Vér mótmælum allir - 01.03.1946, Blaðsíða 5

Vér mótmælum allir - 01.03.1946, Blaðsíða 5
BARÐI FRIÐRIKSSON, slud. jur. Við viljum ekki erlendan her á íslandi Nokkrir menn hafa sýnt bæði í ræðu og riti, að þeir vilja, að erlendur her verið hér áfrani landinu til verndar. Þeir álíta, að við getum ekki staðið einir og óstuddir — getum ekki verið sjálfstæð þjóð — virðist jafnvel þykja sómi fyrir landið dvöl hins erlenda hers. Þessir menn, þessir mömmudreng- ir, vilja endilega eiga einhverja stóra og volduga móður, sem þeir geti „hallað sér að" eins og þeir kalla það. Þessi móðir er Bandaríki Norð- ur-Ameríku. Það er vissulega ómetanlegt fyrir íslendinga að hafa vináttu þessarar voldugu og vinveittu lýðræðisþjóðar. En vináttan má ekki vera of dýru verði keypt. Hún má ekki vera á kostnað frelsis og fullveldis landsins. Þeir amerísku íslendingar, sem vilja áfram- haldandi hervernd Bandaríkjanna, virðast hvorki trúa á ísland, íslendinga, frelsi þjóðarinnar eða friðinn í heiminum. Þeir virðast ekki hafa gert sér grein fyrir því, að ef til styrjaldar kæmi í framtíðinni, myndu herflokkar hér vanmegnug- ir til varnar þeim voðaöflum eyðileggingarinn- ar, sem hernaðarþjóðir nútímans hafa yfir að ráða. Aftur myndi her í landinu góð ástæða fyrir árásir á landið. Hlutleysi myndi herjum sterk- ara. Engin hernaðarþjóð myndi varpa atom- sprengju á ísland til að myrða hlutlausa íbúa þess. Við höfum heyrt, að samningar standi nú yfir milli stjórnar íslands og Bandaríkjanna. Við vitum ekki, um hvað þeir fjalla. Þjóðin fær ekkert um þá að vita. „Það er ekki talið heppilegt". En íslenzka þjóðin veit, að hún hefir ríkar skyldur við umheiminn, friðinn í heiminum og síðast en ekki sízt land sitt og hið langþráða og dýrkeypta frelsi þess. Það væri og ófagurt til afspurnar fyrir íslendinga, ef þeir veittu einu herveldi ítök og herstöðvar hér. Myndu ekki þær þjóðir, sem til sögu og frelsisbaráttu þjóð- arinnar þekkja, fyllast fyrirlitningu á hinum íslenzku verrfeðrungum? Myndum við gefa heppilegt fordæmi með veitingu herstöðva? Myndi það verða gott til samkomulags þjóð- anna; ef við höguðum okkur þannig? Þessum spurningum verður að svara neitandi. Ef verið er að gera einhverja samninga við önnur ríki um kvaðir á landinu eða skerðingu á frelsi þess, þá viti það allir, að því standa gegn þeir menn, sem góðir íslendingar teljast. Sumir Bandaríkjamenn segja, að hér verði að hafa her þrátt fyrir gerða samninga um brott- flutning hans og yfirlýsingar um vernd smá- þjóðanna. Margir eru því þó andvígir, þar á meðal viðskiptamálaráðherrann. Það ætti að vera mikill siðferðilegur styrkur fyrir þá Bandaríkjamenn, sem vilja flytja her- inn brott, að vilji íslendinga sjálfra komi sem bezt í ljós. Hér duga, af hálfu íslendinga, engar vangaveltur, sem rugla menn í því, sem er að gerast. Skýra afstöðu þarf að taka gegn öllu því, er skert getur sjálfstæði landsins. Við stúdentar höfum ráðizt í útgáfu þessa blaðs, vegna þess að okkur þótti dagblöðin held- ur fáskiptin og tómlát um þessi efni. En slík mál þarf að ræða á sem ljósastan hátt, svo að hver og einn geti myndað sér skoðanir á þeim, því að þau snerta alla landsmenn. Hér verðum við íslendingar að standa sam- einaðir, og svo, hyggjum við, að sé með fáum en vel kunnum undantekningum. Innan vébanda ríkisins eru því miður andlega spilltir og svefn- höfgir menn, þjóðlegir undanvillingar, sem vilja koma landinu undir erlent vald. Varla verður þó sagt, að allir, sem í þessum flokki eru, séu þar beint af illum hug til lands síns, heldur eru þeir svo fjötraðir í fávizkunnar hlekki og gleymskunnar dá, að þeir álíta erlenda VÉR MÓTMÆLUM ALLIR! 5

x

Vér mótmælum allir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vér mótmælum allir
https://timarit.is/publication/937

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.