Til sjávar - 01.09.1999, Qupperneq 2
Frá forstjóra
0.
Þrjú ár frá
sameiningu
ann 1. októbcr 1999 eru þrjú ár liðin frá því
Siglingastofnun varð til við samruna
Siglingamálastofnunar og Vita- og hafnamála-
stofnunar. Rcynslan sýnir að ákvörðun um
sameiningu átti fullan rétt á sér. Það er
auðveldara fyrir eina öfluga stofnun en tvær
litlar að aðlaga sig sífellt nýjum kröfum og
tækniframförum, þar sem hún hefur bolmagn til
að hafa í þjónustu sinni sérhæfða starfsmenn á
fleiri sviðum. Með samstarfi sérfræðinga, sem
áður störfuðu á afmörkuðu sviði í hvorri stofnun
fyrir sig, hafa verið tekin fyrir og leyst ný og
fjölþættari verkefni en áður, er lúta að
öryggismálum sjófarenda. Þá hefur sameiningin
leitt til betri nýtingar á mannafla og aðstöðu.
Vinnuumhverfi stofnunarinnar er síbreytilegt
og hraði breytinganna fer vaxandi. í þessu
sambandi má nefna eftirfarandi atriði:
Samevrópskar kröfur gilda um smíði og búnað
ftskiskipa í stað séríslenskra áður. Ný fiskiskip
eru smíðuð fyrir Íslendinga í fjarlægum löndum
svo sem Kína og Chile í stað nágrannalandanna
áður. Stofnuninni er gert að sinna eftirliti með
erlendum skipum, er koma til landsins, en áður
sinnti hún einungis eftirliti með íslenskum
skipum. Breyttar reglur um skatta, þjónustu-
gjöld og samkeppni gera nú nýjar kröfur um
verðlagningu þjónustu, bæði hjá stofnuninni og
höfnum landsins, sem eru í eigu sveitar-
félaganna. Bættar samgöngur á landi og breytt
útgerðarmynstur hafa haft mjög mismunandi
áhrif á tekjumöguleika og afkomu einstakra
hafna. Sérstaklega eiga hafnir í litlum jaðar-
byggðum á landsbyggðinni í vök að verjast.
Framangreind atriði eru meðal annars þess
valdandi, að nú er i undirbúningi endurskoðun
flestra laga og reglugerða, er fjalla um verkefni
stofnunarinnar. Vonandi tekst vel til með
nauðsynlegar breytingar þannig að útgerð og
rekstur hafna fái að dafna um land allt.
Jafnframt er óskandi að Siglingastofnun takist
að þróast í takt við kröfur tímans og geti þannig
veitt viðskiptavinum sínum tilætlaða þjónustu á
lipran og hagkvæman hátt en þó ávallt með
öryggi sjófarenda að leiðarljósi.
frh. af hls. 1
kaupskip í rekstri íslenskra útgerða á
íslenska skipaskrá, eða mögulega alþjóð-
lega íslenska skipaskrá. Þetta mál hefur
verið til athugunar um nokkurt skeið, en
ég tel brýnt að grípa til aðgerða í þessu
máli sem fyrst. Þá vil ég einnig vinna að
því að mögulegt verði að heimila tvískrán-
ingar ftskiskipa, þ.e. að geftn verði heim-
ild til að skrá íslensk fískiskip í þurrleigu á
skipaskrá annarra þjóða. Hugmyndir sem
þessar hafa æ oftar verið settar fram, en
ljóst að um er að ræða margslungið mál
sem varðar bæði fiskveiðistjórnunina
pólitískt, en einnig alþjóðavæðingu
íslenskrar útgerðar.
Öryggismál sjómanna er nokkuð sem
mér er ljúft og skylt að greiða götu eftir
megni. Það er mín skoðun að löngu sé
orðið tímabært að gera langtímaáætlun um
öryggismál sjómanna. Ég vil að áætlunin
verði unnin í nánu samráði við hagsmuna-
aðila og síðan afgreiða hana með þings-
ályktun til að gefa henni vægi.
Þá vil ég nefna að hafín er vinna við
úttekt á framkvæmd hafnarríkiseftirlits hér
á landi. Sú vinna miðar að því að kanna
hvort lagaheimildir hér á landi séu
fullnægjandi, t.d. til kyrrsetningar skipa,
og hvort framkvæmdin sé í samræmi við
reglugerðir. Þannig er ljóst að af mörgu er
að taka sem allt stefnir að því að bæta
aðstöðu í höfnum landsins og auka öryggi
sjómanna."
