Dagsbrún - 01.09.1986, Síða 39

UM FRÍTT FÆÐI OG DAGPENINGA
Þegar verkamenn eru sendir til vinnu utan bæjar og þeim ekki ekið heim á mál-
tíðum eða að kvöldi, skulu þeir fá frítt fæði og annan dvalar- og ferðakostnað.
Ef verkamönnum, sem vinna í borgarlandinu utan flutningslínu, er ekki ekið
heim á máltíðum og þeim er ekki séð fyrir fæði á vinnustað, skulu þeim greiddir
dagpeningar fyrir fæðiskostnaði er séu kr. 296,34 á dag sé verkamönnum ekið
heim fyrir kvöldmatartíma, en kr. 518,59 fari heimkeyrslan fram síðar.
Þegar að jafnaði er matast á vinnustað, skulu bæði vinnuveotendur og verka-
fólk fylgja fyrirmælum heilbrigðisyfirvalda um aðbúnað, hreinlætisaðstöðu og
umgengni á matstað.
UM LAUN Á FERÐUM
Á leið til ákvörðunarstaðar skal greitt kaup fyrir alla þá tíma sem verið er á ferða-
lagi, sé farið landveg eða loftleiðis. Sé aftur á móti farið sjóleiðis, greiðist dag-
vinnukaup hvern dag sem á ferðinni stendur, en þó einungis fyrir þann stunda-
fjölda, sem til dagvinnu telst. Sama gildir um heimferð.
REGLUR UM FAST VIKUKAUP
Hafi verkamaður unnið hjá sama atvinnurekanda samfellt í 3 mánuði eða lengur
skal honum greitt óskert vikukaup þannig, að samningbundnirfrídagar aðrir en
sunnudagar, séu greiddir.
GJALD FYRIR AFNOT EIGIN BIFREIÐAR í ÞÁGU
ATVINNUREKANDA
Noti starfsmaður eigin bifreið að ósk vinnuveitanda á hann rétt á greiðslu.
Greiðslan miðast við ekna kílómetra og upphæð pr. km. skal vera sú sama og
ákveðin er af Ferðakostnaðarnefnd ríkisins hverju sinni.
Heimilt er að semja um fasta krónutölu pr. ferð, er miðast við afmörkuð svæði
og byggist á ofangreindu kílómetragjaldi.
Bifreiðagjald frá 1. febrúar 1986.
Á bundnu slitlagi......................... kr. 11,70 pr. ekinn km.
Á malarvegi............................... kr. 13,45 pr. ekinn km.
LÆKNISVOTTORÐ
Vinnuveitandi getur krafist læknisvottorðs um veikindi verkamanns.
Vinnuveitandi greiði læknisvottorð að því tilskyldu, að veikindi séu þegar til-
kynnt á fyrsta veikindadegi, og að starfsmönnum sé ávallt skylt að leggja fram
læknisvottorð.
Greiðslur í veikinda- og slysatilfellum skulu greiddar með sama hætti og á
sama tíma og aðrar vinnulaunagreiðslur.