Unga Ísland - 01.12.1954, Side 24

Blaðagrind
Hér er skemmtilegt verkefni fyrir drengi
að glíma við í jólafríinu, en til þess að þeir
geti gert því skil, þurfa þeir bæði að eiga
laufsög og útskurðarjárn (flatjám) eða
vasahníf.
Því miður er ekki unnt — stærðarinnar
vegna — að sýna hér hina einstöku hluta
í heilu lagi. En það ætti ekki að koma að
sök, því þið getið fyrst teiknað annan
helminginn upp á gagnsæjan pappír, snúið
svo blaðinu við og teiknið sama helminginn
fast við hliðina á þeim fyrri. Miðlínan er
sýnd með bókstafnum M. — Pappír má
gera gagnsæjan með því að bera steinolíu
eða saumavélaolíu á hann með tusku.
Samsetningargöt eru miðuð við 4 mm.
þykkt efni.
Af hliðunum A (með drekahausnum)
þarf 2 stk., og af fleygnum E þarf 6 stk.,
en annars aðeins eitt af hverju.
Skurðarmyndin (við hliðina á dreka-
mynztrinu A) sýnir hvernig grindin er sett
saman. Athugið hana vel.
Hliðarnar A hallast út frá miðstykkinu
C. Þess vegna þurfa hliðarkantarnir á botn-
inum B að vera með fláa, sbr. svörtu mynd-
ina, sem örin x bendir á.
Mjóa stykkið D liggur undir botninum
— þvert yfir grindina — í götunum, sem
merkt eru með D í stykkjunum A og C.
Öll göt fyrir fleygana sex eru merkt
með E.
Ef þið athugið merkingarnar vel, þá er
auðvelt að setja grindina saman. Farið ná-
kvæmlega eftir teikningunum, bæði þegar
þið teiknið á krossviðinn og sagið út.
Skuggarnir, bæði við drekakjaftana, sem
bíta í sporðinn, og víðar, tákna, að þar
þarf að skera í viðinn. Fyrst er gerð grunn
rista, lóðrétt eftir strikunum, og síðan er
sniðskorið að botni ristunnar. — Æfið ykk-
ur fyrst á krossviðarbút, áður en þið farið
að skera í grindina sjálfa.
Þegar þið hafið skorið í viðinn þar
sem við á, og slípað grindina með sand-
pappír, getið þið litað hann eða lakkborið.
— í greininni, „Frágangur útsagaðra
muna", er talað um litun krossviðar o. fl.,
og vísast til hennar um endanlegan frá-
gang grindarinnar.
B réfaviðskipti óskast
(Ókeypis birting á nafni, heimilisfangi, aldri
og áhugamálum, ef óskað er.)
Magnús V. Jónsson, Seljanesi, Reykhóla-
sveit, pr. Reykhólar, A.-Barð.
Málfríður Erna Sigurðardóttir, Nýlendu,
A.-Eyjafjöllum, Rang., við pilt eða stúlku
13—14 ára.
Halldór Pálsson, Grund, Reykhólasveit,
A.-Barð.
Guðbjörg K. Hjörleifsdóttir, Háu-Þverá,
Fljótshlíð, Rang., við pilt eða stúlku 14—
16 ára.
ASKRIFENDUR
UNGA ISLANDS !
Munið að senda árgjaldið sem allra fyrst
til UNGA ÍSLANDS, Reykjavík. — Notið
póstávísun, það er ódýrast.
20
UNGA ÍSLAND