Árbók VFÍ/TFÍ - 01.06.1997, Blaðsíða 7

Formálar
Ávarp formanns VFÍ
Frá árinu 1994 hafa Verkfræðingafélag íslands og Tæknifræðinga-
félag Islands rekið sameiginlega skrifstofu í Verkfræðingahúsi og
haft mjög nána samvinnu á flestum sviðum. Sameiginleg árbók
félaganna kemur nú út í þriðja sinn en árbók Verkfræðingafélags
Islands í núverandi formi var fyrst gefin út fyrir starfsárið
1988-1989.
Sameiginleg útgáfustarfsemi félaganna hefur verið að þróast á
síðustu árum. Fréttablaðið Verktækni, sem félögin gefa út í sam-
vinnu við Stéttarfélag verkfræðinga, kemur að jafnaði út hálfs-
mánaðarlega yfir veturinn eða 14 tölublöð á ári. Blaðinu er einkum
ætlað að flytja fréttir af vettvangi tæknimanna, tilkynningar til fé-
lagsmanna og greinar um fagleg efni. Arbókinni er hins vegar ætl-
að það hlutverk að varðveita annála um starfsemi félaganna, ágrip af þjóðarhag, skýrslur unt
verklegar framkvæmdir, ritrýndar og almennar greinar um fagleg efni og í stuttu máli að
geyma flest það sem talið er hafa varðveislugildi úr starfsemi félaganna og af vettvangi
tæknimanna. Arbókin er þannig arftaki gamla Verkfræðingatímaritsins sem kom út í nær
óbreyttu formi frá 1916-1985 og varðveitir bróðurpartinn af framfarasögu aldarinnar. Ár-
bókin er að þessu leyti framhald á annálaritun Verkfræðingafélags íslands sem hófst með
Ársriti Verkfræðingafélags íslands 1912-1913 og staðið hefur óslitið síðan. Útgáfa árbókar-
innar er því ekki aðeins þjónusta við félagsmenn, heldur og menningarstarf í þágu þjóðar-
innar, sem væntanlega verður því meir metið sem tímar Iíða fram.
Verkfræðingafélag Islands stendur nú á vissum tímamótum. Hinu erfiða skeiði í sögu
félagsins sem fylgdi í kjölfar byggingar Verkfræðingahúss við Engjateig er nú lokið. í fyrta
sinn um árabil þurfti félagið ekki að leggja hússjóði til framlög af félagsgjöldum. Félagið á
nú í Verkfræðingahúsi glæsilega umgjörð um starfsemi sína og er í senn skuldlaust og fjár-
hagslega sterkara en nokkru sinni fyrr. Ástæða er á þessum tímamótum til að minnast þess
þorra félagsmanna sem hélt órofa tryggð við félagið á þessum erfiðu tímum og sparaði
hvorki fé né fyrirhöfn til að skila því heilu úr misvindi liðinna ára.
Liðið starfsár verður urn margt minnisstætt. Ákvörðun um stækkun álversins í Straumsvík
°g byggingu Norðuráls á Grundartanga, samningar um byggingu Hvalfjarðarganga ásamt
góðæri til lands og sjávar batt enda á tíu ára stöðnun eða samdrátt í þjóðarbúinu. Eftirspurn
eftir tæknimönnum jókst og nýtt líf færðist í verkfræðiþjónustu og verktakastarfsemi.