Unga Ísland - 01.06.1950, Side 52

Cecily M. Rutley:
Fyrsta saumavélin
Maður hét Barthélémy Thimmonier og var Frakki. Hann
var fæddur nálægt Lyon í Frakklandi árið 1793. Faðir Bart-
hélemys var litari í Lyon, en hann var fátækur og átti
fyrir konu og mörgum börnum að sjá. Konan hans varð
því að hlaupa undir bagga með honum, og þó að hún væri
allan dagirm önnum kafin við að hugsa um heimilið og
börnin, þá varð hún líka að bæta og sauma fatnað fyrir
aðra til þess að hægt væri að fæða og klæða börnin. Hún
varð því að vinna fram á nætur, og þegar Barthélemy var
háttaður á kvöldin, vissi hann, að móðir hans sat enn uppi
við sauma sína til þess að hann og systkini hans þyrftu
ekki að svelta. Stundum var liðið langt á nóttina áður en
móðir hans komst í rúmið.
Barthélemy lá oft og tíðum andvaka og hugsaði um móð-
ur sína. Þegar hann sá hana við sauma sína, gerði hann
sér í hugarlund, hve þreytt hún hlyti að vera í fingrunum
og augunum.
„Ég vildi, að þú ynnir ekki svona mikið, mamma" sagði
hann þá við hana.
„Það er ekkert við því að gera, vinur minn,“ sagði móð-
ir hans. „Ef ég gerði það ekki, hefðir þú og systkini þín
ekki nóg að borða og færuð svöng að hátta á kvöldin.“
„Það ætti að vera til auðveldari og betri aðferð til að
sauma. Þú vinnur baki brotnu, og samt færðu lítið sem
ekkert fyrir það.“