Unga Ísland - 01.08.1933, Blaðsíða 14

122
UNGA ÍSLAND
urðu slys og manntjón að slíku, en nú
er varnareyða, breið og vel hirt með-
fram öllum járnbrautum í Rhodesiu.
Þegar eldur hefir farið yfir, er land-
ið eins og þolsvört eyðimörk. Milljón-
ir skorkvikinda hafa farist og, ef til
vi 11, orðið tjón á gripum og beitilönd-
um. Svo ömurlegt er landið daginn
eftir slíkan bruna, að þar myndi flest-
um þykja ótrúlegt, að nokkurn tíma
framar sæi stingandi strá. En náttúr-
an er máttug. Ekki er regntíminn byrj-
aður aftur næsta sinn fyrr en grasið
þýtur upp. Og skyndilega vefst landið
aítur í hávaxið gras og marglitt og
ilmandi blómaskrúð, eins og engill
lífsins hafi snert það á ný með töfra-
sþrota.
Sigurður Einarsson.
Þessa vísu kvað Stefán G. Stefáns-
son, Klettafjallaskáldið, þegar honum
varð litið yfir sléttuna nýbrunna:
Ás og strýta er ysja dökk,
opin víti skjólin.
Auga hvítu ofan úr mölclc
yggldu gýtur sólin.
Landnámsmaðtír
Pennsylvaníuríkis í Bandaríkjunum.
William Penn var enskur kvekari.
Hann nam land í Pennsylvaníu og stofn-
að það ríki.
Þessi saga er sögð af honum:
Eitt sinn var Penn að hvetia mann
til að liætta að drekka.
Maðurinn sneri sér að honum og
sagði: ,,Ef þú getur kennt mér auðvelt
ráð til þess, þá skal eg hlusta á þig“.
,,Það get eg“, svaraði kvekarinn. —
„Það er eins vandalaust og að opna á
sér hendina, vinur minn“.
„Sannfærðu mig um það“, sagði hinn.
„Og þá lofa eg þér, og legg við dreng-
skap minn, að gera eins og þú segir
mér“.
„Gott og vel, vinur minn“, svaraði
Penn. „Þegar þú finnur ílát með áfengi
í hendi þinni, þá skalt þú opna hendina
áður en ílátið kemur að vörum þínum,
og þá drekkur þú aldrei vitið frá þér
í'ramar".
Þetta hafði þau áhrif á manninn, að
hann hætti að drekka.
William Penn sýndi hinum rauðu
bræðrum mannúð, ekki síður en löndum
sínum. Einkunnarorð hans var bróður-
ást. Þess vegna nefndi hann höfuðborg
ríkisins Philadelphiu (framborið Fíla-
delfía), en það þýðir: bróðurást.
Á þeim dögum reikuðu Indíánar um
slétturnar, og veiddu villidýr, og fiskuðu
í ánum. Þá sigldi Penn frá Englandi með
þúsund félögum sínum. Þeir komu að
mynni Delaware (frb. Delaúer) fljóts-
ins, sigldu upp eftir því og stofnuðu borg-
ina Philadelphia. — Pennsylvanía þýðir
sJcógcr Penns. — Englandskonungur gaf
Penn landið, eða réttara sagt, borgaði
með því skuld, sem hann var í við föður
Penns. — Það hefði veriö auðvelt fyrir
Penn, að taka landið þegjandi til eignar;
slíkt var þá alsiða. En Penn vildi breyta
mannlega við Indíánana, sem áttu þar
heima. Hann keypti því landið af þeim.
1 miðri borginni stendur lítið, tvílyft
múrsteinshús. Hvert mannsbarn í borg-
inni þekkir húsið og þykir vænt um það,
af því að það var heimili William Penns.
Á öðrum stað í borginni stendur stórt
minnismerki. Þar var áður tréð, sem
Penn og Icdíánarnir sátu undir, þegar
samið var um landkaupin. Sjálft tréð
eyðilagðist af eldingu fyrir löngu.