Skátablaðið - 01.06.1947, Blaðsíða 10

blítt og hlýtt. — Islenzkur sólskinsskáti. — Já, hún var sannarlega ímynd hins
sanna skáta. Alltaf reiðubúin, ef hún gat veitt öðrum lið, — alltaf viðbúin.
Vertu sæl, Brynja! Við skátasystkini þín söknum þín öll. Við þökkum þér
allar góðar samverustundir og öll þín miklu og góðu störf í þágu skátahreyí-
ingarinnar. Við eigum eftir að sjást aftur, því að þú ert ekki dáin, — þú ert
bara íarin heim.
Þú hefur nú lokið lífsstarfi þínu hér, en handan við gröf og dauða bíða
þín launin fyrir trúa og dygga þjónustu:
Kóróna lífsins!
Guð blessi Jrig og ástvini þína, sem eftir lifa. Friður sé með þér, sólskinsskáti.
Með skátakveðju.
Hrefna Tynes.
Mínnínjj Brynjn Hlíðar kvenskátaforínjjja
'IJT'IN af hinum mörgu, sem í dag voru lagðir til hinztu hvíldar, var Brynja
Hlíðar kvenskátaforingi.
Okkur kom sízt til hugar, er við kvöddum hana brosandi fyrir hálfum mán-
uði, að það væri í síðasta skipti, sem við sæjum hana.
Dauðinn gerir ekki boð á undan sér, og í einni svipan var hún horfin,
farin heim, foringinn okkar, senr við elskuðum og virtum.
Vegir guðs eru órannsakanlegir, og okkur veitist svo erfitt að skilja, hvers
vegna þeir, sem lifa lífi sínu öðrum til góðs, eru kallaðir burtu, áður en
lífsstarf þeirra virðist hálfnað.
Brynja Hlíðar var ein af fyrstu félögunum í kvenskátafélaginu ,,Valkyrjan“
hér á Akureyri, er það var stofnað 1923. Hún endurreisti félagið 1932 og var
félagsforingi ætíð síðan.
Oft gekk erfiðlega og félagið virtist ætla að deyja út, en Brynja átti hinn
sanna skátaanda og hún gafst ekki upp, þótt á móti blési, heldur byrjaði á
nýjan leik. Og nú var hópurinn stærri en nokkru sinni fyrr. En henni var það
ekki nóg. Við þurftum að sýna, að starfið var meira en bara skátabúningurinn.
Við þurftum að skilja bræðralagshugsjónina og reyna að vera skátar af lífi og
sál eins og hún sjálf.
Aldrei hefur neinni okkar skilizt betur en einmitt í návist hennar, hvað
það er að vera sannur skáti. Engin átti drenglyndi og ættjarðarást í ríkara
60
SKATABLAÐIÐ