hafi gengið að afla fjár til þessa
skógræktarverkefnis og að almenningur hafi sýnt
því mikinn áhuga. í framkvæmdastjórn eru Hulda
Valtýsdóttir, formaður, Sigurður Blöndal, Svein-
björn Dagfinnsson og Sveinn Runólfsson.
Landsfundur kúabænda
Á aðalfundi Landssambands kúabænda sem
haldinn var á Flúðum 20.-21. ágúst sl. óskuðu
fundarmenn eftir sveigjanlegri viðskiptaháttum
með fullvirðisrétt í því skyni að auka hagkvæmni
framleiðslunnar. Töldu þeir að núverandi fyrir-
komulag á tilfærslu fullvirðisréttar milli bænda
hindri eðlilega þróun búgreinarinnar og því rétt að
sá fullvirðisréttur sem feliur til vegna fækkunar
framleiðenda geti gengið kaupum og sölum að
vissum skilyrðum fullnægðum. Rétturinn verði
fyrst falboðinn heima í héraði, þ.e. á viðkomandi
búmarkssvæði. Fái seljandi ekki lágmarksverð á
búmarkssvæði sínu geti hann lagt réttinn í nokkurs
konar „landspott" og boðið hann til sölu á öðrum
svæðum. Fundurinn taldi rétt að heimilt verði að
halda eftir allt að 20% af seldum rétti, aðallega til
þess að auðvelda kynslóðaskipti innan búgreinar-
innar auk þess að auðvelda framleiðendum að laga
sig að markaðsþörfum hverju sinni.
Bentu fundarmenn á að sá árangur sem náðst
hefði í að laga mjólkurframleiðsluna að innan-
landsneyslu gæti verið unninn fyrir gíg takist ekki
nýr búvörusamningur með bændasamtökunum og
ríkinu bráðlega.
Danskir hestamenn á
námskeiði á Hvanneyri
Fjörutíu danskir eigendur íslenskra hesta voru í
ágúst á námskeiði um íslenska hestinn á Bænda-
skólanum á Hvanneyri. Þátttakendum voru kynnt-
ir eiginleikar hans og gangur, tamning, fóðrun og
uppeldi á íslandi, ennfremur hrossarækt og fóðr-
un. Þá fengu þeir sýnikennslu í byggingardómum.
Danirnir heimsóttu hrossabúin á Sigmundarstöð-
um, Skáney og Svignaskarði og fóru síðan í út-
reiðatúr með 80 hross um Borgarfjörð. Sjálfir eiga
þátttakendur frá tveimur upp í þrjátíu hesta á
mann. Þeir fóru norður í Hóla og Skörðugil, fóru í
heimsókn að Kirkjubæ á Rangárvöllum, fylgdust
með Murneyrarmótinu og íslandsmóti í hesta-
íþróttum í Borgarnesi. Fullbókað er í annað nám-
skeið að ári. Forstöðumaður námskeiðsins var
Ingimar Sveinsson og Runólfur Sveinsson kenndi
þar einnig.
Fjárframlag til
landgræðslu frá Ataki í
(andgræðslu
í sumar afhenti stjórn Átaks í landgræðslu Land-
græðslu ríkisins sex milljónir króna til að græða
upp Haukadalsheiði. Með þeirri hálfri milljón
króna sem lögð var fram árið 1988 nægja þessi
framlög til þess að græða upp tvö hundruð hektara.
Átak í landgræðslu var stofnað 14. júní 1990 að
frumkvæði Árna Gestssonar forstjóra og Félags
íslenskra stórkaupmanna. Síðan hafa safnast yfir
20 milljónir króna. Markmið Átaksins er að safna
þrjátíu milljónum króna til að græða upp land. Hlé
hefur orðið á fjársöfnun á þessu ári til þess að trufla
ekki fjársöfnun Skógræktarfélags íslands í tilefni
60 ára afmælis þess. Átakið ver öllu fé í samráði við
Landgræðslu ríkisins til brýnna verkefna hverju
sinni. Formaður þess er Árni Gestsson.
616 Freyr
17. SEPTEMBER 1990