Fylkir - 28.04.1967, Blaðsíða 5

F YLKI R
5^
SVAR
vegna sjónvarpsskrifa í
Framsóknarblaðinu.
Framsóknarblaðið birti aðsent
bréf síðasta fimmtudag, þar sem
spurt er, hvort enginn fréttaritari
sé staðsettur í Eyjum. Það mun
koma í minn hlut að svara fyrir-
spurn þessari, þar sem svo á að
heita, að ég gegni því hlutverki
hér. Að vísu gegni ég aðeins þeim
störfum að senda til sjónvarpsins
það efni, sem telja má fréttnæmt,
en annar á að sjá um myndatöku
og öflun mynda. Framan af vetri
var kvikmyndavél sú, er nota
skyldi, í viðgerð, en eftir að hún
kom úr viðgerð, hefur staðið á
filmusendingum frá sjónvarpinu til
myndatökumannsins. Er það mál
allt utan míns verkahrings, svo að
ég mun ekki ræða það nánar, en
vil þó geta þess, að því mun verða
kippt í lag bráðlega.
Bréfritari spyr, hvers vegna ekki
komi fréttir og myndir af ýmsum
atburðum, sem hann telur frétt-
næma, og nefnir t. d. heimsókn
rússneska ráðherrans á dögunum,
fulla höfn af bátum og stórbruna.
Er þar skemmst frá að segja, að
sjónvarpið hefur fengið fregnir frá
mér af öllum þessum atburðum, en
síðan er það þeirra að ákveða, en
ekki mitt, hvað telst fréttnæmt.
Rétt áður en sá sovéski kom í heim
sókn sína, höfðu birzt fréttamyndir
og viðtal við hann í sjónvarpinu,
auk þess, sem þess var getið, að
hann færi til Vestmannaeyja. Hef-
ur sjónvarpsmönnum sennilega
þótt nóg komið um þennan annars
ágæta mann.
Varðandi brunann mikla, sendi ég
strax allýtarlega frétt varðandi
hann, og var hún lesin í kvöldfrétt
um þann sama mánudag. Ástæðan
fyrir því að engin mynd kom þá
af brunanum, var sú, að ekki var
flogið umræddan dag og engin leið
að koma myndum suður. Ef bréf-
ritari gæti bent mér á einhverja
leið til að koma myndum suður,
þegar engar samgöngur eru á miiii
yrði ég honum einkar þakklát.ur.
Eg þekki því miður ekki aðrar
leiðir til þess.
Eg hefi oft í vetur verið spurður
þess, hvers vegna ekki kæmi ýmis-
legt héðan í fréttum sjónvarpsins,
svo sem aflabrögð, merkisafmæli og
fleira.
Eg hef skýr fyrirmæli ffá sjón-
varpsmönnum hvað er fréttnæmt í
sjónvarpi. Það er til dæmis ekki
frétt, þótt bátur komi með fisk að
landi, ekki nema um metafla sé að
ræða, eða annað sérstakt við róður-
inn. Annars skildist mér, að það
væri ekki sérlega vel þokkað af
Sigurgeir Jónsson
skipstjórum og útgerðarmönnum
að mikið væri gert af því að út-
básúnera aflabrögð í útvarpi og
blöðum og þá væntanlega ekki í
sjónvarpi heldur. Tvívegis í vetur
hafa þó komið yfirlitsfréttir um
vertíðina hér og aflabrögð.
í sambandi við afmæli, andlát og
annað, sem eru fréttir hér í bæn-
um, vil ég taka fram, að slíkt er að-
eins frétt í sjónvarpi, að um þjóð-
kunna menn sé að ræða. Og eins
og áður er sagt, er það algjört mat
sjónvarpsmanna, sem ræður hvaða
efni er tekið til flutnings. Það er
fréttaritarans að safna efninu, en
þeirra að vinsa úr því.
Þá hef ég einnig verið spurður,
hvers vegna ekki komi efni eins og
frá Akureyri, en mikið hefur kom-
ið af viðtölum þaðan. Því er til að
svara, að slík aðstaða er ekki fyrir
hendi hér, því miður. Einungis tvö
tæki til slíkra nota eru til á land-
inu og er annað staðsett hjá sjón-
varpinu í Reykjavík, en hitt á Ak-
ureyri. Það er algerlega útilokað
fyrir mig að taka eitt einasta við-
tal hér í Eyjum fyrir sjónvarpið,
slíkt er tæknilega ómögulegt enn-
þá. Reyndar er von á þeim sjón-
varpsmönnum hingað innan
skamms til fréttaöflunar, og munu
þeir þá hafa áðurnefnd tæki með
sér, svo að nokkuð ætti að rætast
úr.
