Unga Ísland - 01.12.1954, Blaðsíða 6
Frá Raufta krossénum;
Rauði krossinn
30 ára
Hinn 10. desember s. 1. átti Rauði kross
íslands 30 ára afmæli og var þess minnzt
í öllum dagblöðum höfuðstaðarins. Var
Sveinn Björnsson forseti helzti hvatamað-
ur að stofnun félagsins hér á landi og fyrsti
formaður þess. Núverandi formaður er
Þorsteinn Scheving Thorsteinsson lyfsali,
sem einnig átti sæti í fyrstu stjórninni, en
framkvæmdastjóri er Oddur Ólafsson yfir-
læknir að Reykjalundi.
Starfsemi félagsins hefur verið fjölþætt
og fyrst og fremst miðast að því að efla
hollustuhætti, hjúkrun sjúkra, fræða al-
menning um heilbrigðismál og vera við-
búin stórvandræðum. Ennfremur hefur fé-
lagið tekið þátt í margs konar hjálparstarf-
semi, rekið barnaheimili o. fl. o. fl.
Hér verður saga Rauða krossins ekki
rakin að sinni. En í sambandi við afmælið
skal þess getið, sem okkur mun öllum fagn-
aðarefni, að undirbúningur er hafinn að því
að taka aftur upp ungliðastarfsemi í barna-
skólum. Hafa fræðslumálastjóri og mennta-
málaráðherra veitt heimild til þess, að viss-
um stundafjölda barnaskólanna verði varið
mánaðarlega í því skyni.
Væntanlega táknar þetta, að ungliða-
starfsemi Rauða krossins verður tekin upp
nú á næstunni, enda væri þáð þjóðinni til
hneisu, ef við værum eftirbátar annarra
frjálsra þjóða í þessu efni.
Veiztu það?
— að í ungliðadeildum Rauða krossins um
allan heim eru 35 milljónir félaga?
— að í Bandaríkjunum eru 19 milljónir í
ungliðadeildum Rauða krossins?
— að í ungliðadeildum Rauða krossins í
Noregi eru 14 þúsund meðlimir?
Hollen/.k börn á flóöasvæðinu
skoða ffjafir frá ung:liðadeil(luni í eðriun löndum.
Henrí lunant og Solferno
Sumarið 1859 var háð mannskæð orusta
við Solferno á Norður-ítalíu, milli Frakka
og Sardiníumanna annars vegar og Aust-
urríkismanna hins vegar. Svisslendingurinn
Henry Dunant var þarna í viðskiptaerind-
um. Hann sá hversu hræðilegar þjáningar
hermennirnir urðu að þola á vígvellinum,
og hvað fólkið, sem þarna bjó, gat lítið
gert þeim til hjálpar. Þetta hafði svo mikil
áhrif á hann, að þegar heim kom til Sviss,
skrifaði hann bókina „Minningar frá Sol-
ferno“, þar sem hann af eldmóði miklum
hvatti til stofnunar þjóðasamtaka, sem
leyfðu sjálfboðaliða við hjúkrunarstörf á
stríðstímum, er litið skyldi á sem algerlega
hlutlausa í stríðinu. Árið eftir komu svo
saman í Sviss fulltrúar frá 254löndum, sem
undirskrifuðu samþykkt í samræmi við til-
lögur Dunants. Þetta var upphaf Rauða
krossins.
— að ungliðadeildir Rauða krossins eru
starfandi í 46 löndum víðs vegar um
heim, og öll þessi lönd hafa sameiginlega
stjórn, sem heldur fund árlega og ræðir
verkefni deildanna?
2
UNGA ÍSLAND