Neytendablaðið - 01.09.1967, Síða 12

NEYTENDABLAÐIÐ
12
skókaupmönnum og skósmiðum. En ef skórnir hafa gúmmíbotna, þá
skal einmitt gæta þess að bera ekki á þá.
• Notið hverja skó til þess, sem þeir eru ætlaðir. Notið t.d. ekki létta
inniskó úti við.
• Það er hagsýni í því að eiga skó til skiptanna. Er það betra bæði
fyrir skóna og fæturna.
• Hreinsið ætíð skóna, áður en þér setjið þá til hliðar. Þurrkið af
þeim óhreinindi, bæði af sóla og yfirleðri. Berið síðan á þá örlítið af
skóáburði, burstið með mjúkum bursta eða núið með ullarklút.
• Þurrkið aldrei skó við hita, t.d. ofan á ofni. Fyllið skóna með
dagblöðum og látið loft leika um sólann. Hitinn eyðileggur leðrið, það
missir mýkt sína og styrkleika. Bezt er að bera leðurfeiti á vatnsleðurskó,
sem blotnað hafa, áður en þeir eru fullþurrir. Skórnir skulu burstaðir,
þegar þeir eru þurrir.
• Notið skóleista, þegar þér setið skóna til hliðar. En gætið þess,
að þeir séu af réttri stærð. Litlu gormarnir, sem eru með hnúð á hvor-
um enda, eru verri en engir, þar sem þeir skekkja skóna.
• Geymið skóna á sérstökum skóhillum eða í skópokum. Ekki undir
rúminu, þar sem ryk sezt á þá og skemmir smátt og smátt hið við-
kvæma yfirleður.
• Samkvæmisskó og ljósa skó er sjálfsagt að geyma í pokum. Silfur-
og gullskór dökkna, komist að þeim birta, og er því bezt að geyma þá í
svörtum silkipappír.
• Hvítir skinnskór eru hreinsaðir með þar til gerðum hreinsiefnum.
Strigaskó er bezt að þvo úr sápu og vatni. Sé notuð krít, verður að var-
ast að bera hana of þykkt á, því að striginn verður þá stífur og hættir
til að springa.
9 Gúmmískófatnað skal einnig hreinsa strax eftir notkun. Skolið
hann úr köldu vatni. Þvoið hann síðan úr vægu sápuvatni, ef þess gerist
þörf. Notið ekki sóda; hann eyðileggur lakkið. Benzín, olía, steinolía,
benzol og önnur skyld efni leysa upp gúmmí. Þurrkið aldrei gúmmískó-
fatnað við hita.
• Farið með skóna til skósmiðs strax og þeir fara að shtna. Það
er hagsýni í því að láta gera við skóna í tæka tíð. Einkum hættir okkur
til að láta hælana slitna um of. Er það skaðlegt fyrir fótinn, göngulagið
spillist og skórnir eyðileggjast fyrr en ella.