Ríkari kröfur gerðar til ríkisstofnana
Sp: Sérðu fyrir þér að starfsemi Siglinga-
stofnunar muni breytast á nœstu árum?
„Já, ég get ekki neitað því að ég get vel
séð fyrir mér ákveðnar breytingar á
Siglingastofnun á næstu árum, þó ég sé
kannski ekki tilbúinn til að fara nánar út í
þær hugmyndir að svo stöddu. Þó get ég
sagt að sú þróun sem átt hefur sér stað í
þjóðfélaginu almennt á undanförnum
árum, þar sem ríkari kröfur eru gerðar til
ríkisstofnana, er að mínu skapi. Þróunin er
sú að einkaaðilar bjóða þjónustu á flestum
sviðum og því er eðlilega sú krafa uppi að
ríkisstofnanir veiti ekki óeðlilega sam-
keppni. Ég hef þegar nefnt hugmyndir um
stofnun sjálfstæðrar skoðunarstofu, en ég
sé fyrir mér að það gæti orðið fyrsta
skrefið í þróun sem tæki yfir einhvern
tíma. Ég vil undirstrika að hér er ég aðeins
að setja fram hugmyndir I þessa áttina, en
ekkert hefur verið rætt um frekari
útfærslur á þeim eða ákveðið.“
Þjónustugjöld fara vaxandi
Sp: Umrceða um samspil skatta og
þjónustugjalda í opinberum rekstri er
mikið tii umrœðu. Hvaða leið telur þú að
eigi að fara til að standa undir rekstrar-
kostnaði Siglingastofnunar og þeim
verkefnum sem hún sinnir? „Þess ber fyrst
að geta að nefnd er að störfúm til þess að
ijalla um framtíðarstefnu I hafnarmálum,
og að útkoma úr starfi þeirrar nefndar
verður kynnt á Hafnasambandsþinginu.
Starf þessarar nefndar tekur vissulega
eingöngu til hafna, en sem-almennt svar
við þessari spumingu vísa ég nokkuð til
svars míns við spumingunni hér á undan
um mögulegar breytingar á Siglinga-
stofnun á næstu árum, þ.e. að á þessu sviði
sem öðrum er ljóst að þáttur þjónustu-
gjalda mun fara vaxandi. Ég tel sjálfsagt
að stefna að því að rekstur stofnunarinnar
geti skilað sem mestum tekjum. Þó er ljóst
að mörg verkefni sem undir stofnunina
heyra em þess eðlis að þáttur ríkisins við
framkvæmd þeirra mun áfram verða
verulegur og ekki hægt að ætlast til þess
að grundvallarbreyting verði þar á. Hins
vegar má svo endalaust deila um hver sá
þáttur ríkisins á að vera, en sjálfsagt að
hafa að Ieiðarljósi að reyna að lágmarka
hann hverju sinni. Eftir sem áður er
markmiðið það að leggja til þá þjónustu
sem tryggir það umhverfí sem af lögum
leiðir, og einnig að við þurfúm að tryggja
sem best öfiuga Siglingastofhun."
Sp: Viltu segja eitthvað að lokum? „Ég
hef í mörg ár átt gott samstarf við
starfsmenn Siglingastofnunar og þekki vel
hversu mikilvæg sú þjónusta er sem þar er
veitt. Sem ráðherra samgöngumála vil ég
því tryggja sem 'best framvindu allra þátta
siglingamála og vænti góðs samstarfs við
það ágæta fólk sem starfar á Siglinga-
stofnun og hefur yfir að ráða mikilli
reynslu og þekkingu sem ég vil að nýtist
okkur öllum sem best.“
Til sjávar. Fréttabréf Siglingastofnunar. Heimasíða: www.sigling.is Fjölmiðlum er frjálst að nota efni blaðsins ef
Útgefandi: Siglingastofnun íslands. Ritstjóri: Sigurjón Ólafsson (sigurjon@sigling.is) heimildar er getið. Óskum um áskrift er hægt að
Vesturvör 2, 200 Kópavogur. Abyrgðarmaður: Hermann Guðjónsson. koma á framfæri við ritstjóra.
Sími: 560 0000 Prentun: Prentsmiðjan Oddi hf.
Bréfasími: 560 0060 Efni tilbúið í prentsmiðju 23. september 1999.
2