Til sjávar - 01.09.1997, Blaðsíða 2

Ytt úr
vö r
Hér með hefur göngu sína nýtt
fréttabréf Siglingastofnunar íslands -
Til sjávar. Ætlunin er að það komi út
íjórum til sex sinnum á ári og að þar verði
fjallað um þau verkefni sem efst eru á
baugi hjá stofnuninni hverju sinni.
Verkefni stofnunarinnar lúta fyrst og
fremst að öryggismálum sjófarenda og
því, að skapa hagkvæmar og öruggar
aðstæður til siglinga og fiskveiða viö
landið. Stærstu verkefnaflokkarnir eru
eftirlit með skipum og búnaði þeirra,
skráning skipa, rannsóknir og
áætlanagerð á sviði hafnamála, umsjón
með hafnarframkvæmdum er ríkissjóður
greiðir að liluta og rekstur vita og
leiðsögukerfa.
Siglingastofnun er langt frá því að
vera fullmótuð enda einungis tæplega
eins árs gömul og því vart farin að standa
i fæturna. Starfsemin stendur þó á
gömlum og traustum merg, því flestir
starfsmennirnir komu frá Siglinga-
málastofnun og Vita- og hafnamála-
stofnun, er lagðar voru niður um leið og
nýja stofnunin varð til.
Við gerurn okkur grein fyrir að
stofnuninni er ætlað það hlutverk að
þjónusta sjófarendur og útgerðir. í þeim
tilgangi var stofnunin sett á laggirnar. Til
að sinna hlutverkinu sem best er
nauðsynlegt að viðskiptavinir okkar eigi
sem greiðastan aðgang að öllum
upplýsingum, er starfsemina varða, og er
ætlun okkar að nýta fréttabréfið til þess.
Jafnframt er það von okkar að fréttabréfið
virki sem kveikja að umræðum og
skoðanaskiptum um málefni
stofnunarinnar og hjálpi okkur þannig að
móta starfsemi hennar til samræmis við
óskir og vilja viðskiptavinanna.
Með ósk um að þetta nýja fréttabréf
megi verða til þess að bæta samskipti
Siglingastofnunar við viðskiptavini sína
og auka skilning á verkefnum okkar.
Hermann Guðjónsson, forstjóri.
Stækkun Hafnarfjaröarhafnar
Rannsóknir eru hafnar á stækkun
Hafnarfjarðarhafnar í líkanstöð
Siglingastofnunar. Kanna á möguleika á
að byggja nýja viðlegukanta og skapa
aðstöðu fyrir flotkví utan við Suðurgarð.
Lokið var við uppsetningu líkansins, sem
er í mælikvarðanum 1:60, í lok ágúst. Við
rannsóknirnar verður leitast við að fínna
hagkvæmustu heildarlausnina fyrir kyrrð
og legu á mannvirkjum. í þessu skyni
verður skoðuð lengd og lega
brimvarnargarða utan við fyrirhuguð
mannvirki. Unnið verður að þessum
rannsóknum næstu mánuði.
Líkanstöðin gegnir mjög mikilvægu
hlutverki í rannsóknum stofnunarinnar á
hafnarmannvirkjum. Fjöldi likana hefur
verið settur upp í gegnum árin. Af nýrri
verkefnum má nefna Hornafjarðarós og
innsiglinguna til Grindavíkur. Árangur af
þeim rannsóknum er ótvíræður og hefur
t.d. skilað sér í auknu öryggi fyrir
sjófarendur við Homaljarðarós. Einnig er
nú unnið að dýpkun innsiglingarinnar til
Grindavíkur og er það gert á grundvelli
rannsókna sem fóm fram í líkanstöðinni.
Ur líkanstöð Siglingastofnunar.
Ljósm.: Kristján Maack
Upplýsingar á
h e i m a s í ð u
Siglingastofnun Islands er með
heimasíðu á Internetinu. Þar er að
finna almennar upplýsingar um
stofnunina og sameininguna, um veður og
sjólag, útboð á vegum stofnunarinnar,
starfsmenn og netföng og hafna- og
vitakort af landinu. Markmiðið er að auka
jafnt og þétt þjónustuna á
Internetinu með greiðari aðgangi að
upplýsingum. Gert er ráð fyrir að
efni fréttabréfsins verði aðgengilegt
þar innan tíðar. Viðskiptavinir
stofnunarinnar eru hvattir til að
kynna sér efni heimasíðunnar og
koma með ábendingar um hvernig hægt
er að auka notagildi hennar. Veffang
stofnunarinnar er http:// www.sigling.is/
Hafnarríkiseftirlit
á Internetinu
r
Itilefni af því að 15 ár em liðin frá því
að hið svokallaða Parísarsamkomulag
um hafnarríkiseftirlit (Paris MOU) var
undirritað hefúr verið sett upp heimasíða
á Internetinu með ýmsum fróðleik um
Paris MOU. Slóðin er: http://www.
parismou.org - Þama er m.a. að finna
ársskýrslu síðasta árs en í henni
kemur fram að fjöldi skipa sem hafa
verið sett í farbann hefur ekki verið
minni frá 1988.
Nýtt veffang
Athygli er vakin á því að
Siglingastofnun er komin með nýtt
veffang/slóð á Intemetinu. Nýja slóðin er
http:// www.sigling.is/ og kemur í stað
http:// www.vh.is/
Til sjávar. Fréttabréf Siglingastofnunar. Heimasíða: http://www.sigling.is/ Fjölmiðlum er frjálst að nota efni blaðsins ef
Utgefandi: Siglingastofnun Islands. Ritstjóri: Sigurjón Ólafsson (sigurjon@sigling.is) heimildar er getið. Óskum um áskrift er hægt að
Vesturvör 2, 200 Kópavogur. Abyrgðarmaður: Hermann Guðjónsson. koma á framfæri við ritstjóra.
Sími: 560 0000 Prentun: Prentsmiðjan Oddi hf.
Bréfasími: 560 0060 Efni tilbúið í prentsmiðju 17. september 1997.
2