Að lokum vil ég taka fram, að ég
er þakklátur fyrir að minnzt var
á þessi mál, og mér því gefinn kost
ur á að koma fyrrnefndu fram og
gefa fólki skýringu á málunum.
Þá er ég auðvitað ekki alvitur og
alsjáandi og getur vitanlega margt
fram hjá mér farið, sem talizt gætu
fréttir. Vil ég því við þetta tæki-
færi biðja fólk, sem kynni að
frétta af einhverju, sem teljast
mega fréttir, að hafa samband við
mig og láta mig vita. Símanúmer
mín eru 1523 og 1343.
Sigurgeir Jónsson.
1100 ára afmæli
Islandsbyggðar.
Undanfarna daga hafa farið
fram allmiklar umræður um vænt-
anlegt 1100 ára afmæli íslands-
byggðar að sjö árum liðnum.
Ýmsar tillögur hafa þegar kom-
ið fram, enda þingkjörin nefnd um
mál þetta búin að starfa um nokk-
urt skeið og hefur nú lagt fram
fyrstu tillögur sínar.
Að vonum beinist hugur manna
að þjóðgarðinum á Þingvöllum og
hefur fyrrgreind afmælisnefnd kom
ið með hugmynd um svonefnt Þjóð
arhús, sem reist yrði á þeim stað.
Þá er talað um mikla útgáfustarf-
semi, og síðast en ekki sízt Þjóð-
hátíð, sem haldin verður af þessu
tilefni.
Hvergi í umræðum þessum hefur
komið fram að Vestmannaeyingar
eru eina hérað landsins, sem allt
frá árinu 1874 hefur haldið þjóðhá-
tíð svo til óslitið.
Engum dettur í hug að halda, að
þjóðhátíðir, eins og við höldum þær
nú, séu líkar þeim samkomum eins
og þær voru í upphafi, en fullyrða
má, að okkur hafi tekizt að halda
anda þjóðhátíðarinnar og stemmn-
ingu á undraverðan hátt í því öldu-
róti, sem breyttir tímar hafa skap-
að.
Og þótt stundum heyrist raddir
í þá átt, að Þjóðhátíðin, sé orðinn
of kostnaðarsöm fyrir bæjarbúa,
og umstangið of mikið, er ég þess
fullviss, að enginn Vestmannaeying
ur vildi í alvöru, að hátíðin legðist
niður.
Það er sómi fyrir okkur að hafa
bráðum í eina öld haldið uppi merk
inu frá 1874, það má ekki falla
niður og er vel þess virði að því sé
haldið á lofti og líður senn að þeim
tíma, að Vestmannaeyingar verða
að huga að með hvaða hætti bezt
fer á þvi að halda upp á hin merku
tímamót sem framundan eru.
J. F.
Til sölu.
Johnson utanborðsmótor, 10 hest-
öfl. — Upplýsingar að Kirkjuvegi
20. — Sími 1998 eða að Hásteins-
vegi 16.
Herbergi óskasl
til leigu. — Upplýsingar í
síma 2355.
Tapazt
hefur sem nýr skíðasleði með
bláum skiðum, merktur H.
Finnandi vinsamlegast hringi í
síma 1315 eða 1825.
TILKYNNING
frá yfirkjörstjórn
Suðurlandskjördæmis.
Við alþingiskosningarnar 11. júní
verður aðsetur yfirkjörstjórnar ó kjör-
degi í félagsheimilinu á Hvolsvelli og
þar fer fram talning atkvæða að
kosningu lokinni.
Framboðslista ber að afhenda í
síðasta lagi 10. maí 1967 formanni yfr
irkjörstjórnar, Freymóði Þorsteins-
syni, bæjarfógeta í Vestmannaeyjum.
Framboð verðo úrskurðuð fimmtu-
daginn 11. maí 1967, kl. 14,00 í fé-
lagsheimilinu ó Hvolsvelli.
Sveitarstjórnum ber að tilkynna
formanni yfirkjörstjórnar nú þegar
með símskeyti tölu þeirra, sem á kjör-
skró verða, eftir því sem næst verður
komizt.
26. apríl 1967.
YFIRKJÖRSTJÓRNIN
I SUÐURLANDSKJÖRDÆMI